حدیث: کله چې دوه مسلمانان - د جګړې په نیت - سره مخ شي او یو پر بل توري راوباسي، نو قاتل او مقتول دواړه په اور کې دي.
عن أبي بكرة نفيع بن الحارث الثقفي رضي الله عنه أن النبي صلى الله عليه وسلم قال: «إذا التَقَى المسلمانِ بسَيْفَيْهِمَا فالقاتلُ والمقْتُولُ في النَّارِ». قلت: يا رسول الله، هذا القاتلُ فما بالُ المقتولِ؟ قال: «إنه كان حريصًا على قَتْلِ صَاحِبِهِ».
[صحيح] - [متفق عليه]
المزيــد ...
له ابوبکرة نفیع بن الحارث الثقفي - رضي الله عنه - څخه روایت دی چې نبي کریم - صلی الله علیه وسلم فرمایلي دي: « کله چې دوه مسلمانان - د جګړې په نیت - سره مخ شي او یو پر بل توري راوباسي، نو قاتل او مقتول دواړه په اور کې دي» ما وویل: ای د الله رسوله ! دا - یو - خو قاتل دی، نو مقتول ولې؟ ویې فرمایل: "هغه لیواله و چې خپل ملګری ووژني."
صحيح - متفق علیه دی ( بخاري اومسلم دواړو روایت کړی دی)
کله چې دوه مسلمانان توره په لاس یو له بل سره مخ شي او هر یو د مقابل لوري د له منځه وړلو نیت لري، نو قاتل نیغ په نیغه د قتل په سر ته رسولو سره په اور کې دی، او مقتول د - خپل نیت په سبب چې د - ملګري په وژل کیدو یې حرص درلوده او ورته لیواله و هم په اور کې دی، که چیرته الله تعالی ورته بخښنه ونه کړي او بل دا چې جګړه په حقه نه وي، لکه چې الله تعالی فرمايي: (فإن بغت إحداهما على الأخرى فقاتلوا التي تبغي حتى تفيء إلى أمر الله) ژباړه: نو كه په دغو دواړو كې یوې -ډلې- پر بلې زیاتى (او ظلم) وكړ، نو تاسو له هغې ډلې سره وجنګېږئ، چې زیاتى كوي، تر دې چې هغه د الله حكم ته راوګرځي.
د حديث له ګټو څخه
- سزا هغه چا ته رسیږي چې د ګناه اراده وکړي، او په زړه کې - ورته پلان - جوړ کړی وي او د ګناه اسباب برابر کړي؛ برابره خبره ده که - ګناه - وشوه او یا ونشوه، که چیرته الله تعالی هغه ته بخښنه ونه کړي، خو هغه څوک چې یوازې په زړه کې د - ګناه - اراده وکړي او اسباب یې ورته برابر نه کړل نو هغه ګناهکار نه دی.
- د مسلمانانو سره له جګړې ویرول.
ډلبندیانې
نور
- حدیث: آیا تاسو له تر ټولو غټو ګناهونو خبر نه کړم؟
- حدیث: لوى ګناهونه(کبیره ګناهونه): له الله سره شرک كول، د مور او پلار نافرماني كول، د نفس وژل، او په دروغو قسم خوړل.
- حدیث: له اوو هلاکوونکو ګناهونو څخه ځان وساتئ، دوی وويل: يا رسول الله هغه کوم دي؟ هغه وفرمايل: له الله سره شرک كول، جادوګري، د هغه نفس وژل چې له حق پرته یې الله وژل حرام كړي دي، سود خوړل، د يتيم مال خوړل، - په جهاد کې - د جنګ له میدان څخه شاتګ، او پر پاکو، بې خبره او مؤمنو بیبیانو د زنا تور پورې کول.
- حدیث: زه د شریکانو له شراکت څخه تر ټولو زیات مستغني یم، نو چا چې یو کار وکړ او په هغه کې یې زما سره بل څوک شریک کړ، زه به هغه کس د هغه شرک ته پریږدم.
- حدیث: پنځه ګوني لمونځونه، یوه جمعه تر بلې او یو رمضان تر بل پورې هغه ګناهونه بخښي چې د دوی تر منځه شوي وي پدې شرط چې له کبیره ګناهونو ځان وساتل شي.
- حدیث: الله تعالی ستاسو بدنونو او شکلونو ته نه ګوري، بلکې ستاسو زړونو او عملونو ته ګوري.
- حدیث: عملونه په نیت سره دي، او هر سړي ته هغه څه دي چې د هغه نیت یې کړی وي.