हदीस: मन्नत (भाकल) गर्न निषेध गर्नुभयो र भन्नुभयो: "मन्नतले कुनै फाइदा गर्दैन । यसले केवल कंजूसबाट उसको धन निकालिनेछ ।
عَنِ ابْنِ عُمَرَ رضي الله عنهما:
عَنِ النَّبِيِّ صَلَّى اللهُ عَلَيْهِ وَسَلَّمَ أَنَّهُ نَهَى عَنِ النَّذْرِ، وَقَالَ: «إِنَّهُ لَا يَأْتِي بِخَيْرٍ، وَإِنَّمَا يُسْتَخْرَجُ بِهِ مِنَ الْبَخِيلِ».
[صحيح] - [متفق عليه] - [صحيح مسلم: 1639]
المزيــد ...
इब्ने उमर (रजियल्लाहु अन्हुमा) ले बयान गरेका छन्,
नबी (सल्लल्लाहु अलैहि वसल्लम) ले मन्नत (भाकल) गर्न निषेध गर्नुभयो र भन्नुभयो: "मन्नतले कुनै फाइदा गर्दैन । यसले केवल कंजूसबाट उसको धन निकालिनेछ ।"
[सही] - [मुत्तफकुन अलैहि] - [सही मुस्लिम - 1639]
नबी (सल्लल्लाहु अलैहि वसल्लम) ले नज्र (मन्नत र भाकल) मान्न निषेध गर्नुभयो । नज्र भनेको एक व्यक्तिले आफूलाई त्यस्तो काम गर्न बाध्य पार्नु हो जुन शरियतले उसलाई बाध्य पारेको छैन । उहाँले थप भन्नुभयो : मन्नतले कुनै कुरालाई नत अगाडि बढाउँछ नत पछाडि नै । यो केवल कंजूसबाट खर्च गर्ने एउटा तरिका हो, जसले फर्ज बाहेक केही खर्च गर्दैन । मन्नतले भाग्यमा नलेखेको कुरा ल्याउँदैन ।
हदीसका केही फाइदाहरू
- "मन्नत मान्न अनुमति छैन, तर यदि मन्नत मानिएको छ भने, त्यो पाप नभए पूरा गर्नु अनिवार्य हुन्छ।"
- (मन्नतले कुनै फाइदा गर्दैन); भनेर मन्नतलाई निषेध गर्नुको कारण भनेको यसले अल्लाहको कुनै निर्णयलाई परिवर्तन गर्न सक्दैन । त्यसैगरी मन्नत गर्ने व्यक्तिले मन्नतको कारणले मात्र आफ्नो मनसाय पूरा भएको सोच्नु हुँदैन, किनकि अल्लाह उसको मन्नतबाट निरपेक्ष हुनुहुन्छ ।
- इमाम कुर्तुबी भन्छन्: यसलाई यो कारणले गर्दा निषेध गरिएको छ कि जस्तै एक व्यक्तिले भन्छ: यदि अल्लाहले मेरो बिरामीलाई निको पार्नुहुन्छ भने म यति दान दिनेछु । निषेधको कारण के हो भने उनले आफ्नो काम पुरा भएमा मात्र दान दिने शर्त राखेको छ । यसले के स्पष्ट हुन्छ भने यो उपासना (दान) अल्लाहको लागि मात्रै हैन । बरु उसले क्षतिपूर्तिको बाटो रोजेको छ । यदि अल्लाहले रोगीलाई निको पारेनन् भने, उसले दान दिनेछैन र यो कंजूसको मामिला हो भन्ने प्रष्ट हुन्छ । किनभने उसले तुरुन्तै र बढी प्राप्त हुने चीजको सट्टामा मात्र आफ्नो सम्पत्ति दिने भनेको छ ।