ਗੱਲ ਜਾਂ ਬਾਤਾਂ: ਕੀ ਤੁਹਾਡੇ ਵਿੱਚੋਂ ਕਿਸੇ ਨੂੰ ਇਹ ਪਸੰਦ ਹੈ ਕਿ ਜਦੋਂ ਉਹ ਆਪਣੇ ਪਰਿਵਾਰ ਵੱਲ ਵਾਪਸ ਜਾਵੇ ਤਾਂ ਉਸ ਨੂੰ ਉੱਥੇ ਤਿੰਨ ਵੱਡੀਆਂ ਤੇ ਮੋਟੀਆਂ ਗੱਭਣ ਊਠਣੀਆਂ ਮਿਲਣ?

عَنْ ‌أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«أَيُحِبُّ أَحَدُكُمْ إِذَا رَجَعَ إِلَى أَهْلِهِ أَنْ يَجِدَ فِيهِ ثَلَاثَ خَلِفَاتٍ عِظَامٍ سِمَانٍ؟» قُلْنَا: نَعَمْ. قَالَ: «فَثَلَاثُ آيَاتٍ يَقْرَأُ بِهِنَّ أَحَدُكُمْ فِي صَلَاتِهِ خَيْرٌ لَهُ مِنْ ثَلَاثِ خَلِفَاتٍ عِظَامٍ سِمَانٍ».
[صحيح] - [رواه مسلم] - [صحيح مسلم: 802]

ਅਬੁ-ਹੁਰੈਰਾ (ਰਜ਼ੀਅੱਲਾਹੁ ਅਨਹੁ) ਤੋਂ ਰਿਵਾਇਤ ਹੈ ਕਿ ਰਸੂਲੁੱਲਾਹ ﷺ ਨੇ ਫਰਮਾਇਆ:
"ਕੀ ਤੁਹਾਡੇ ਵਿੱਚੋਂ ਕਿਸੇ ਨੂੰ ਇਹ ਪਸੰਦ ਹੈ ਕਿ ਜਦੋਂ ਉਹ ਆਪਣੇ ਪਰਿਵਾਰ ਵੱਲ ਵਾਪਸ ਜਾਵੇ ਤਾਂ ਉਸ ਨੂੰ ਉੱਥੇ ਤਿੰਨ ਵੱਡੀਆਂ ਤੇ ਮੋਟੀਆਂ ਗੱਭਣ ਊਠਣੀਆਂ ਮਿਲਣ?" ਅਸੀਂ ਕਿਹਾ: ਜੀ ਹਾਂ। ਆਪ ਨੇ ਫਰਮਾਇਆ: ਤੁਹਾਡੇ ਵਿੱਚੋਂ ਜੋ ਕੋਈ ਆਪਣੀ ਨਮਾਜ਼ ਵਿੱਚ ਤਿੰਨ ਆਇਤਾਂ ਪੜ੍ਹਦਾ ਹੈ, ਉਹ ਉਸ ਲਈ ਤਿੰਨ ਵੱਡੀਆਂ ਤੇ ਮੋਟੀਆਂ ਗੱਭਣ ਊਠਣੀਆਂ ਨਾਲੋਂ ਬਿਹਤਰ ਹੈ।"
[صحيح] - [رواه مسلم] - [صحيح مسلم - 802]

ਵਿਆਖਿਆ

ਅੱਲਾਹ ਦੇ ਨਬੀ ﷺ ਦੱਸਦੇ ਹਨ ਕਿ ਨਮਾਜ਼ ਵਿੱਚ ਤਿੰਨ ਆਇਤਾਂ ਪੜ੍ਹਨ ਦਾ ਸਵਾਬ (ਇਨਾਮ) ਇਸ ਨਾਲੋਂ ਕਿਤੇ ਵੱਧ ਹੈ ਕਿ ਬੰਦੇ ਨੂੰ ਆਪਣੇ ਘਰ ਵਿੱਚ ਤਿੰਨ ਵੱਡੀਆਂ, ਮੋਟੀਆਂ ਤੇ ਗੱਭਣ ਊਠਣੀਆਂ ਮਿਲਣ।

ਹਦੀਸ ਦੇ ਫਾਇਦੇ ਵਿੱਚੋਂ

1. ਨਮਾਜ਼ ਵਿੱਚ ਕੁਰਆਨ ਪੜ੍ਹਨ ਦੀ ਫ਼ਜ਼ੀਲਤ (ਮਹੱਤਤਾ) ਦਾ ਬਿਆਨ।
2. ਨੇਕ ਅਮਲ ਦੁਨਿਆ ਦੇ ਖਤਮ ਹੋ ਜਾਣ ਵਾਲੇ ਸਮਾਨ ਤੋਂ ਕਈ ਗੁਣਾ ਬਿਹਤਰ ਅਤੇ ਲੰਬੇ ਸਮੇਂ ਤੱਕ ਚੱਲਣ ਵਾਲੇ ਹੁੰਦੇ ਹਨ।
3. ਇਹ ਫ਼ਜ਼ੀਲਤ ਸਿਰਫ਼ ਤਿੰਨ ਆਇਤਾਂ ਪੜ੍ਹਨ ਤੱਕ ਸੀਮਿਤ ਨਹੀਂ ਹੈ; ਸਗੋਂ ਨਮਾਜ਼ੀ ਆਪਣੀ ਨਮਾਜ਼ ਵਿੱਚ ਜਿੰਨੀਆਂ ਆਇਤਾਂ ਪੜ੍ਹਦਾ ਜਾਂਦਾ ਹੈ, ਉਸਦਾ ਸਵਾਬ ਵੀ ਓਨੀ ਹੀ ਊਠਣੀਆਂ ਦੀ ਗਿਣਤੀ ਨਾਲ ਵੱਧਦਾ ਜਾਂਦਾ ਹੈ।