Hadith: “បាបកម្មដែលធំជាងគេបំផុតគឺ ការធ្វើស្ហ៊ីរិកចំពោះអល់ឡោះ អកតញ្ញូចំពោះឪពុកម្តាយ ការសម្លាប់ជីវិត(អ្នកដទៃ) និងការស្បថបំពាន”។

عن عبد الله بن عمرو بن العاص رضي الله عنهما عن النبي صلى الله عليه وسلم قال:
«الْكَبَائِرُ: الْإِشْرَاكُ بِاللهِ، وَعُقُوقُ الْوَالِدَيْنِ، وَقَتْلُ النَّفْسِ، وَالْيَمِينُ الْغَمُوسُ».
[صحيح] - [رواه البخاري] - [صحيح البخاري: 6675]

អំពី អាប់ទុលឡោះ ពិន អាំរ៍ ពិន អាល់អោស رضي الله عنهما អំពីណាពី ﷺ លោកបានមានប្រសាសន៍ថា៖
“បាបកម្មដែលធំជាងគេបំផុតគឺ ការធ្វើស្ហ៊ីរិកចំពោះអល់ឡោះ អកតញ្ញូចំពោះឪពុកម្តាយ ការសម្លាប់ជីវិត(អ្នកដទៃ) និងការស្បថបំពាន”។
[صحيح] - [رواه البخاري] - [صحيح البخاري - 6675]

Explanation

ណាពី ﷺ លោកបានបញ្ជាក់ពីបាបកម្មធំ គឺរាល់បាបកម្មទាំងឡាយដែលគេព្រមានចំពោះអ្នកដែលប្រព្រឹត្តនូវទណ្ឌកម្មយ៉ាងធ្ងន់ធ្ងរក្នុងលោកិយ ឬនៅថ្ងៃបរលោក។
ទីមួយ៖ គឺការធ្វើស្ហ៊ីរិកចំពោះអល់ឡោះ៖ វាគឺជាការបង្វែរនូវប្រភេទណាមួយក្នុងចំណោមប្រភេទទាំងឡាយនៃការគោរពសក្ការៈទៅកាន់អ្នកផ្សេងក្រៅពីអល់ឡោះ។ វាជាការយកអ្នកផ្សេងក្រៅពីអល់ឡោះជាម្ចាស់មកប្រៀបស្មើនឹងអល់ឡោះចំពោះអ្វីដែលជាលក្ខណៈពិសេសសម្រាប់តែអល់ឡោះជាម្ចាស់ ទាំងក្នុងភាពជាម្ចាស់ដែលត្រូវគោរពសក្ការៈ ភាពជាម្ចាស់ដែលជាអ្នកគ្រប់គ្រង និងចំពោះព្រះនាមនិងលក្ខណៈសម្បត្តិរបស់ទ្រង់។
ទីពីរ៖ អកតញ្ញូចំពោះឪពុកម្ដាយ៖ គឺរាល់ប្រការទាំងឡាយដែលធ្វើឲ្យប៉ះពាល់ដល់ឪពុកម្តាយមិនថាជាពាក្យសម្តី ឬកាយវិការ និងបោះបង់ការធ្វើល្អទៅកាន់លោកទាំងពីរ។
ទីបី៖ គឺការសម្លាប់ជីវិតអ្នកដទៃដោយខុសច្បាប់ ដូចជាការសម្លាប់អ្នកដទៃដោយអយុត្តិធម៌ ឬដោយបំពានជាដើម។
ទីបួន៖ ការស្បថបំពាន៖ វាគឺជាការស្បថកុហកទាំងដែលខ្លួនដឹងថា វាខុសពីការពិត។

Benefits from the Hadith

1. ការស្បថបំពាន គឺពុំមានការពិន័យដើម្បីលាសម្បថនោះឡើយដោយសារតែភាពធំធេងនៃគ្រោះថ្នាក់របស់វា និងបទឧក្រិដ្ឋរបស់វា។ តាមពិត គឺរូបគេត្រូវសារភាពកំហុសចំពោះអល់ឡោះ(តាវហ្ពាត់)។
2. ការលើកឡើងត្រឹមតែបាបកម្មទាំងបួនប្រភេទនេះនៅក្នុងហាទីស្ហ គឺដោយសារតែភាពធំធេងនៃបាបកម្មរបស់វា ពុំមែនមានន័យថា បាបកម្មធំមានតែបួននេះឡើយ។
3. បាបកម្មត្រូវបានបែងចែកជាបាបកម្មធំ និងបាបកម្មតូច។ បាបកម្មធំ គឺរាល់អំពើបាបទាំងឡាយណាដែលមានបញ្ជាក់ពីទណ្ឌកម្មក្នុងលោកិយ ដូចជាច្បាប់ព្រហ្មទណ្ឌ ការដាក់បណ្តាសា ឬការព្រមានដាក់ទណ្ឌកម្មនៅថ្ងៃបរលោក ដូចជាការព្រមានថានឹងចូលឋាននរក។ ហើយបាបកម្មធំនេះ ក៏មានកម្រិតឬលំដាប់របស់វាផងដែរ ដោយបាបកម្មនីមួយៗ គឺមានលក្ខណៈធំធេងជាងគ្នាចំពោះការហាមប្រាម។ ចំណែកឯបាបកម្មតូច គឺបាបកម្មទាំងឡាយក្រៅពីបាបកម្មធំ។