Ab Adiis: bu kenn ci yéen faatu lu dul ne dafa rafet njort ci Yàlla

عَنْ جَابِرٍ رضي الله عنه قَالَ: سَمِعْتُ النَّبِيَّ صَلَّى اللهُ عَلَيْهِ وَسَلَّمَ قَبْلَ وَفَاتِهِ بِثَلَاثٍ يَقُولُ:
«لَا يَمُوتَنَّ أَحَدُكُمْ إِلَّا وَهُوَ يُحْسِنُ بِاللهِ الظَّنَّ».
[صحيح] - [رواه مسلم] - [صحيح مسلم: 2877]

Jële nañu ci Jaabir yal na ko Yàlla dollee gërëm mu wax ne: dégg naa Yonnente bi yal na ko Yàlla dolli xéewal ak mucc njëkk muy faatu ci ñatti fan muy wax naan:
"bu kenn ci yéen faatu lu dul ne dafa rafet njort ci Yàlla".
[Wér na] - [Muslim soloo na ko] - [Téere Muslim bi gën a wér - 2877]

Leeral

Yonnente bi yal na ko Yàlla dolli xéewal ak mucc day ñaax jullit bi ci mu bañ a faatu lu dul ne dafa rafet njort ci Yàlla ci notal yaakaar Yàlla ci jamanoy sukraat, mu yaakaar ne Yàlla dana ko yërëm jéggal ko, ndaxte ragal lu ñu sàkku la ngir rafetal jëf yi, te melo woowu du melow jëf, kon li ñu sàkku ci moom mooy mu notal yaakaar gi.

Bokk na ci njariñi Adiis bi

1. Xérug Yonnente bi yal na ko Yàlla dolli xéewal ak mucc ci jubbanti xeet wi, ak tarug ñeewantam ci ñoom ci bépp anam; ba ci feebarug faatoom sax mu ngi dénk xeetam wi di leen tegtal yoonu mucc.
2. At-Tiibii nee na: rafetalleen seen jëf yi leegi ndax seen njort ci Yàlla rafet bu ngeen di dee,ndax ku jëfam ñaaw njëkk muy faatu njortam dana ñaaw buy faatu.
3. Melo wi gën ci jaam bi mooy ag yaakaaram ak ug ragalam yam, ag bëggam not; bëgg gi mooy waruwaay wi, yaakaar gi mookoy jiital, ragal gi diko wommat, Yàlla nag mooy eggale ci xéewalam ak teddngaam.
4. Jaadu na ci ki nga xam ne da fa jege kiy sukuraat muy notal fa moom ag yaakaar ak rafet njort ci Yàlla, ñëw na ci hadiis bi ne Yonnente bi yal na ko Yàlla dolli xéewal ak mucc wax na loola njëkk muy faatu ci ñatti fan.