ჰადისი: მიირთვით სუჰური, რადგან სუჰურში ბარაქაა

عن أَنَسِ بْنِ مَالِكٍ رَضِيَ اللَّهُ عَنْهُ قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«تَسَحَّرُوا، فَإِنَّ فِي السَّحُورِ بَرَكَةً».
[صحيح] - [متفق عليه] - [صحيح البخاري: 1923]

ანასი(ალლაჰი იყოს მისით კმაყოფილი) გადმოსცემს, რომ შუამავალმა (ალლაჰის ლოცვა და მშვიდობა მას) თქვა:
«მიირთვით სუჰური, რადგან სუჰურში ბარაქაა».
[სანდო (საჰიჰ)] - [შეთანხმებული] - [საჰიჰ ალ-ბუხარი - 1923]

განმარტება

მოციქულმა (ალლაჰის ლოცვა და მშვიდობა მას) წაახალისა სუჰური (საჰური) – ღამის ბოლოს საკვების მიღება მარხვისთვის მომზადების მიზნით, რადგან მასში არის ბარაქა – მრავალი სიკეთე და სასარგებლო რამ, მათ შორის: ჯილდო და საზღაური ალლაჰისგან, ღამის ბოლო ნაწილში ლოცვის შესაძლებლობა, სხეულის გაძლიერება მარხვაში, ენერგიისა და სიფხიზლის გაძლიერება მარხვისთვის, მარხვის სირთულის შემსუბუქება.

ჰადისის სარგებლობიდან

1. სუჰურის (საჰურის) მიღება სასურველია, რადგან ეს წარმოადგენს შარიათის ბრძანების შესრულებას.
2. იბნ ჰაჯარმა, წიგნში ფათჰუ ალ-ბაარი თქვა: «სუჰურისგან ბარაქის მიღება მრავალი ფორმით ხდება: სუნნაზე მიყოლა, წიგნბოძებული ხალხის საპირისპიროდ მოქცევა, ღვთისმსახურებისთვის ფიზიკურად სიძლიერე, მეტი ენერგიის მიღება, შიმშილის გრძნობით გამოწვეული ცუდი ზნეობისგან თავის დაცვა, იმ დროს მთხოვნელზე მოწყალების გაცემას ან მასზე საკვებით გამასპინძლება, ზიქრის და ვედრების შესრულება იმ დროს, როდესაც იმედია, რომ ყველაზე მეტად იქნება შესმენილი ვედრება, მარხვისთვის განზრახვის გაკეთება მისთვის, ვისაც დაავიწყდა ძილის წინ განზრახვის გაკეთება».
3. მოციქულ (ალლაჰის ლოცვა და მშვიდობა მას) სწავლების მაღალი დონე გამოიხატება იმაში, რომ ის ყოველთვის აკავშირებდა შარიათის განკარგულებას მის სიბრძნესთან, რათა გულები გახსნილიყო მიღებისთვის და ადამიანებს გაეგოთ ისლამური შარიათის აღმატებულება და სიდიადე.
4. იბნ ჰაჯარმა თქვა: «სუჰურის მიღება მცირედი საკვებითაც შეიძლება, რასაც მიირთმევს ადამიანი საკვებიდან და სასმელიდან».