हदीस: ठूला पापहरू: शिर्क (अल्लाहको प्रतिद्वन्द्वी ठहर) गर्ने, आमाबाबुको अवज्ञा गर्ने, कसैको हत्या गर्ने र झूटो कसम खाने ।
عن عبد الله بن عمرو بن العاص رضي الله عنهما عن النبي صلى الله عليه وسلم قال:
«الْكَبَائِرُ: الْإِشْرَاكُ بِاللهِ، وَعُقُوقُ الْوَالِدَيْنِ، وَقَتْلُ النَّفْسِ، وَالْيَمِينُ الْغَمُوسُ».
[صحيح] - [رواه البخاري]
المزيــد ...
अब्दुल्लाह बिन अम्र बिन आस (रजियल्लाहु अन्हुमा) ले वर्णन गरेका छन्, रसूल (सल्लल्लाहु अलैहि वसल्लम) ले भन्नुभएको छ :
"ठूला पापहरू: शिर्क (अल्लाहको प्रतिद्वन्द्वी ठहर) गर्ने, आमाबाबुको अवज्ञा गर्ने, कसैको हत्या गर्ने र झूटो कसम खाने ।
सही - बुखारीले वर्णन गरेका छन्
यस हदीसमा, रसूल (सल्लल्लाहु अलैहि वसल्लम) ले ठूला पापहरू वर्णन गर्दै हुनुहुन्छ । जुन पापले गर्दा अपराधीलाई यस संसार वा परलोकको कडा चेतावनी दिइएको छ, त्यसलाई ठूला पापहरू भनिन्छ ।
पहिलो ठूलो पाप : अल्लाहसँग शिर्क गर्नु, अर्थात् अल्लाह बाहेक अरूको उपासना गर्नु । उहाँको उपासना, नाम र गुणहरूमा बराबरी र प्रतिद्वन्द्वी ठहर गर्नु शिर्क हो ।
दोस्रो ठूलो पाप : आमाबाबुको अवज्ञा गर्नु, बोली वा कर्मद्वारा आमाबाबुलाई कुनै प्रकारको पीडा दिनु वा उनीहरूसँग राम्रो व्यवहार नगर्नु हो ।
तेस्रो ठूलो पाप : हत्या गर्नु हो, जस्तै कसैलाई अनाहक यातना दिएर मार्नु ।
चौथो ठूलो पाप : जानीजानी झुटो कसम खाने हो । यसलाई अरबीमा "यामीने गुमूस" भनिन्छ किनभने यसले मान्छेलाई पाप वा नरकमा डुबाउँछ ।
हदीसका केही फाइदाहरू
- झूटो कसम खानु एकदमै खतरनाक र ठूलो अपराध हो । यसको क्षमाको लागि तौबा (पश्चात्ताप) बिना अरु कुनै प्रायश्चित छैन ।
- यस हदीसमा यी चार ठूला पापहरूको गम्भीरतालाई ध्यानमा राखेर उल्लेख गरिएको छ । ठूला पापहरूलाई यी चारमा सीमित गर्नु हुँदैन ।
- पाप दुई प्रकारका हुन्छन्; साना र ठूला पापहरू । ठूला पापले प्रत्येक
- त्यो पापलाई बुझाउँछ जसको लागि सांसारिक दण्ड निर्धारण गरिएको छ, जस्तै हद (सजाय) कायम गर्नु र श्राप आदि वा जसको लागि नरकमा प्रवेश गर्ने चेतावनी दिइएको छ । ठूला पापहरूका धेरै वर्गहरू छन्, कतिपय ठूला पापहरू अरू भन्दा कडा रूपमा हराम छन् । जबकि साना पापहरूले ठूला पापहरू बाहेक अन्य पापहरूलाई जनाउँछ ।
वर्गीकरण
थप
- हदीस: के म तिमीहरूलाई महापापको बारेमा नबताऊँ
- हदीस: सात घातक कुराहरूबाट सावधान रहनुहोस्
- हदीस: दैनिक पाँच नमाज, र एक शुक्रवारदेखि अर्को शुक्रबार (सम्मको प्रार्थना) र एक रमजानदेखि अर्को रमजान (सम्मको उपवास) ले ती दिनहरु बीच भएका पापहरू लाई मेटाई दिन्छ, यस शर्त साथ कि व्यक्तिले ठूला पापहरूबाट आफूलाई जोगाइ रहोस् ।
- हदीस: जब दुई मुस्लिमहरू आ-आफ्ना तरबार तानेर एकअर्काको सामना गर्छन्, हत्यारा र पीडित दुबै नरकमा हुनेछन्
- हदीस: निस्सन्देह, अल्लाहको सम्पत्ति दुरुपयोग गर्नेहरुको परिणाम कयामतको दिन नरक हो ।
- हदीस: मृतकलाई गालीगलौज नगर, किनकि उनीहरू अघि पठाएका (असल वा नराम्रा) कर्महरूमा पुगिसकेका छन् ।”
- हदीस: “कुनै व्यक्तिलाई आफ्नो भाइसँग तीन दिनभन्दा बढी कुरा नगर्ननु जायज छैन । दुबै एक अर्कालाई भेट्छन् तर अर्कोतिर मुख फर्काएर फर्कन्छ । दुई मध्ये सबैभन्दा राम्रो त्यो हो जसले सलाममा पहल गर्छ ।