عن أبي هريرة رضي الله عنه قال: «لَعَن رسول الله صلى الله عليه وسلم الرَّاشِي والمُرْتَشِي في الحُكْم».
[صحيح] - [رواه الترمذي وأحمد]
المزيــد ...

له ابو هریره - رضي الله عنه - څخه روایت دی فرمایي: « رسول الله - صلی الله علیه وسلم - په قضا کې په رشوت ورکوونکي او رشوت اخیستونکي لعنت ویلی دی».
صحيح - ترمذی روایت کړی دی

تشریح

کله چې د رشوت حقیقت باطل ته د رسیدو لپاره د مال ورکول و نو، رسول الله - صلی الله علیه وسلم- یې ورکوونکو او اخیستونکو ته د الله - تعالی - له رحمت څخه په شړلو او لرې کېدلو بد دعایي وکړه، د هغه ستر ضرر له امله چې فرد او ټولنې ته پرې رسېږي او رشوت په مطلق ډول حرام دی، او په حدیثونو کې یې په حکم (پریکړې او فیصلې)سره تخصیص راغلی دی؛ ځکه چې رشوت د پریکړې لپاره ډیر لوی - ضرر - لري، پدې سره د شريعت حکم ته بدلون ورکول کیږي، چې قاضي ته یو څه د دې لپاره ورکول کیږي چې د حکم په بدلولو او یا کمولو او یا د رشوت ورکوونکي په ګټه کې اغیز ولري.

ژباړه: انګلیسي فرانسوي هسپانوي ترکي اردو اندونیسیایي بوسنیایي روسي بنګالي چینایي فارسي هندي ویتنامي ژبه سنیګالي ژبه اویغوري ژبه کردي ژبه هوساوي ژبه پرتګالي ژبه ملیالمي ژبه تلګویي ژبه سواحيلي ژبه تاميلي برمایی ژبه تايلندي ياباني آسامي ألباني السويدية الأمهرية الهولندية الغوجاراتية
د ژباړو کتنه

د حديث له ګټو څخه

  1. د رشوت ورکول، اخیستل، په رشوت کې منځګریتوب، او زمینه ورته برابرول حرام دي ، ځکه چې دا په باطل کې همکاري ده.
  2. رشوت له لویو ګناهونو څخه ده، ځکه؛ رسول الله - صلی الله علیه وسلم - یې اخیستونکي او ورکوونکي باندې لعنت ویلی، او لعنت یوازې په کبیره ګناهونو کې پر یو چا وییل کیږي، او علماوو یې په حراموالی اجماع کړې ده.
  3. رشوت په قضا او پریکړه کې تر ټولو لوی جرم او سخته ګناه ده، ځکه پدې سره د خلکو مالونه په ناروا خوړل کیږي او د الله - تعالی - حکم ته بدلون ورکول کیږي او دا پر هغه څه پریکړه کول دي چې الله ندی نازل کړی، او اخیستونکي یې په اخیستو سره پر ځان ظلم وکړ، او له هغه چا سره یې ظلم وکړ چې په ګټه یې پریکړه شوې ده، او له هغه چا سره یې هم ظلم وکړ چې پریکړه پرې شوې ده(په تاوان یې پریکړه شوې ده).
نور