Ned ning sẽn wa n tʋg n wẽena ne Amaana (bas-m-yam), yẽ soab ka be ne tõnd ye Yãmb a pagb zama, maan-y doose, tɩ ad b wilga maam yãmba, tɩ yãmb sõor n yɩɩd Bugum koambẽ wã». La b yeel yã: la yaa bõe yĩnga Wẽnd Tẽn-tʋʋmã? La a yeele: «yãmb wʋsgda kãabgo la y maan sõm-zɩɩlem ne sɩdr vɩɩm-n-taare, mam ka yã neb yam la b dĩin sẽn booge, n tõe n menemes rao yam sẽn yaa sẽb sʋk soaba n leb n yɩɩd yãmb a pagb ye Tõnd rag n ka geend bendã maa rõodã, d sẽn yɩlg Pekr poorẽ tɩ yaa baa fʋɩ ye Zĩndi, fo Pekrã sẽn rag gɩd foomã tεka, rẽ poorẽ, rasem-kãensã sã n loog bɩ f so Koom soob arzũn raarã yaa tɩlae ne baalik fãa, la a wãb sɩgdre la a ning yũ-noogo t'a sã n paame Lɩslaama yaa ned ning lɩslaambã sẽn tɩlg n yi a zelemde la a nugu, la muhaagɩrʋ (ned ning sẽn yik ne a dĩin n zoetẽ), yẽ la ned ning sẽn bas bũmb ning Wẽnd sẽn gɩdgã Pag ka togd sore, rasem a yiib kẽna, rẽndame t'a sɩdã be ne-a, maa a mahram (rog-pẽta) Ned ning sẽn yeela a sẽn wʋmd lanndaana boollã: Alllahuma Rabba haḏihi ad-daʿawat at-taammati, waṣ-ṣalaat al-ƙaa'imati, aatɩ Mʋhammadan al-wasɩɩlata walfaḍɩɩlata, wabʿaṯhu maƙaaman mahmuudan allaḏɩɩ waʿadtahʋʋ= m Soaba Wẽnde sẽn yaa dʋaag-kãnga sẽn pidã Naabã la Pʋʋsgã sẽn duumdã, kõ a Mʋhammad Radgã la yɩɩdlmã, la F kõ-a pẽgr zĩig-ninga Fo sẽn pʋlm-a wã. Mam Sugsgã paamd-a lame, dũni wã yikr raare Yãmb ned a yembr ra wa tʋg n pʋʋsd fuug a yembr pʋgẽ, tɩ baa fʋɩ ka be a bãg peedẽ wã ye Fo sã n maan suguudu, bɩ f rɩgl f tal a yiibã la f zẽk f kãntɩɩs a yiibã Mam lagema Nabiyaamã n pʋʋse, (Wẽnd pʋʋsg la A tɩlgr be a yĩngɑ), la a ra ningda sallemã a rɩtg wεεngẽ: «"Assalaamu ʿalaykum wa rahmatʋllaah wa barakaatʋhʋʋ", Tɩlgr be ne yãmba la Wẽnd yolsgã la A barkã» la a goabg wεεngẽ «"Assalaamu ʿalaykum wa rahmatʋllaah", Tɩlgr be ne yãmba la Wẽnd yolsgã Ned ning sẽn yɩlga Wẽnd yʋʋrã, n maan "sʋbhaanallaah" Pʋʋsg fãa poorẽ, pis-tã la a tãabo, la "Alhamdu lillaah" pis-tã la a tãabo, la "Allaahʋ Akbarʋ" pis-tã la a tãabo, rẽnda yaa pis-wae la a wae, la a pisd koabgã n yeele: "laa ɩlaaha ɩllaa Allaahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr ", b yaafda a zũnuubã, baa t'a sã n yɩ n yaa wala mogr puudu Ned ning sẽn karema Aayat Alkʋrsy, faril fãa poorẽ, bũmb ka gɩdgd a arzãnã kõom rẽnda kũum bala Ra tʋ-y mam Ṣahaabsã ye, ad yãmb yembr sã n yãk n naf sẽn zems wala Ʋhud tãngã tɩ yɑɑ sãnem, a kõn n ta b yembr nus a yiibu, ka b nus a yiibã pʋsʋk me Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) yeela a Abuu Bakr la a Ʋmar: «bãmbã b yiibã la arzãn kom-pogse, rẽenem rãmbẽ la yaoolem rãmbẽ, sã n ka nabiyaam-rãmbã la tẽn-tʋʋmbã A Hasan la a Hʋsayn, bãmb b yiibã yaa arzãnã rasãmb zu-raado Yel-kãngã na n taa zĩig fãa yʋng la wĩndg sẽn taẽ, la Wẽnd ka na n bas tẽng pʋgẽ roto, A ka na n bas gãnd zagse, rẽndame t'A kẽes-a dĩin-kãngã Yãmb yembr fãa sã n maan sik a Pʋʋsgẽ, n ka mi yẽ sẽn pʋʋsã yaa wãnɑ, tãab bɩ naase, bɩ a yãk sikã tεk n lobe, la a rogl yẽ sẽn tar bas-m-yamã zugu, rẽ poorẽ bɩ a maan suguud a yiibu taoor t'a na n ka ning sallem Tɩ Nabiyaamã (Wẽnd pʋʋsg la A tɩlgr be a yĩngɑ), a yɩɩme n ka basd rakaar a naase, taoor t'a na n ka pʋʋs Zafare, la rakaar a yiibu, taoor t'a na n ka pʋʋs fagiri Ned ning sẽn tõog n gũus rakaar a naase taoor tɩ Zafar na n ka ta, la rakaar a naase a poorẽ, Wẽnd maandame tɩ yẽnda yaa haraam ne Bugum Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) a karema fagirã rakaar a yiibã pʋgẽ: {Al-Kaafɩrʋʋn (Kɩfr-rãmbã sʋʋra), Yeele: "yaa yãmb ɑ sõm-zɩtba!} La {Al-Iẖlaaṣ (Pʋ-peelmã sʋʋra), Yeele: "Yẽnda la Wẽnde, A yaa A Yembre} Roapã soaf-rãmbã sẽn yɩɩd sõmblem yaa b rẽenemẽ wã, la pagbã soaf-rãmb sẽn yɩɩd sõmblem yaa b baasgẽ wã Tɩ ad Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) a yãa ned sẽn pʋʋs a yembre, safã (rulgã) poorẽ, t'a sagl-a t'a lebg n yɩlm a Pʋʋsgã ad Pʋʋs bãmb b yiibã n yɩɩd zɩsg ne munaafɩgsã, la b sã n rag n miẽ bũmb ning sẽn be b yiibã pʋgẽ wã, b rag n na n wa-b lame baa tɩ na n yɩ ne vũnungu b rũmã zutu Pag fãa sẽn furi, tɩ ka tũ ne a soaadbã yarda, a furã yaa zaalem -noor a tãabo- la b sã n kẽ ne-a, a tara a furã ligdi ne a sẽn paam-a wã, la biigã ba-rãmb sã n maan tak-n-taare, rẽnd lɩslaambã tẽngã naaba yẽnda la ned ning sẽn ka tara lalldã lallda Kãab beed be ne ned ning sẽn kẽ ne a paga, a we-kεεngẽ wã Wẽnd ka get raoa sẽn kẽ ne raoa maa ne paga a we-kεεngẽ wã ye M yeelame: Wẽnd Tẽn-tʋʋma, tõnd yembr fãa pag hakε sẽn zao-a yaa bõe? T'a yeele: «Yaa f rɩlg-a tɩ f sã n rɩ, la f yeelg-a tɩ f sã n yeelge, la f ra pãb nengẽ ye, la f ra yet t'a yaa rao-wẽng ye, la f ra wãag n bas-a rẽnda gãagẽ wã bala Ned ning sẽn wa n tar pagb a yiibu, t'a kɩll n kẽng a yembrẽ wã, a wata dũni yikr raarã t'a bogrã yaa sẽn kɩlle Ad Wẽnd yaafa mam zãmã wã b sẽn saag b mengẽ, tɩ b sã n ka maane maa a gome B zẽka kaal moogo n bɑs neb a tãabo, gõeta halɩ t'a wa tʋg n neke, la bi-bilfu hal t'a tʋg n ta zãmsdo, la gãeenga hɑlɩ t'a wa tʋg paam yam Sẽn suud fãa yaa rãam, la sẽn suud fãa me yaa haraam, la ned ning sẽn yũ a rãam dũni pʋgẽ, n maan kaalem tɩ yẽnda yaa sẽn yũud rãam, n ka tuubi, a ka yũud-a laahr raar ye Zab-y ne kɩfr-rãmbã ne y arzεgs la y mens la y zεlma , mam ka bas bũmb sẽn yaa wẽnga rẽndame tɩ mam maan-a, tɩ Tẽn-tʋʋm yeel-a : « fo ka maand kaset tɩ soab sẽn na n tũ n tɩlgl ka be rẽnda Wẽnde, la a Mohammad yaa Wẽnd Tẽn-tʋʋm la a ka yeel baa raar a yembre : “m Soab a Wẽnde! Yaaf maam m tʋʋm tuuti wã Dĩinã rolb raare rẽ yĩnga yãmb mii y Soabã sẽn yeele?” Tɩ b yeele: Wẽnd la A Tẽn-tʋʋmã n mi. T’a yeele: ad Mam yembsã pʋgẽ, vẽega beoog tɩ neb be beenẽ n kõ sɩd ne Maam, la kɩfl ne Maam tõnd mi n tagsda d mensẽ wã, bũmb ning sẽn yaa bedre, tõnd ned baa a ye ka tõe n gom ne a noorẽ ye, tɩ Nabiyaamã yeele : « yãmb paama yel-kãngã y sũy wã ? » tɩ b yeele: « n-yee » la Nabiyaamã yeele : «ad yaa yẽ meng la sɩd-kũunã vẽenega Pẽgr be ne Wẽnde, sẽn kɩta a rabrã tɩ legb yuus-yuusã Sʋɩɩtãanã wata yãmb yembr fãa nengẽ, n yεεl-a « ãnda n naan wãnde ? Ãnda n naan wãnde ? » Halɩ n wa yeele: « la ãnd n naan fo Soaba ? » Rẽnd a sã n wa ta woto, bɩ a kos gũudum n yi a sʋɩɩtãana la a base Tʋʋmã yaa yoobe, la nebã b yaa naase, yaa yel-yɩts a yiibu, tɩ yaa tɩlae tɩ yɩ, la bũmb ne a to bilgri, la yel-sõmde ne a buud piig taab rolbo, la yel-sõmd a yembre ne kobs-yopoe rolbo Ad Wẽnd ka wẽgd muunim baa yel-sõmd a yembr ye, A kõt-a-la dũni wã neemã sẽn tũ ne yel-sõmdã la A leb n rol-a rol sõngo laahr raare fo tuubame n lagem ne f tʋʋm nins fo sẽn da tʋm tɩ loog tɩ yaa sõmã wã ad Wẽnd nongame n rat tɩ nebã maan yolsg nins A sẽn kõ-ba, wala A sẽn nong tɩ b maan bũmb ninga A sẽn keng b zugã munaafɩk bilgri, a yaa wala pesg b sẽn peng rot a yiib sʋka, tɩ b pengd-a n kẽngd kaanẽ vugri, raar ning tɩ b leb n tall-a n kẽng rũng ro-kãngã Ad sɩd-kũunã kʋdgda yãmb yembr fãa nengẽ, wala fuug sẽn kʋdgd to-to ningã, bɩ y kos Wẽnd t’A palms sɩd-kũunã y sũy wã Ad sẽn be dũni wã yikr tagmas-rãmbẽ, b na n wa zẽka (yẽesa) bãngre, tɩ zɩɩlem wʋsge, tɩ yoobã wʋsge, tɩ rãamã yũub wʋsge, tɩ raopã sõor lebg kɩdga, tɩ pagbã wʋsge, halɩ tɩ pagb pis-nu na n wa yaa raoa a yembr n yãs ne b yelle Dũni wã ka na n yiki halɩ tɩ raoa wa pɩʋʋg a to yaoogo, n yetẽ: kato, m sã n rag be yãwã zĩigẽ wã, ra sãoome Dũni ka na n yiki, halɩ tɩ yãmb wa tʋg n zab ne Yahuud-rãmbã, halɩ tɩ kugr ning yahuud sẽn solg a soab poorẽ wã wa yeele: «lɩslaamã! Wa kaanẽ, tɩ woto yaa Yahuudã sẽn be mam poorẽ, wa kʋ-a M wẽen ne Naab ning mam yõorã sẽn be A Nugẽ wã, keta bilf t'a Maryam biig sig yãmb pʋgẽ, t'a Bʋʋdã yaa tẽeg tɩrga, n kao pikã, la a kʋ kurkuyã, la a bas yõor yaoob reegre, tɩ arzεkã wʋsge, halɩ tɩ ned baa a yembr ka reegd-a ye Dũni wã ka yikdi halɩ tɩ wĩntoogã wa tʋg n puk a sẽn lʋɩtẽ wã, rẽnd a sã n wa tʋg n puk a sẽn lʋɩt zĩig ningã, tɩ nebã yã-a, b fãa gill na n kõo sɩda Dũni wã ka yikd halɩ tɩ zãmaanã Wẽnd koonda tẽngã n wẽbg-a la A kool saagã ne A rɩtgo, rẽ poorẽ t'A yeele: Maam la Naabã, tẽngã nanamsã bεε? Mam bãkã Wẽnd sẽn waoog maam ne-a wã laahr raarã, a woglemã yaa kiuug kẽnd tεka, a koomã peelem yɩɩda bĩisim, t’a yũugã noom yɩɩd misk parfẽ M na n bee bãkẽ wã, n get ned ning sẽn na n wa yũ yãmb pʋgẽ, la b na n gɩdga neb tɩ b ra ta maam ye, tɩ mam yeele : « m Soab a Wẽnde, ad bãmbã yaa mam nebã, b yaa mam poorẽ rãmbã m wẽen ne a Mohammad yõorã sẽn be Ning nugẽ wã, ad bãkã ko-teesã waooglemã yɩɩda saaga ãdse la a bõn-witi B na n waa ne kũum t’a wõnd pesg sẽn tẽgse Yãmb dũni bugmã yaa Gεhannam Bugmã sẽn pʋɩ zĩis pîs-yopoe bεk a yembre Wẽnd Tẽn-tʋʋma, -Wẽnd Tẽn-tʋʋma, Wẽnd pʋʋsg la A tɩlgr be a yĩnga-, yẽsa tõndo, yẽnda me la sɩd soaba b sẽn kõt a soab goɑm sɩdã, a yeelɑme: «ad yãmb yembr fãa, b tigimda a naanegã, a ma wã pʋgẽ rasem pis-naas la yʋnd pis-naase, Bũmb fãa tũuda ne Wẽnd pʋlenga, halɩ n tʋg n tãag kongre, la yam, maa yam sɩlem la kongre Wẽnd sã n bʋ yamba, t’a ki tẽng ninga, A maanda tʋlsem ne yambã tɩ be tẽn-kãng pʋgẽ, t’a kẽnge Ned ning sẽn yaga maam ne pʋ-toogo, bɩ a bao a gãag zĩig Bugumẽ wã la ad yaa maam la a Damaam, ɭbn Sa’alaba, n yaa Banii Sa’ad ɭbn Bakr neda Nabiyaamã, (Wẽnd pʋʋsg la A tɩlgr be a yĩnga), tẽega bũmb yell n yeele: “ ad rẽnda yaa bãngr loogr ra sɩdg-y bãmbã la ra yags-y-b me ye, la yeel-y» : «{Tõnd kõo sɩd ne Wẽnde, la b sẽn sik n kõ tõndã} Ra karem-y bãngrã n rat n na n pug ne-a bãngdb ye, maa y wẽ no-koeemd ne yalms ye Wẽnd rɩka bilgri ne sor sẽn tẽeg tɩrga B sika wahɩ wã Wẽnd Tẽn-tʋʋma, (Wẽnd pʋʋsg la A tɩlgr be a yĩnga), zugu, t’a tara yʋʋm pis-naase Nabiyaamã, (Wẽnd pʋʋsg la A tɩlgr be a yĩnga), a ka mi Sʋʋra tεka, halɩ tɩ {Bismillahɩ Arrahmaani, Arrahiimi}. wa sig a zugu Rẽ yĩnga yãmb yembr fãa nongame, t’a sã n wa kẽng a zakẽ, bɩ a tʋg n mik yʋgem pʋs a tãabo, sẽn nobe, tɩ be a zakẽ wã tɩ yaa yẽnd n so ? B na n yeela Alkʋrãan soab laahr raare : karem la f rʋ, la f karem wala f sẽn da yɩ n tũnigd dũni kaanẽ wã, ad fo dargε wã tεkɑ yaa Aaya baasdg fo sẽn na n kɑrem-ɑ zĩigẽ Ned ning sẽn vẽnegda Alkʋrãanã kɑrengo yaa wala ned ning sẽn vẽnegda sãra, la ned ning sẽn solgda Alkʋrãanã karengo, a yaa wala ned ning sẽn solgda sãra maanego tɩ bãmb rag n yɩɩme n reegd Wẽnd Tẽn-tʋʋma (Wẽnd pʋʋsg la A tɩlgr be a yĩng) nengẽ Aayae-rãmb piiga, rẽnd bãmb ka rag n leb n reegd Aayae-rãmb piiga a taaba, halɩ tɩ bãmb wa tʋg n bãng piig ning bãmb sẽn reegã, bũmb ning sẽn be a pʋgẽ, sẽn yaa bãngre la b leb n tʋm ne-ba a Abʋʋ Munziri, rẽ yĩnga fo mii Aayar sẽn be Wẽnd Gafã pʋgẽ, fo sẽn karemã, zɩslem sẽn tʋg n yɩɩda bɩɩ ? » a yeele: tɩ mam yeele {Wẽnde, soɑb sẽn tũud n tɩlg kɑ be tɩ sã n pɑ Yẽ ye, A yɑa Vɩta vʋɩɩm sẽn pid Soɑbɑ, n yɑɑ a Mɑɑn-m-toor Soɑbɑ} [Albaƙara : 255]. T’a yeele : tɩ Nabiyaamã wẽ mam sũurã n yeel-ma : « m wẽen ne Wẽnde, ad bãngr na pʋʋs-f zu-noogo, a Abaa Munziri Tɩ Nabiyaamã, (Wẽnd pʋʋsg la A tɩlgr be a yĩnga) yɩɩme t’a sã n kɩll a gãagẽ wã, n na n gãand yʋng fãa, a tigimda a nus a yiibã, rẽ poorẽ t’a fʋʋs b yiibã pʋgẽ, n karem b yiibã pʋgẽ {Ƙul huwallaah Ahadʋn} la {Ƙʋl A’ʋʋzʋ birabbil Falaƙɩ} la {Ƙʋl A’ʋʋzʋ biraabinnaas} Yahuud-rãmbã yɑɑ b sẽn gẽ-b rãmbɑ, la Nasaar-rãmbã yaa menemdbɑ rẽnd fo sã n yã neb nins sẽn pʋgd mɑɑnɑ sẽn pɑ vẽenegã, Alkʋrãanã pʋgẽ wã, bɩ f bãng tɩ yaa bãmb la Wẽnd sẽn pʋdã, bɩ f gũus-ba Ned ka be sẽn na n tʋm zũnuuba, rẽ poorẽ n yik n yɩlge, rẽ poorẽ n pʋʋse, rẽ poorẽ t'a kos Wẽnd yaafa, rẽndame tɩ Wẽnd yaaf-a rẽ yĩnga ka Soab ning sẽn da kẽnes-a a nao wã zugu dũni wã, Yẽ ka tar tõog n na n kɩt t’a kẽn a nengã zugu, yikr raarã? yeel tɩ soab sẽn na n tũ n tɩlg ka be rẽnda Wẽnde, tɩ m na maan kaset n fãag-fo gom-kãngã sabab yĩnga, dũni yikr raarã ad fo sẽn yet bũmb ninga la f boond n tʋgdẽ wã be neere, la fo sã n da kõ tõnd kibare, tɩ tõnd sẽn da maan tʋʋm ningã tara yaafa Kẽng a nengẽ n tʋg n yeel-a; ad fo ka Bugum ned ye, la ad fo yaa arzãn neda yãmb ɑ neba! Ad Wẽnd sεεsa zɩɩlem sasa yεlã n bas yãmbã, la ɑ wug-m-menga ne yaab-rãmbã {Rẽ poorẽ b na sok yãmba, raaren-kãngã, neema wã yelle.} Ad neb n na n zĩndi, zamaan yaoolem mam poorẽ dãmbẽ wã, n yẽsd yãmb ne kibay nins yãmb sẽn ka wʋme, y yaab-rãmb ka wʋme, bɩ y gũus y mens ne-ba Gʋlse, tɩ m wẽen ne Naab Ning mam yõorã sẽn be a soab nugẽ wã, ad bũmb ka yit a pʋgẽ tɩ sã n ka sɩd ye Nabiyaamã (Wẽnd pʋʋsg la A tɩlgr be a yĩnga) ra yɩɩme n yõkd koom Pʋʋsg fãa wakato Nabiyaamã (Wẽnd pʋʋsg la A tɩlgr be a yĩnga) yõga koom vugr-vugri Tɩ Nabiyaamã (Wẽnd pʋʋsg la A tɩlgr be a yĩnga) yõka koom noor a yiib-yiibu Yãmb yembr kãm fãa sã n wʋm bũmb rãɑmd a pʋgẽ wã, t'a pa miẽ, bũmb n yi bɩ pa yi, bɩ a ra yi miisrẽ wã, halɩ t'a wa wʋm bʋrgo maa yũugu Yaa hakε n zao lɩslaam fãa gilli t'a so rasem a yopoe pʋgẽ fãa raar a yembre, n pek a zugã la a yĩngã Mam waa Nabiyaamã nengẽ (Wẽnd pʋʋsg la A tɩlgr be a yĩnga), n rat n na n tuubi, t'a kɩt tɩ mam so ne koom la mugnuga Yãmb sã n wʋm laandãan boaandã sẽn boonde, bɩ y yeel wala a sẽn yetã, rẽ poorẽ bɩ y pʋʋs maam Ned ning sẽn me miisr Wẽnd yĩnga, Wẽnd meta a buudu arzãnã pʋga n kõ-a Pʋʋsgo mam miis-kãngã pʋgẽ, a yel-sõmdã yɩɩda Pʋʋs-rãmb tusri zẽng sẽn ka miis-kãngã pʋgẽ, sã n ka Lohorem miisrã bala Yãmb yembr fãa sã n kẽ miisri, bɩ a maan rakaar a yiibu taoor t'a na n ka zĩnd ye Yãmb yembr fãa sã n na n kẽ miisrẽ bɩ a yeele: Allahʋmma ɭftahlɩɩ abwaaba Rahmatɩka, (M Soab A Wẽnde, pak F Yolsgã ragnoy n kõ-ma). la a sã n na n yi, bɩ a yeele: Allahumma Innii As'alʋka min faḍlɩka, (M Soaba A Wẽnde, m kot-F la F yɩɩdlemã) A Bilaale, yals Pʋʋsgã, pems-d ne-a yãmb ɑ nebã, ad mam maana woto, sẽn na yɩlẽ tɩ y tũnug , la y zãms mam Pʋʋsgã Yãmb sã n na n pʋʋse, bɩ y tẽeg y saf-rãmbã tɩrga, rẽ poorẽ bɩ y yãk y ned tɩ yɩ limaam, a sã n yeele: "Allaahʋ Akbarʋ m wẽen ne mam yõorã sẽn be A Soab Nugẽ wã, ad maam pʋʋsgã n yɩɩd wõneg ne Wẽnd Tẽn-tʋʋmã (Wẽnd pʋʋsg la A tɩlgr be a yĩnga) Pʋʋsgã, ne yãmbɑ, lɑ ad a Pʋʋsg rag n dɑ yaa woto bala, halɩ t'a wa bas dũni Nebã sẽn yɩɩd wẽng ne wagdem yaa ned ning sẽn zuuda a Pʋʋsgã pʋgẽ».. Tɩ b yeele: a na n zu a Pʋʋsgã wãn-wãnã? T'ɑ yeele: «a ka pidsda a rukuu wã, ka a suguudã Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ra yɩɩme t'a sã n roog a poorã n yi rukuẽ wã Pʋʋsgã pʋgẽ, a yetame: «(Samiʿ Allaah lɩman hamɩdahʋʋ Tɩ Nabiyaamã (Wẽnd pʋʋsg la A tɩlgr be a yĩnga) a yɩɩme n rag n yet faril fãa Pʋʋsg poorẽ Tɩ Nabiyaamã (Wẽnd pʋʋsg la A tɩlgr be a yĩnga) ra yɩɩme n yet suguud-rãmb a yiibã sʋka: «Rabbɩ ɩgfɩr lɩɩ, Rabbɩ ɩgfɩr lɩɩ= (M soɑbɑ! Yaaf-ma. M Soɑbɑ! Yaaf-ma) Yãwã yaa sʋɩɩtãan b sẽn boond tɩ Hinzib, fo sã n wa paam-a f Pʋʋsgã pʋgẽ, bɩ f kos gũudum ne Wẽnd n yi-a la f tʋbs f goabgã wεεngẽ noor a tãabo Ad Wẽnd ka sakd tʋʋmde, rẽndame tɩ yaa sẽn yɩ Yẽ yĩng bala, n baood A Nengã Ned ning sẽn yara Wẽnd tɩ yaa a Soaba, la lɩslaɑngo tɩ yaa a dĩini, la a Mʋhammad tɩ yaa a Tẽn-tʋʋma, a lemba sɩd-kũun noom Yεl a naase n be beenẽ, b sẽn wa n be ned ning nengẽ a yɩtame n yaa munaafɩk vẽenega, la ned ning b yembr sẽn wɑ n be ɑ nengẽ , yẽ soab tara sɩf ɑ yembr sẽn yaa munaafɩglem, halɩ t'a wa tʋg n bas-a: -bãmb lɑ woto-: b sã n maan-a bas-m-yam a zãmbdame, a sã n yẽsdẽ a yagdame, a sã n rɩk alkaoole a zãmbdame, a sã n zabe a wẽngdame Ninsaal sã n ki, a tʋʋmã wãagdame rẽnda a tãabo: rẽnda do-paadga, maa bãngr b sẽn nafd ne-a, maa bi-sõng sẽn kot Wẽnd n kõt-a Wẽnd Tẽn-tʋʋmã, ad a Saʿad ma wã maana kaalem, la yaa bõe doaag n yɩɩd sõmblem? Tɩ Tẽn-tʋʋmã yeele: «Yaa koom», a yeele: t'a tu bulga, la a yeele: woto yaa a Saʿad ma n so Sɩd-kõt pɑ yɩ n yɑɑ zɑng toog soab ye, ɑ pɑ kãɑb-toog soɑbɑ, ɑ pɑ yel-beed soɑbɑ, ɑ pɑ no-beed soɑbɑ no-loeerã sã n wa bɩ f maan ʿƲmra, bala ʿƲmrã wã no-loeerã pʋgẽ, a zema hagiimdu Wẽnd Tẽn-tʋʋma, tõnd neeme tɩ Gɩhaadɩ sõblem n yɩɩd tʋʋmã fãa, rẽ yĩnga, d ka na n maan gɩhaadɩ? Tɩ Nabiyaamã yeele: «ayo ad Gɩhaadi somblem sẽn tʋg n yɩɩd yaa hagiimd sẽn manege Nabiyaamã (Wẽnd pʋʋsg la A tɩlgr be a yĩnga) a kodga pe-raad a yiibu, sẽn yaa pεεl sẽn tẽgs sabla n tar yɩɩla, a kodg-b lame ne a nugã, la a yeel "bismillaah" la "Allaahu akbarʋ" la a rɩk a naoorã n ning b yiibã yubliẽ wã Mam rag n bee ne Nabiyaamã (Wẽnd pʋʋsg lɑ A tɩlgr be ɑ yĩngɑ), t'a wa tʋg n ta neb tãmpʋʋrẽ, n rʋʋde, t'a yaa sẽn yãse Ad bãmbã b yiibã yaa haraam ne mam zãmã wã rapa, n yaa halaal ne b pagbã Ad Wẽnd la A Tẽn-tʋʋmã harma rãam koosgo, la gɩfo la kurkuri, la rʋbse M soka Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ges lingdg yelle, t'a sagl maam tɩ m wẽneg m nifrã Tɩ Nabiyaamã (Wẽnd pʋʋsg la A tɩlgr be a yĩnga) a sã n rag n yi we-kεεnga, a yetame: «Gʋfraanak (M kot-F-la yaafa) Zãg-y yεl-kãensã Wẽnd sẽn gɩdgã, rẽnd ned ning sẽn wa tʋg n kẽ yellã pʋgẽ, bɩ a bao sʋtr Wẽnd nengẽ, la a tuub n tʋg Wẽndẽ, tɩ ad ned ning sẽn wa n vẽneg a tʋʋmã karase, tõnd na n maana Wẽnd sẽn saglã a zugu (A Naam yɩ wagell n zẽke) A gɩdga we-rũng sẽn tar yẽna fãa, la sẽn tar na-yẽese soɑb fãa liuuliẽ wã Laandãan-rãmb a yiib sʋk fãa Pʋʋsg n be , laandãan-rãmb a yiib sʋk fãa Pʋʋsg n be». Rẽ poorẽ t'a yeele: «Ne ned ning sẽn tʋlla Ned ning sẽn wa n zẽka zab-teed tõnd zugu, a ka be tõnd pʋgẽ ye Wẽnd Tẽn-tʋʋmã (Wẽnd yard be b yiibã yĩnga) ra yɩɩme n wilgd tõnd sõmã tũus-n-yãk Pʋʋsg yεlã fãa pʋgẽ, wala a sẽn wilgd tõnd Alkʋrãanã sʋʋra Ned ning sẽn loe noor rɑɑr ɑ ye tɩ yẽ be Wẽnd sorã sõngr pʋgẽ, Wẽnd na n zãaga a nengã ne Bugmã bõn-bɩʋʋng pis-yopoe Nebã ka bakd n be sõma pʋgẽ, tɩ b sã n yãg ne no-kaoorã Tõnd rag n yiisda Zakaat al-fɩtrã, Wẽnd Tẽn-tʋʋm (Wẽnd pʋʋsg la A tɩlgr be a yĩnga) sẽn wa n be tõnd pʋgẽ, bi-bilf la kãsem fãa zugu, burkĩn maa yamb fãa zugu, saawall sẽn yaa rɩɩbo, maa saawall sẽn yaa bĩis-koεεnga, maa saawall sẽn yaa Sa'ɩɩre (ki), maa saawall sẽn yaa Tamarʋ, maa saawall sẽn yaa sib-koeemse Tõnd rɩɩ sugrã rɩɩb ne Nabiyaamã (Wẽnd pʋʋsg la A tɩlgr be a yĩnga), rẽ poorẽ t'a yik n kẽng Pʋʋsgã, tɩ mam yeele: wakatã sẽn da be laandãanã ne sugrã rɩɩb sʋkã yaa wãnã? T'a yeele: yɑɑ Aayae pis-nu kɑreng alkadre Tɩ Nabiyaamã (Wẽnd pʋʋsg la A tɩlgr be a yĩnga) a rag n yɩɩme n maan ɭɩtɩkaaf Ramadãanã rasem pi-yaoogã, halɩ tɩ Wẽnd wa reeg a yõorã, rẽ poorẽ a pagbã maana ɭɩtɩkaafo a loogrã poorẽ Rɩ-y sugrã, tɩ ad sugrã rɩɩb pʋgẽ, bark n be beenẽ Ra yãg-y n lʋɩɩs Ramadaanã n loe raar a yembre, maa rasem a yiib ye, sã n ka ned ning sẽn da maanda no-loeere, bɩ a loe Wẽnd Tẽn-tʋʋmã (Wẽnd pʋʋsg la A tɩlgr be a yĩnga) maana Zakaat Al-fitrã tɩ yaa tɩlae, tamarʋ saawalle, maa saʿɩɩr saawalle, yamb zug fãa, maa burkĩn zug fãa, la rao zug fãa, maa pag zug fãa, bi-bilf zug fãa, maa kãsem zug fãa, sẽn yi lɩslaambẽ, la a sagl tɩ b kɩs-a taoor tɩ nebã na n ka yi n kẽng Pʋʋsgẽ wã Ka sõmb ne paga sẽn yaa lɩslaama, t'a tog sore, yʋng kẽnde, rẽndame tɩ rao n be ne-a, sẽn yaa a zʋʋ mahram (a sẽn ka tõe n fur a soaba) Ned ning sẽn yĩma n rɩ, maa a yũ, tɩ yẽ yaa sẽn loe noore, bɩ a pids a no-loeerã, tɩ ad yaa Wẽnd n rɩlg-a la a yũnug-a M maana tigrã n lagem ne d zu-soab a Ʋmar ɭbn Al-hattaabe, (Wẽnd yard be a yĩnga) t'a yeele: bãmbã b yiibã yaa rasem Wẽn Tẽn-tʋʋmã (Wẽnd pʋʋsg la A tɩlgr be a yĩnga) sẽn gɩdg tɩ d ra loe-b noor b pʋgẽ, yãmb no-lokr raare, la raar a to wã, yaa kibs tɩ y rɩt y rũn-kootsã Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) Labbayka maanego, yaa: «Labbayka allaahumma labbayka, labbayka laa sarɩɩka laka Labayka, innal hamda wanne'mata laka wal mulka, laa sariika laka Gẽes-y Laylat al-ƙadrã rasem-pi-yaoogã ra-lugmã pʋgẽ, Ramadaanã kiuug pʋgẽ M yãame tɩ yãmb zãmsdã zemsa taab rasem yopoe baasdgẽ wã, rẽnd ned ning sẽn na n bao-a bɩ a bao-a rasem a yopoe baasdgẽ wã La Wẽnd ka kõ yãmb bũmb ning y sẽn tõe n maan sara ne laa? Ad sʋbhaanallaah fãa yaa sara, la Allaahʋ akbarʋ fãa yaa sara, la Alhamdʋ lillaah yaa sara, la laa'ɩlaaha ɭllallaah yaa sara, sagl ne manegr yaa sara, gɩdg ned n yi yel-kiti yaa sara, yãmb yembr fãa kẽed-n-taar ne a paga yaa sara Ned ning sẽn wa n pãrg keelem n bas lɩslaama, Wẽnd pãrgda keelem n bas-a, sẽn yi dũni yikr raar keelemã, Yãmb a neba! Tuub-y n tʋg Wẽnd nengẽ, tɩ ad mam lebgdame n tʋgd Wẽnd nengẽ raar pʋgẽ noor koabga Ad Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a zãaga a meng n yi kaas poaka la põnd poaka la pãrs poaka Ad ɭsraεl koambã, yaa nabiyaam-rãmb n rag n yaa b taoor rãmba, nabiyaam sã n halk fãa, nabiyaam n ledsd-a, la ad nabiyaam ka be mam poorẽ ye, la ad lεdsdb n na n zĩnd mam poorẽ, b na n wʋsgame Wẽnd Tẽn-tʋʋmã rag n yɩɩme (Wẽnd pʋʋsg la A tɩlgr be a yĩnga) tɩ rasem-pi-yaoogã sã n kẽ, a vɩɩmsda yʋngã ne tũudum la a nek a zakã rãmbã la a nidg pãnga n sẽbg a sʋka Ad tũudum tẽn-kũum sasa yaa wala ned sẽn na n maan higra n tʋg mam nengẽ Lɩslaam ka be sẽn na n maan kosgo, tɩ zũnuub ka a pʋgẽ, tɩ rogem wãagr ka a pʋgẽ, rẽndame tɩ Wẽnd kõ-a a sẽn bõosdã yεl a tãab yembre, maa t'A yãg n kõ-a a bõosgã dũni kaanẽ, maa t'A bĩng-a n yao-a laahr raare, maa t'A tus wẽng sẽn yaa bedr wala doaagã n yi-a». La Ṣahaabsã yeel yã: rẽnd sã n yaa woto, d na wʋsg kosgã, tɩ Nabiyaamã yeele: «Wẽnd n wʋsgd n yɩɩda Tɩ Wẽnd Nabiyaamã (Wẽnd pʋʋsg la A tɩlgr be a yĩnga) a rag yeta keelem sasa: «Laa'ɩlaaha ɭllallaah Al-ʿazɩɩm Al-halɩɩm, Laa'ɩlaaha ɭllallaah Rabbʋ Al-ʿarš Al-ʿazɩɩm, Laa'ɩlaaha ɭllallaah Rabbʋ As-Samaawaat wa Rabbʋ Al-arḍ wa Rabbʋ Al-ʿArš Al-karɩɩm= Soab sẽn na n tũ n tɩlg ka be rẽnda Wẽnde, sẽn yaa na-zɩsgo, sẽn yaa sugr Soaba, soab sẽn na n tũ n tɩlg ka be rẽnda Wẽnde, sẽn yaa Al-arš zɩsgã Soabã, soab sẽn na n tũ n tɩlg ka be rẽnda Wẽnde, sẽn yaa saasã la Al-arš wagellã Soabã Nabiyaamã (Wẽnd pʋʋsg la A tɩlgr be a yĩnga) ka pʋʋs Pʋʋsgo, Wẽnd koεεg sẽn sig poorẽ: {Wẽnd sõngrã ne A pakrã sã n wa} [An-naşr (Sõngrã sʋʋra)], rẽndame t'a yeel a Pʋʋsgã pʋgẽ: «Sʋbhaanaka Rabbanaa wa bihamdika, Allahumma ɩgfɩrlɩɩ= F Naam yɩlg yã d Soabã, d pẽgd-Fo, d Soabã A Wẽnde, yaaf-ma Yãmb yembr fãa sã n yaamse, bɩ a mobg a noorã ne a nugã, bala a sʋɩɩtãan kẽeda beenẽ Lɩslaam hakε sẽn zao a lɩslaam taag yaa a yoobe» Tɩ b yεεl-a: bãmb la bʋse Wẽnd Tẽn-tʋʋmã? La a yeele: «F sã n seg-a bɩ f ning-a sallem, la a sã n bool-f bɩ f sak-a, la a sã n kos-f sagls bɩ f maan-a pʋ-peelem, la a sã n tĩsi n pẽg Wẽnd bɩ f yeel-a: Yarhamuka Allaah= Wẽnd na yols-fo, la a sã n bẽ bɩ f kaag-a, la a sã n maan kaalem bɩ f yãag-a Wẽnd ka get ned ning sẽn vuug a fuug waoog-m-meng yĩng ye Ned ning sẽn wa n tʋg n reeg lɩslaam hakε ne wẽenego, rẽnd Wẽnd maaname tɩ Bugum yaa tɩlae ne a soabã, la A gɩdga arzãnã a zugu» tɩ rao yeel-a: baa yaa bũmb bilfu Wẽnd Tẽn-tʋʋmã? La a yeel yã: «Baa yaa bilf wala ra-wãbdga Neema a yiib n be, tɩ nebã wʋsg bõnd b pʋgẽ: yaa laafɩ la sẽka Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ra yɩɩme n yet a suguudẽ wã «Allaahumma agfɩrlɩɩ Zanbɩɩ kulluhuu, dɩƙƙahuu wa gillahuu, wa Awwalahuu, wa Aaẖɩrahuu, wa ʿAlaaniyatahuu wa sirrahuu=m Soab A Wẽnde! Yaaf-ma n yi m zũnuubã, a fãa gilli, a kɩdgã la a bedrã, la a wʋsgã, la rẽenemã, la a yaoolemã, la sẽn vẽnegã la sẽn solgã Ad kãab-toogã rãmbã b ka yɩt dũni yikr raarã seetba, b ka yɩt sugsdba Ad yãmb Soabã yaa yãn-Zoεta n yaa Kõta, A zoeta yãnd ne A yamba t'a sã n zẽk a nus a yiibã n tʋg A nengẽ t'A lebs b yiibã zaalem Neb ka zĩndid zĩigẽ, n ka tẽeg Wẽnd yʋʋrã a pʋgẽ, la b ka pʋʋs Nabiyaamã, rẽndame t'a yɩ bõn ne-ba, Wẽnd sã n tʋlla t'A sɩbg-ba, la A sã n tʋlla, A yaafdame n bas-ba Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a ra yɩɩme n nong doos nins sẽn tigimã la a basd zẽng sẽn ka rẽ Wẽenegã bolgda teoog raaga, la a yãkd a yõodã barka Ra tʋ-y segbã, yãmb sã n yã bũmb ning y sẽn kisa, bɩ y yeele: d Soab A Wẽnde, ad tõnd kota Foom sẽn be seb-kãngã sõmã wã la sõmã ning sẽn be a pʋgẽ, la b sẽn sagl-a ne bũmb ningã sõma, la d kota gũudum n yi seb-kãngã wẽngã la wẽng ning sẽn be a pʋgẽ wã la wẽng ning b sẽn sagl ne-a wã Yãmb ned fãa ra wa yeele: m Soab A Wẽnde, yaaf-ma tɩ F sã n rata, yols maam tɩ F sã n rata, rɩlg maam tɩ F sã n rata. La a sã n na n kos bɩ a kos vẽenega, tɩ ad Wẽnd maanda A sẽn rate, modgd ka be ne-A ye Ad ned paam yõ-tẽgre, b sẽn tẽeg maam a nengẽ t'a ka pʋʋs maam ye, ad paam yõ-tẽgre, Ramadaan sẽn kẽ-a soaba n tʋg n sε tɩ b ka yaaf-a ye, paam yõ-tẽgre ned ning kʋʋlem sẽn ta a roagdb a yiibu, tɩ b ka yɩ sabab n kẽes-a arãnã Ned ning sẽn loe raar fãa, a ka loe ye, rasem a tãab no-loeerã, yaa zãmaanã fãa no-loeere Yaa bõe n tar neb tɩ b yet tɩ woto la woto? La ad mam pʋʋsdame la m gãandedẽ, la m loet noore la m kaoodẽ, la m loet pagb furi, rẽnd ned ning sẽn basa mam Sũnnah, a ka be mam sagellã tũudum pʋgẽ ye Lɩslaamb a yiib ka be n yek taab n yõk taab nusi, rẽndame tɩ b yaafa b yiibã zũnuuba, taoor tɩ b na n ka welg taaba Ned ning sẽn rulsa Sʋʋrat Al-kahf rẽenem Aayae piigã, a paamda gũudum n yi daggεεli» la togsg a to pʋgẽ: « sẽn yi Sʋʋrat Al-kahf yaoolem Aayae-rãmbã Ned ning sẽn kaaga bãada, t'a kũumã ka ta, n yeel a nengẽ noor a yopoe: "As'alʋ Allaah Al-ʿazɩɩm, Rabbi Al-arš Al-ʿazɩɩm, an yʋšfɩyaka= m kota Wẽnd sẽn yaa Zɩsgã, sẽn yaa Al-arš-Zɩsgã Naabã, t'A maag f bãagã" Rẽndame tɩ Wẽnd sik-a n yi bã-kãngã Tɩ Adam-biisã sũyã fãa bee A nus a yiib sʋka sẽn yi Arrahmaan Naab nus-biisẽ wã, tɩ yaa wala sũur a yembre t'A leebd-a, A sẽn rate B ka kɩt tɩ Tẽn-tʋʋmã (Wẽnd pʋʋsg la A tɩlgr be a yĩnga) yãk yεl a yiib sʋka, rẽndame t'a yãk sẽn yɩɩda naanã wã soabã, tɩ zũnuub sã n ka be a pʋgẽ, la zũnuub sã n be a pʋgẽ, a rag n yɩɩme n yɩɩd nebã ne a zãagre Wẽnd na põees ned ning neng sẽn wʋm bũmb tõnd nengẽ, n taas-a wala a sẽn wʋm-a wã, bala sõor waoog b sẽn taas ned bũmb tɩ yẽnda sẽn fasema yɩɩda wʋmdã Wẽnd tigimada rẽenem rãmbã la yaoolem rãmbã zĩ-peell a yembr pʋga, tɩ boaandã wʋmsd-b fãa gilli, tɩ nin ne-b lame, tɩ wĩndgã pẽnege, tɩ nebã wa tʋg n ta keelemã la yɩɩgrã b sẽn ka tõe Ad sɩd-kõt tara arzãnã pʋgẽ zãnd sẽn yaa sãnem sẽn yaa gõko, sẽn tar pʋga, a woglemã yaa Miil pis-yoobe (kilo kobg la zaka), sɩd-kõt tara zak rãmb beenẽ, tɩ b gilgd a nengẽ, tɩ b ka ne taab ye Wẽnd Tẽn-tʋʋmã (Wẽnd pʋʋsg la A tɩlgr be a yĩnga) kãaba rao sẽn na n yeelg pag yerem, la pag sẽn na n yeelg rap yerem Ned ning sẽn wa n tara rũng n na n kogd kibsã, tɩ Zʋl Higga wã sã n puki, bɩ a ra leb n yãk a kõbdã, a ra yãk a na-yẽesã baa fʋɩ, halɩ t'a wa tʋg n kodge Yãmb ned fãa ra wa tees a ma-biig ne zab teed ye, bala yẽ ka mi, tõe t'a sʋɩɩtãan reeg bũmbã a nugẽ wã, tɩ yẽ tʋg n lʋɩ bugum bokẽ M sagend-y lame ne Pʋʋsgo, la y sẽn so y nugẽ sẽn yaa yembse