Hadithi: Igihe abayisilamu babiri basakiranye mu mirwano bafite inkota, icyo gihe uwishe n'uwishwe bose bajya mu muriro
عن أبي بَكرة رضي الله عنه قال: سمعت رسول الله صلى الله عليه وسلم يقول:
«إِذَا الْتَقَى الْمُسْلِمَانِ بِسَيْفَيْهِمَا فَالْقَاتِلُ وَالْمَقْتُولُ فِي النَّارِ»، فَقُلْتُ: يَا رَسُولَ اللهِ هَذَا الْقَاتِلُ، فَمَا بَالُ الْمَقْتُولِ؟ قَالَ: «إِنَّهُ كَانَ حَرِيصًا عَلَى قَتْلِ صَاحِبِهِ».
[صحيح] - [متفق عليه]
المزيــد ...
Hadithi yaturutse kwa Abi Bak'rat (Imana imwishimire) yaravuze ati: Numvise Intumwa y'Imana (Imana iyihe amahoro n'imigisha) ivuga iti:
"Igihe abayisilamu babiri basakiranye mu mirwano bafite inkota, icyo gihe uwishe n'uwishwe bose bajya mu muriro", ndavuga nti: Yewe Ntumwa y'Imana! Uyu ni uwishe birumvikana, none uwishwe we bimeze bite? Intumwa y'Imana (Imana iyihe amahoro n'imigisha) iransubiza iti: Uyu nawe yari ashishikajwe no kwica mugenzi we."
Hadithi y'impamo - Yemeranyijweho na Bukhari na Muslim
Intumwa y'Imana (Imana iyihe amahoro n'imigisha) iratubwira ko igihe abayisilamu babiri basakiranye barwana bafite intwaro, buri wese agambiriye kwica mugenzi we, icyo gihe uwishe ajya mu muriro, kubera kwica mugenzi we; Abasangirangendo ntibiyumvisha ukuntu n'uwishwe azajya mu muriro maze barayibaza bati: Uwishwe ni gute yajya mu muriro? Nuko Intumwa y'Imana (Imana iyihe amahoro n'imigisha) ibasubiza ko nawe azajya mu muriro kubera ko nawe yari ashishikariye kwica mugenzi we usibye ko yamutanze kubigeraho.
Zimwe mu nyungu dukura muri Hadithi.
- Ugambiriye gukora icyaha mu mutima akanaharanira kugikora aba akwiye kubihanirwa.
- Kubuza mu buryo bukomeye imirwano hagati y'abayisilamu, ndetse n'ibihano bihambaye by'umuriro bibategereje.
- Kurwana hagati y'abayisilamu binyuze mu kuri byo ntabwo umuntu abihanirwa; nko kurwanya no kwica abagizi ba nabi ndetse n'abangizi.
- Umuntu ukoze icyaha gikuru, ntikimuhindura umuhakanyi kuko agikoze, kubera ko Intumwa y'Imana (Imana iyihe amahoro n'imigisha) yise abarwana hagati yabo ko ari abayisilamu!
- Abayisilamu babiri basakiranye bitwaje icyo ari cyo cyose cyamugeza ku kwica mugenzi we, icyo gihe uwishe n'uwishwe bose bazajya mu muriro. No kuba inkota ari yo yavuzwe muri iyi Hadithi byari mu rwego rwo gutanga urugero. (Intwaro iyo ari yo yose wakoresha ukica mugenzi wawe nayo yinjira mu gisobanuro cy'iyi mvugo)
Ibyiciro
Ibirenzeho.
- Hadithi: Ese mbabwire ibyaha bikuru kuruta ibindi
- Hadithi: Ibyaha bikuru ni: Ukubangikanya Imana, no gusuzugura ababyeyi bombi, no kwica inzirakarengane, n'indahiro irindimurira nyirayo mu muriro
- Hadithi: Mwirinde ibyaha birindwi birimbura
- Hadithi: Njyewe ndihagije sinkeneye kubangikanywa n’ikindi kintu. Uzakora igikorwa icyo ari cyo cyose ambangikanyijemo n’ikindi kintu, ntabwo nkimwakirira
- Hadithi: Iswala eshanu kuri eshanu, n'idjuma kugera ku idjuma ndetse na Ramadhan kugera kuri Ramadhan, bihanagura ibyaha wakora hagati aho igihe cyose wirinze ibyaha bikuru
- Hadithi: “Imana ntireba ubwiza bw’uburanga bwanyu cyangwa imitungo yanyu, ahubwo ireba imitima yanyu ndetse n'ibikorwa byanyu.”
- Hadithi: Mu by'ukuri ibikorwa byose bishingira ku migambi byakoranywe, ndetse na buri wese azahembwa hashingiye ku mugambi yagize