ჰადისი: თითოეულმა არ მოკვდეს ის, რომ არ ელოდოს ალლაჰისგან მხოლოდ სიკეთეს

عَنْ جَابِرٍ رضي الله عنه قَالَ: سَمِعْتُ النَّبِيَّ صَلَّى اللهُ عَلَيْهِ وَسَلَّمَ قَبْلَ وَفَاتِهِ بِثَلَاثٍ يَقُولُ:
«لَا يَمُوتَنَّ أَحَدُكُمْ إِلَّا وَهُوَ يُحْسِنُ بِاللهِ الظَّنَّ».
[صحيح] - [رواه مسلم] - [صحيح مسلم: 2877]

ჯააბირისაგან გადმოცემულია (ალლაჰი იყოს მისით კმაყოფილი), რომ მან თქვა: გავიგონე, რომ ალლაჰის მოციქული (ალლაჰის ლოცვა და მშვიდობა მას) ამბობდა:
«თითოეულმა არ მოკვდეს ის, რომ არ ელოდოს ალლაჰისგან მხოლოდ სიკეთეს».
[სანდო (საჰიჰ)] - [გადმოსცა მუსლიმმა] - [საჰიჰ მუსლიმ - 2877]

განმარტება

მოციქული (ალლაჰის ლოცვა და მშვიდობა მას) მოუწოდებდა მუსლიმს, რომ სიკვდილისას ალლაჰისგან მხოლოდ სიკეთეს ელოდოს, რათა მისთვის სასიკვდილო საწოლზე იმედი იმისა, რომ ალლაჰი შეიწყალებს და აპატიებს, გაბატონებული იყოს. რადგან შიში იმისთვისაა საჭირო, რომ ადამიანი შრომასა და გულმოდგინებას შეუდგეს, ხოლო როცა ადამიანი სიკვდილის პირასაა, ეს აღარ არის საქმის დრო, ამიტომ ამ მომენტში უნდა გაბატონდეს იმედი(ალლაჰისადმი).

ჰადისის სარგებლობიდან

1. ალლაჰის მოციქულის (ალლაჰის ლოცვა და მშვიდობა მას) გულმოდგინე მზრუნველობა თავისი უმმათის დარიგებაზე და მისი დიდი მოწყალება მათ მიმართ ყველა ვითარებაში; მან თავისი ავადმყოფობის დროს, რომლის დროსაც ის გარდაიცვალა, რჩევა მისცა თავის უმმათს და უჩვენა გადარჩენის გზები.
2. ატ-ტიიბიმ თქვა: «იზრუნეთ იმაზე, რომ თქვენი საქმეები კეთილი იყოს, რათა, როცა სასიკვდილო საწოლზე აღმოჩნდებით, ალლაჰისგან სიკეთეს ელოდოთ. რადგან, ჭეშმარიტად, ვინც ამქვეყნად ბოროტი საქმეებით ცხოვრობდა, ისიც ალლაჰისგან ბოროტს მოელის, როცა სიკვდილის პირას აღმოჩნდება».
3. მსახურისთვის ყველაზე სრულყოფილი მდგომარეობაა იმედისა და შიშის ბალანსი, თუმცა სიყვარულის უპირატესობით. სიყვარული არის ძირითადი ძრავი, იმედი - დამხმარე, და შიში - წამყვანი. ალლაჰი თავისი წყალობითა და დიდებულებით არის ის, ვინც მიზნამდე მიგვიყვანს.
4. სიკვდილის პირს მყოფ ადამიანის გვერდით მყოფს ევალება, გაამყაროს მისი იმედი და მოუწოდოს მას, რომ ალლაჰისგან სიკეთეს ელოდოს. რადგან ამ ჰადისში აღნიშნულია, რომ მოციქულმა (ალლაჰის ლოცვა და მშვიდობა მას) ეს სიტყვები თავისი გარდაცვალებიდან სამი დღით ადრე წარმოთქვა.