Hadithi: Yabujije guhiga (ko uzakora ikintu), iranavuga iti: "Ntabwo bituma hari icyo ubona bwangu cyangwa ngo gikererwe, ahubwo guhiga bituma umunyabugugu akora icyiza (kubera ko ubusanzwe akora iby'itegeko kuri we gusa)

عَنِ ابْنِ عُمَرَ رضي الله عنهما:
عَنِ النَّبِيِّ صَلَّى اللهُ عَلَيْهِ وَسَلَّمَ أَنَّهُ نَهَى عَنِ النَّذْرِ، وَقَالَ: «إِنَّهُ لَا يَأْتِي بِخَيْرٍ، وَإِنَّمَا يُسْتَخْرَجُ بِهِ مِنَ الْبَخِيلِ».
[صحيح] - [متفق عليه] - [صحيح مسلم: 1639]

Hadith yaturutse kwa Ibun Umar (Imana imwishimire we na se) yavuze ko
Intumwa y'Imana (Imana iyihe amahoro n'imigisha) Yabujije guhiga (ko uzakora ikintu), iranavuga iti: "Ntabwo bituma hari icyo ubona bwangu cyangwa ngo gikererwe, ahubwo guhiga bituma umunyabugugu akora icyiza (kubera ko ubusanzwe akora iby'itegeko kuri we gusa)."
[Hadithi y'impamo] - [Yemeranyijweho na Bukhari na Muslim] - [Swahih Muslim - 1639]

Ibisobanuro birambuye.

Intumwa y'Imana (Imana iyihe amahoro n'imigisha) yabujije guhiga, ari byo bisobanuye ko umuntu agira umugambi wo gukora igikorwa akakigira itegeko kuri we, ataragitegetswe n'amategeko. Yaranavuze ati: Kugira umuhigo wo gukora ikintu ntibituma hari icyo ubona vuba cyangwa ngo bibe impamvu ko hari icyo uri bukereze, ahubwo bikorwa n'umunyabugugu, ukora ibyo yategetswe gusa, kandi kugira umuhigo ntacyo byageza ku muntu kirenze icyo yagenewe.

Zimwe mu nyungu dukura muri Hadithi.

1. Kugira umuhigo ntabwo bitegetswe, ariko iyo umuntu awugize aba agomba kuwesa igihe cyose icyo yahigiye atari icyaha.
2. Impamvu kugira umuhigo bibujijwe nuko ari (nta cyiza ugeza ku muntu), kubera ko ntacyo wakumira mubyo umuntu Allah yamugeneye, no kugira ngo uwagize umuhigo adacyeka ko ibyo yifuzaga yabigezeho kubera umuhigo yahize, nyamara Allah arihagije ntabyo acyeneye.
3. Al Qurtwubiy yaravuze ati: Uku kubazwa gushingiye ku kuba umuntu yavuga ati: Allah naramuka ankirije umurwayi wanjye nzatanag ituro iri n'iri. Impamvu atari byiza nuko kubera ko icyo gikorwa cyo kwiyegereza Allah gishingiye ku kubanza kugera ku cyo umuntu yifuza, byagaragaye ko bidashingiye kukwiyegereza Allah Nyir'ubutagatifu kubera ibyo yakoze. Ahubwo biba ari nka mpa nguhe. Binagaragazwa nuko iyo Allah atamukiriza umurwayi ntiyari gutanga ayo maturo, kuko yahize kuyatanga ari uko umurwayi we abanje gukira, ibi rero ni ibiranga umunyabugugu, kubera ko ari we ugira icyo atanga mu mutungo we ku ngurane y'ako kanya iruta ibyo we yatanze.