Hadith: ((ل ده‌ڤ خودایێ مه‌زن خۆ تشته‌ك ژ دوعایێ باشتر و بهاتر نینه‌))

عن أبي هريرة رضي الله عنه عن النبي صلى الله عليه وسلم قال:
«لَيْسَ شَيْءٌ أَكْرَمَ عَلَى اللهِ تَعَالَى مِنَ الدُّعَاءِ».
[حسن] - [رواه الترمذي وابن ماجه وأحمد] - [سنن الترمذي: 3370]

ژ ئه‌بو هوره‌یره‌ی (خودێ ژێ ڕازی بیت) ژ پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((ل ده‌ڤ خودایێ مه‌زن خۆ تشته‌ك ژ دوعایێ باشتر و بهاتر نینه‌)).
[حسن] - [رواه الترمذي وابن ماجه وأحمد] - [سنن الترمذي - 3370]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) دیار دكه‌ت كو ل ده‌ڤ خودێ چ عیباده‌ت ژ دوعاكرنێ باشتر نینن، چونكی دانپێدان ب زه‌نگینییا خودایێ مه‌زن و دانپێدان ب بێشیانی و هه‌ژارییا مرۆڤی بۆ لایێ خودێ تێدایه‌.

Benefits from the Hadith

1. قه‌در و بها و خێرا دوعایێ و كو هه‌ر كه‌سێ دوعا ژ خودێ كرن؛ ئه‌ڤه‌ ئه‌و خودێ مه‌زن ڕادگریت و دانپێدانێ بۆ وی ب وێ چه‌ندێ دكه‌ت كو ئه‌و خودایه‌كێ زه‌نگینه‌، چونكی یێ هه‌ژار دوعا و داخوازی ژێ ناهێنه‌ كرن، دیسان ئه‌و دانپێدانه‌ بۆ وی ب وێ چه‌ندێ كو ئه‌و خودایه‌كێ گوهدێره‌ و گوھ ل داخوازییان هه‌یه‌، چونكی دوعا و داخوازی ژ یێ كه‌ڕ ناهێنه‌ كرن، دیسان دانپێدانه‌ بۆ وی ب وێ چه‌ندێ كو ئه‌و خودایه‌كێ مه‌رده‌، چونكی دوعا ژ یێ چڕویك و به‌خیل ناهێنه‌ كرن، دانپێدانه‌ بۆ وی ب وێ چه‌ندێ كو ئه‌و خودایه‌كێ دلۆڤانه‌، چونكی یێ ڕه‌ق و توند دوعا ژێ ناهێنه‌ كرن، دانپێدانه‌ بۆ وی ب وێ چه‌ندێ كو ئه‌و خودایه‌كێ خودان شیانه‌، چونكی یێ بێشیان دوعا ژێ ناهێنه‌ كرن، دانپێدانه‌ بۆ وی ب وێ چه‌ندێ كو ئه‌و خودایه‌كێ نێزیكه‌، چونكی یێ دویر گوھ ل دوعا و داخوازییان نابیت و ژ بلی ڤانه‌ ژ سالۆخه‌تین ته‌مامه‌تی و جوانییێ بۆ خودایێ مه‌زن و دلۆڤان.