Hadithi: “Assesi asnjëri prej jush të mos vdesë pa pasur mendim të mirë për Allahun.”

عَنْ جَابِرٍ رضي الله عنه قَالَ: سَمِعْتُ النَّبِيَّ صَلَّى اللهُ عَلَيْهِ وَسَلَّمَ قَبْلَ وَفَاتِهِ بِثَلَاثٍ يَقُولُ:
«لَا يَمُوتَنَّ أَحَدُكُمْ إِلَّا وَهُوَ يُحْسِنُ بِاللهِ الظَّنَّ».
[صحيح] - [رواه مسلم] - [صحيح مسلم: 2877]

Xhabiri (Allahu qoftë i kënaqur me të!) tregon se e ka dëgjuar të Dërguarin e Allahut ﷺ tri ditë para se të vdiste duke thënë:
“Assesi asnjëri prej jush të mos vdesë pa pasur mendim të mirë për Allahun.”
[Ky hadith është sahih] - [E shënon Muslimi] - [Sahihu i Muslimit - 2877]

Shpjegimi

Profeti ﷺ në këtë hadith i inkurajon muslimanët që të mos vdesin ndryshe, veçse duke pasur mendim të mirë ndaj Allahut, duke bërë që shpresa në mëshirën dhe faljen e Tij të mbizotërojë në momentet e fundit të jetës. Kjo, sepse frika është e nevojshme për përmirësimin e veprave, por momenti i vdekjes nuk është kohë për kryerjen e veprave. Prandaj, në këtë gjendje kërkohet që shpresa të mbizotërojë.

Mësime nga hadithi

1. Përkushtimi i fortë i Profetit ﷺ për udhëzimin e umetit të tij dhe dhembshuria e tij e thellë ndaj tyre në çdo gjendje; madje edhe në sëmundjen e tij të fundit, ai vazhdonte ta këshillonte umetin dhe ta udhëzonte drejt shkaqeve të shpëtimit.
2. Tibiu ka thënë: "Kryeni vepra të mira tani, që të keni mendim të mirë ndaj Allahut në momentin e vdekjes, sepse ata që kanë vepra të këqija, kanë mendim të keq daj Allahut në çastin e vdekjes."
3. Gjendja më e përsosur e robërve është të kenë një ekuilibër mes shpresës dhe frikës, ndërsa dashuria të mbizotërojë, sepse dashuria është si mjeti transportus (që e bart njeriun), shpresa është ajo që e udhëheqë, ndërsa frika është shtytësi. E Allahu është Ai që e çon njeriun në destinacionin e tij, përmes mirësisë dhe bujarisë së Tij.
4. Kushdo që është pranë një personi në gjendje vdekjeje, duhet ta ndihmojë atë të ketë shpresë dhe mendim të mirë ndaj Allahut, siç thotë ky hadith se Profeti ﷺ e tha këtë tri ditë para se të vdiste.