Hadith: ب ڕاستی ژ باشترینێ هه‌وه‌ ئه‌و كه‌سه‌ یێ ڕه‌وشتێ وی ژ یێ هه‌می كه‌سان جوانتر بیت))

عن عبد الله بن عمرو رضي الله عنهما قال:
لَمْ يَكُنِ النَّبِيُّ صَلَّى اللهُ عَلَيْهِ وَسَلَّمَ فَاحِشًا وَلَا مُتَفَحِّشًا، وَكَانَ يَقُولُ: «إِنَّ مِنْ خِيَارِكُمْ أَحْسَنَكُمْ أَخْلَاقًا».
[صحيح] - [متفق عليه] - [صحيح البخاري: 3559]

عه‌بدولڵاهێ كوڕێ عه‌مری (خودێ ژ هه‌ردووكان ڕازی بیت) دبێژیت:
پێغه‌مبه‌ر (صه‌لات و سه‌لامێن خودێ ل سه‌ر بن) كه‌سه‌كێ ئه‌زمانڕه‌ش و خه‌به‌ربێژ نه‌بوو، وی دگۆت: ((ب ڕاستی ژ باشترینێ هه‌وه‌ ئه‌و كه‌سه‌ یێ ڕه‌وشتێ وی ژ یێ هه‌می كه‌سان جوانتر بیت)).
[صحيح] - [متفق عليه] - [صحيح البخاري - 3559]

Explanation

خه‌به‌ر و ئاخڤتنێن كرێت و كارێن پیس و چه‌په‌ل ژ ڕه‌وشتێ پێغه‌مبه‌ری (صه‌لات و سه‌لامێن خودێ ل سه‌ر بن) نه‌بوون، وی ب مه‌ره‌م ژی ئه‌ڤ چه‌نده‌ نه‌دكر، به‌لكی پێغه‌مبه‌ر (صه‌لات و سه‌لامێن خودێ ل سه‌ر بن) خودان ڕه‌وشته‌كێ مه‌زن بوو.
پێغه‌مبه‌ری (صه‌لات و سه‌لامێن خودێ ل سه‌ر بن) دگۆت: ب ڕاستی باشترینێ هه‌وه‌ ئه‌و كه‌سه‌ یێ ڕه‌وشتێ وی ژ یێ هه‌می كه‌سان جوانتر بیت، ئه‌ڤه‌ ژی ب باشیكرنێ، ڕویگه‌شی و ده‌ڤ گڕنژین و نه‌خۆشی دروستنه‌كرنێ بۆ خه‌لكی و هه‌داركێشانا ل سه‌ر وێ نه‌خۆشییا ژ خه‌لكی دبینیت و تێكه‌لیكرن و سه‌ره‌ده‌ریكرنا د گه‌ل خه‌لكی ب ڕه‌وشته‌كێ جوان و تازه‌.

Benefits from the Hadith

1. پێدڤییه‌ مرۆڤێ باوه‌ردار خۆ ژ گۆتن و كریارێن كرێت و پیس بده‌ته‌ پاش.
2. ته‌مامه‌تییا ڕه‌وشتێ پێغه‌مبه‌ری (صه‌لات و سه‌لامێن خودێ ل سه‌ر بن)، چونكی ژ بلی كارێ باش و گۆتنا جوان و تازه‌ تشته‌كێ دی ژ وی په‌یدا نه‌دبوو.
3. ڕه‌وشتێ جوان گۆڕه‌پانه‌كه‌ بۆ هه‌ڤڕكی و به‌ریكانێ، له‌وا هه‌ر كه‌سێ تێدا به‌را كه‌سێن دی ڕاكر؛ هنگی ئه‌و ژ باشترین باوه‌ردارانه‌ و باوه‌رییا وی ژ یا هه‌مییان ته‌مامتره‌.