Хадис: „,Сакате ли да ви укажам на дела преку кои Аллах ги брише гревовите и ги воздигнува степените?

عَنْ أَبِي هُرَيْرَةَ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«أَلَا أَدُلُّكُمْ عَلَى مَا يَمْحُو اللهُ بِهِ الْخَطَايَا، وَيَرْفَعُ بِهِ الدَّرَجَاتِ؟» قَالُوا بَلَى يَا رَسُولَ اللهِ قَالَ: «إِسْبَاغُ الْوُضُوءِ عَلَى الْمَكَارِهِ، وَكَثْرَةُ الْخُطَا إِلَى الْمَسَاجِدِ، وَانْتِظَارُ الصَّلَاةِ بَعْدَ الصَّلَاةِ، فَذَلِكُمُ الرِّبَاطُ».
[صحيح] - [رواه مسلم] - [صحيح مسلم: 251]

Од Ебу Хурејре, Аллах нека е задоволен со него, се пренесува дека Божјиот пратеник, салаллаху алејхи ве селем, рекол:
„,Сакате ли да ви укажам на дела преку кои Аллах ги брише гревовите и ги воздигнува степените?‘ Тие одговорија: ,Секако, о Божји пратенику.‘ Тој рече: ,Потполното земање на абдестот и кога е тешко, многубројните чекори до џамиите, и чекањето на намазот по намазот. Тоа е вистинското стражарење на Аллаховиот пат.‘“
[صحيح] - [رواه مسلم] - [صحيح مسلم - 251]

Објаснување

Божјиот пратеник, салаллаху алејхи ве селем, ги прашал асхабите: „Сакате ли да ви укажам на дела кои се причина за простување на гревовите,за нивното бришење од книгите на писарите и за воздигнување на вашите степени во Џенетот?“
Асхабите одговориле: „Да, сакаме.“ Тогаш тој рекол:
Прво: Целосно и внимателно земање на абдестот (ритуалното миење), дури и кога тоа е тешко – како во случаи на студ, недостаток на вода, телесна болка или користење на врела вода.
Второ: Бројните чекори при одењето пеш до џамиите, особено кога куќата е оддалечена и постојаното повторување на овој чин.
Трето: Чекањето на времето на намазот со срце приврзано кон него, подготвеност за негово извршување, и седењето во џамијата додека се чека намазот во џемат. А по извршувањето на намазот, останување на истото место со намера да се дочека следниот намаз.
Потоа, Божјиот пратеник, салаллаху алејхи ве селем, објаснил дека овие дела се вистинското стражарење на Аллаховиот пат. Тие го затвораат патот на шејтанот кон душата, го потчинуваат нефсот и ја спречуваат душата да прифати лоши мисли. Со оваа борба, партијата на Аллах ќе ги надвладее војниците на шејтанот. Ова е најголемиот џихад, кој е на степенот на стражарење на фронтот пред непријателот.

من فوائد الحديث

1. Важноста на грижата за заедничкиот намаз во џамијата и грижата за намазите, без да се дозволи ништо да го одвлече вниманието од нив.
2. Божјиот пратеник, салаллаху алејхи ве селем, на убав и мотивирачки начин им го објаснил ова на асхабите, започнувајќи со спомнување на големата награда, користејќи ја методата на поставување прашање. Овој пристап е еден од најефективните начини на поучување.
3. Користа од поставувањето прашање и давањето одговор: Оваа метода овозможува пораката подлабоко да се вреже во срцето, бидејќи најпрво ја предизвикува љубопитноста, а потоа ја разјаснува суштината.
4. Имамот Невеви, Аллах нека му се смилува, рекол: „Зборовите ,тоа е вистинското стражарење‘ се однесуваат на посакуваното стражарење. Основното значење на зборот ,стражарење‘ е задржување на нешто, како да се задржуваш себеси на оваа покорност. Се вели дека ова е најдобриот вид на стражарење, исто како што џихадот на нефсот се смета за најдобриот џихад. Можно е и да се мисли на стражарење кое е лесно и изводливо, односно еден од видовите на стражарење.“
5. Повторувањето на зборот „стражарење“ и неговото спомнување во членувана форма со „ел“ ја истакнува важноста и возвишеноста на овие дела.