عن أبي هريرة رضي الله عنه قال: «لَعَن رسول الله صلى الله عليه وسلم الرَّاشِي والمُرْتَشِي في الحُكْم».
[صحيح] - [رواه الترمذي وأحمد]
المزيــد ...
আবু হুৰাইৰাহ ৰাদ্বিয়াল্লাহ ‘আনহুৰ পৰা বৰ্ণিত, তেওঁ কৈছে, "c2">“ৰাছুলুল্লাহ চাল্লাল্লাহু আলাইহি অছাল্লামে বিচাৰ প্ৰক্ৰিয়াত উৎকোচ প্ৰদানকাৰী আৰু উৎকোচ গ্ৰহণকাৰী উভয়কে অভিশাপ কৰিছে”।
ছহীহ - তিৰমিজীয়ে বৰ্ণনা কৰিছে
যিহেতু উৎকোচৰ বাস্তৱতা হৈছে কোনো বেয়া উদ্দেশ্যে উপকৃত হ’বলৈ সম্পদ ব্যয় কৰা, সেয়ে ৰাছুলুল্লাহ চাল্লাল্লাহু আলাইহি অছাল্লামে এনেকুৱা ব্যক্তিক যিয়ে উৎকোচ দিয়ে আৰু যিয়ে লয় উভয়ৰ বাবে আল্লাহৰ ৰহমতৰ পৰা বিতাড়িত হোৱাৰ তথা আঁতৰি যোৱাৰ বাবে বদ দুআ কৰিছে। কাৰণ ইয়াৰ মাজত আছে ব্যক্তি আৰু সমাজৰ বাবে অসংখ্য ডাঙৰ ডাঙৰ ক্ষতি। উৎকোচ সর্বাৱস্থাতেই হাৰাম। হাদীছটোত বিচাৰ-মীমাংসাৰ কথা উল্লেখ কৰাৰ কাৰণ হৈছে, বিচাৰৰ ক্ষেত্রত উৎকোচ অধিক মাৰাত্মক। কাৰণ ইয়াৰ মাজত নিহিত আছে চৰীয়তৰ বিধান পৰিৱর্তন। উদাহৰণস্বৰূপে সি বিচাৰকক উৎকোচ দিয়াৰ অৰ্থ হৈছে ইয়াৰ দ্বাৰা হুকুম পৰিৱর্তনত যাতে প্রভাৱ বিস্তাৰ কৰে অথবা বিচাৰ লাঘৱ হোৱাত সহায় হয় আৰু উৎকোচ প্ৰদানকাৰীয়ে যাতে উপকৃত হয়।