Hadiis: Yãmb yembr fãa ka kõt sɩda (ne Wẽnde) hal t'a wa tʋg n nong ne a ma-biiga bũmb ning a sẽn nong ne a mengã

عَنْ أَنَسٍ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قالَ:
«لاَ يُؤْمِنُ أَحَدُكُمْ، حَتَّى يُحِبَّ لِأَخِيهِ مَا يُحِبُّ لِنَفْسِهِ».
[صحيح] - [متفق عليه] - [صحيح البخاري: 13]

Yii a Anas nengẽ (Wẽnd yard be a yĩnga) tɩ yii Nabiyaamã nengẽ, (Wẽnd pʋʋsg la A tɩlgr be a yĩnga) a yeelame:
«Yãmb yembr fãa ka kõt sɩda (ne Wẽnde) hal t'a wa tʋg n nong ne a ma-biiga bũmb ning a sẽn nong ne a mengã».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 13]

bilgrã

Nabiyaamã vẽnegame (Wẽnd pʋʋsg la A tɩlgr be a yĩnga) tɩ lɩɩmaoong ka pit ne lɩslaama, halɩ t'a wa nong ne a ma-bi-taaga a sẽn nong ne a mengã, sẽn yaa tũud-rãmba la yel-sõma kõbg toor-toore, dũni kaanẽ la laahre. La a wa tʋg n kisg ne-a a sẽn kis ne a mengã. T'a sã n yã a ma-biigã nengẽ boogre a dĩinẽ wã, la a sẽn nidg pãng n maneg-a, la a sã n yã a nengẽ sõma a kengd-a lame la a sõng-a, la a sagl-a a dĩinẽ maa a dũniẽ wã.

Sẽn be Hɑdiisã yõod-rãmbẽ

1. Wilgdame tɩ yaa tɩlae tɩ ned nong a ma-biiga a sẽn nong a mengã ne bũmb ningã, bala lɩɩmaoogã belem kɩɩsgo n yi ned ning sẽn ka nong ne ɑ mɑ-biigɑ bũmb ninga a sẽn nong ne a mengã, wilgdame tɩ rẽndɑ yaa tɩlae.
2. Wilgdame tɩ ma-biirã Wẽnd yĩngã a yɩɩda ma-biir buud yĩnga, rẽnd a hakε wã yaa tɩlae n yɩɩda.
3. Wilgdame tɩ harma bũmb ning fãa sẽn kɩɩsd nonglem-kãngã, sẽn yaa goam la tʋʋma, wala zãmbo la wɩdga la sũ-kĩiri la maan-n-zʋʋg lɩslaam zugu, maa a arzεk zugu, maa a burkĩndã zugu.
4. Wilgda Nabiyaamã sẽn yeend gom-biis sãnda sẽn na yɩl n pirs tɩ b maan tʋʋmdã, ne a sẽn yeel t'ɑ " ma-biigã".
5. A Karmaanɩy yeelame: (Wẽnd na yols-a) bee lɩɩmaoong pʋg yεsa, b sẽn na n kis ne a ma-biiga a sẽn kis ne a mengã, sẽn yaa wẽngã; la Nɑbiyɑɑmã pɑ togs rẽ ye, bala f sã n nong bũmbu wilgdame tɩ f kisa a tullã, t'ɑ bas a yeelgã rẽ yĩnga.