Hadith: ជាការពិតណាស់ អ្នកដែលល្អជាងគេក្នុងចំណោមពួកអ្នក គឺអ្នកដែលមានសីលធម៌ល្អជាងគេ”។

عن عبد الله بن عمرو رضي الله عنهما قال:
لَمْ يَكُنِ النَّبِيُّ صَلَّى اللهُ عَلَيْهِ وَسَلَّمَ فَاحِشًا وَلَا مُتَفَحِّشًا، وَكَانَ يَقُولُ: «إِنَّ مِنْ خِيَارِكُمْ أَحْسَنَكُمْ أَخْلَاقًا».
[صحيح] - [متفق عليه] - [صحيح البخاري: 3559]

អំពី អាប់ទុលឡោះ ពិន អាំរ៍ رضي الله عنهما បាននិយាយថា៖
ណាពី ﷺ មិនមែនជាមនុស្សអសីលធម៌នោះឡើយ ហើយក៏មិនធ្វើនូវទង្វើអសីលធម៌នោះដែរ។ ហើយលោកបានមានប្រសាសន៍ថា៖ “ជាការពិតណាស់ អ្នកដែលល្អជាងគេក្នុងចំណោមពួកអ្នក គឺអ្នកដែលមានសីលធម៌ល្អជាងគេ”។
[صحيح] - [متفق عليه] - [صحيح البخاري - 3559]

Explanation

ការនិយាយពាក្យសម្តីដែលមិនល្អ ឬធ្វើទង្វើដែលមិនល្អ មិនមែនជាសីលធម៌របស់ណាពី ﷺ នោះឡើយ ហើយលោកក៏មិនដែលមានបំណងធ្វើវា ឬមានចេតនាធ្វើវានោះដែរ។ ពិតណាស់ ណាពី ﷺ លោកជាមនុស្សដែលមានសីលធម៌ល្អប្រពៃបំផុត។
ហើយណាពី ﷺ លោកមានប្រសាសន៍ថា៖ ជាការពិតណាស់ អ្នកដែលល្អប្រសើរជាងគេបំផុតនៅចំពោះអល់ឡោះក្នុងចំណោមពួកអ្នក គឺអ្នកដែលមានសីលធម៌ល្អជាងគេ តាមរយៈការធ្វើអំពើល្អ មានទឹកមុខញញឹម មិនបង្កបញ្ហាដល់អ្នកដទៃ និងទ្រាំទ្រចំពោះការបង្កបញ្ហាពីអ្នកដទៃ ព្រមទាំងមានទំនាក់ទំនងជាមួយអ្នកដទៃដោយល្អប្រសើរ។

Benefits from the Hadith

1. ចាំបាច់លើអ្នកមានជំនឿត្រូវចៀសវាងពីទង្វើអសីលធម៌ ទាំងពាក្យសម្តី និងកាយវិការ។
2. ភាពពេញលេញនៃសីលធម៌របស់ណាពី ﷺ ដោយគ្មានអ្វីមួយដែលលោកសម្តែងចេញមក ក្រៅពីទង្វើកុសល និងពាក្យសម្តីដែលល្អនោះឡើយ។
3. សីលធម៌ គឺជាទីលានសម្រាប់ការប្រកួតប្រជែងគ្នា។ ដូចនេះ បុគ្គលណាដែលមានសីលធម៌ល្អជាងគេ ជននោះគឺស្ថិតក្នុងចំណោមអ្នកមានជំនឿដែលល្អជាងគេ និងមានជំនឿដ៏ពេញលេញជាងគេ។