فەرموودە: ئهرێ ئهز بهرێ ههوه نهدهمه هندهك كاران كو خودێ گونههان پێ ژێدبهت و پلهیان پێ بلند دكهت؟
عَنْ أَبِي هُرَيْرَةَ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«أَلَا أَدُلُّكُمْ عَلَى مَا يَمْحُو اللهُ بِهِ الْخَطَايَا، وَيَرْفَعُ بِهِ الدَّرَجَاتِ؟» قَالُوا بَلَى يَا رَسُولَ اللهِ قَالَ: «إِسْبَاغُ الْوُضُوءِ عَلَى الْمَكَارِهِ، وَكَثْرَةُ الْخُطَا إِلَى الْمَسَاجِدِ، وَانْتِظَارُ الصَّلَاةِ بَعْدَ الصَّلَاةِ، فَذَلِكُمُ الرِّبَاطُ».
[صحيح] - [رواه مسلم] - [صحيح مسلم: 251]
المزيــد ...
ئهبو هورهیره (خودێ ژێ ڕازی بیت) دبێژیت: پێغهمبهرێ خودێ (صهلات و سهلامێن خودێ ل سهر بن) گۆت:
«ئهرێ ئهز بهرێ ههوه نهدهمه هندهك كاران كو خودێ گونههان پێ ژێدبهت و پلهیان پێ بلند دكهت؟» گۆتن: بهلێ ئهی پێغهمبهرێ خودێ، گۆت: «تهمامكرنا دهستنڤێژێ د سهر نهخۆشییاندا و گهلهك پێنگاڤ هاڤێتن و چوونا بهرهڤ مزگهفتان و چاڤهڕێكرنا نڤێژێ پشتی نڤێژێ، ب ڕاستی ئهڤهیه زێرهڤانیكرن و چوونا د سهنگهریدا بۆ خودێ».
[صحيح] - [رواه مسلم] - [صحيح مسلم - 251]
پێغهمبهری (صهلات و سهلامێن خودێ ل سهر بن) پرسیار ژ صهحابییان كر كا ئهرێ وان دڤێت ئهو بهرێ وان بدهته هندهك كریاران كو ببنه ئهگهرێ ژێبرنا گونەهان و ژێبرنا وان د پەڕتووکێن وان مەلائیکەتێن کریارێن مرۆڤی تومار دکەن و بلندبوونا پلهیان ل بهحهشتێ؟
صهحابییان گۆت: بهلێ مه دڤێت. گۆت:
ئێك: تهمامكرنا دهستنڤێژێ و گههاندنا ئاڤێ بۆ ههمی ئهندامان د دهمێن ب زهحمهتدا؛ وهكی سهرمایێ، یان كێمبوونا ئاڤێ، یان ئێشانا لهشی و ئاڤا گهرم.
دوو: گهلهك پێنگاڤ هاڤێتن بۆ چوونا بهرهڤ مزگهفتان؛ ب هندێ كو مالا مرۆڤی یا دویر بیت و مرۆڤ یێ بهردهوام بیت ل سهر چوونا مزگهفتێ.
سێ: چاڤهڕێكرنا دهمێ نڤێژێ و گرێدانا دلی ب نڤێژێڤه و بهرههڤبوونا بۆ وێ و ڕوینشتنا د مزگهفتێڤه بۆ چاڤەڕێکرنێ دا كو ب جهماعهت نڤێژێ بكهت و پشتی نڤێژێ ژی ل وێرێ بمینیت بۆ نڤێژا دی.
پاشی پێغهمبهری (صهلات و سهلامێن خودێ ل سهر بن) دیار كر كو ئهڤ كاره ڕیباطا ب دروستاهینه؛ چونكی ڕێكێن شهیتانی ل بهر نهفسێ دگرن و حهز و دلچوونان بندهست دكهن و ڕێكێ ل بهر وان دگرن كو وهسواسێ قهبویل بكهن و دهرگههی بۆ ڤهكهن، ب ڤێ چهندێ ژی كۆما خودێ دێ ب سهر كۆما شهیتانی كهڤن و ئهڤه جیهادا ژ ههمییان مهزنتره، ڤێجا ئهو وهكی زێرهڤانیكرنێیه ل سهر سنوورێن دوژمنی.
لە سوودەکانی فەرموودەکە
- گرنگییا پاراستنا نڤێژا ب جهماعهت د مزگهفتێڤه و گرنگیدان ب نڤێژان و مژویل نهبوون ژ وان.
- جوانییا شێوازێ پێغهمبهری (صهلات و سهلامێن خودێ ل سهر بن) د فێركرنێدا، كو ب خێر و خهلاتێ مهزن و ب ڕێكا پرسیارێ دهستپێكر دا كو صهحابییان هان بدهت و ئهڤه ڕێكهكه ژ ڕێكێن فێركرنێ.
- مفایێ پرسیار و بهرسڤێ ئهوه كو: ئاخڤتن باشتر د دلێ مرۆڤیدا بنهجھ دبیت ژ بهر ههبوونا ڤهشارتن و ڕوهنكرنێ.
- ئیمامێ نهوهوی (خودێ دلۆڤانییێ پێ ببهت) دبێژیت: "ئهڤهیه ڕیباط" ئانكو: ئهو ڕیباطا مرۆڤ خێر و خهلاتی ل سهر وهردگریت، و بنیاتێ ڕیباطێ ئهوه مرۆڤ نهفسا خۆ ل سهر تشتهكی بگریت، ڤێجا دێ بێژی ئهوی نهفسا خۆ ل سهر ڤی عیبادهتی گرێدایه، هاتییه گۆتن ژی كو ئهڤه باشترین جۆرێ ڕیباطێیه، كا چاوا هاتییه گۆتن: مهرهم ب جیهادێ جیهادا نهفسێیه و دبیت مهرهم پێ ئهو زێرهڤانیكرن بیت یا ب ساناهی و د شیاندا ههی، ئانكو ئهو ئێكه ژ جۆرێن ڕیباطێ و زێرهڤانیكرنێ.
- پهیڤا "الرباط" هاته دووبارهكرن و ب نیشانا (ئهلیف و لامێن تهعریفێ) هاته نیاسین، ئهڤه ژی بۆ مهزنكرنا ڤان كریارانه.
پۆلێنکردنەکان
زیاتر
- فەرموودە: ((مالێن خۆ نهكهنه گۆڕستان، قهبرێ من ژی نهكهنه جهژن (كو بهردهوام بهێنه سهر) و صهلهواتان بدهنه سهر من، چونكی ب ڕاستی ههر جهێ هوین لێ بن؛ صهلهواتێن ههوه دگههنه من))
- فەرموودە: ((ههر پێنج نڤێژ، ئهینی بۆ ئهینییێ، ڕهمهزان بۆ ڕهمهزانێ، كهفارهت و ژێبهرن بۆ گونههێن د ناڤبهرا خۆدا، (بهلێ ب مهرجهكی) ئهگهر مرۆڤی خۆ ژ گونههێن مهزن دویر ئێخست))
- فەرموودە: ((هندهك زهلام ب نهحهقی دهستوهردانێ د مالێ خودێدا دكهن، ل ڕۆژا قیامهتێ ئاگر بۆ وانه))
- فەرموودە: ((ههمی باشی خێر و صهدهقهنه))
- فەرموودە: ((خهبهران نهبێژنه مرییان، چونكی ئهو یێن گههشتینه وی كارێ وان بهری خۆ فڕێكری و ئهنجامدای))
- فەرموودە: ((بۆ چ موسلمانان یا حهلال نینه ئهو ژ سێ شهڤان زێدهتر ژ برایێ خۆ سل ببيت و پشتا خۆ بدهتێ و د گهل نهئاخڤیت، دێ گههنه ئێك و ئهڤه دێ پشتا خۆ دهته ڤی و یێ دی دێ پشتا خۆ دهته وی، باشترینێ وان ژی ئهوه یێ دهستپێكێ سلاڤ دكهت))
- فەرموودە: ((ئهو كهسێ پهیوهندییێن مرۆڤاینییێ دبڕیت؛ ناچیته بهحهشتێ))