hadiisa: Tokkoon keessan yaada isaa Rabbitti tolchu malee akka hin duune

عَنْ جَابِرٍ رضي الله عنه قَالَ: سَمِعْتُ النَّبِيَّ صَلَّى اللهُ عَلَيْهِ وَسَلَّمَ قَبْلَ وَفَاتِهِ بِثَلَاثٍ يَقُولُ:
«لَا يَمُوتَنَّ أَحَدُكُمْ إِلَّا وَهُوَ يُحْسِنُ بِاللهِ الظَّنَّ».
[صحيح] - [رواه مسلم] - [صحيح مسلم: 2877]

Jaabiir irraa akka odeeffametti, Rabbiin isa irraa haa jaallatu, akkana jedhe: Nabiyyii -nagaa fi rahmanni irra haa jiraatu- du’a isaanii dura guyyaa sadiin kan akkas jedhuun dhaga’e:
«Tokkoon keessan yaada isaa Rabbitti tolchu malee akka hin duune».
[sirrii] - [Muslimtu gabaase] - [Sahiiha muslim - 2877]

Ibsaa

Nabiyyiin -nagaa fi rahmanni irra haa jiraatu- muslimni yaada gaarii Rabbiif yoo qabaate malee akka hin duune kakaasaniiru, yeroo du’u kajeellaa Rabbi irraa qabuuf dursa kennuudhaan Rabbi akka isaaf araaramu dhiifamas akka isaaf godhu yaadu qaba; Hojii ofii bareechuuf sodaaf waan barbaachisaa waan ta'eef jecha. Haalli sun haala hojiileetii miti, kanaaf ishee keessatti barbaachisaan kajeellaan caaluudha.

bu.aa hadiisa irraa

1. Nabiyyiin -nagaa fi rahmanni irra haa jiraatu- haaluma hunda keessatti ummata isaanitiif qajeelfama kennuu fi jabeenya rifannoo isaaniif qaban irraa kan ka'een dhibee du’aa irra osoo jiranii ummata isaanii gorsuun karaa nagaa ittiin bahan irratti isaan qajeelchaa turan.
2. Xiibiin akkana jedhe: Du’a irratti yaadni Rabbiif qabdan akka toluuf amma hojii keessan bareechaa, namni hojiin isaa du'a isaa duratti bade yaadni isaa bakka du'atti badaa ta'a.
3. Irra guutuun Haala gabrichaa kajeellaa fi sodaan kan wal madaalan ta’uu dha, akkasumas jaalalli injifachuudha; Jaalalli markaba, kajeellaan duubaa kakaasaadha, sodaan immoo konkolaachisaadha, Rabbiin immoo tolaa fi arjummaa isaatin qaqqasiisaadha.
4. Nama namicha du'uuf deemu bira jiru irratti isa biratti waa'ee kajeellaa fi Rabbitti yaada gaarii qabaachuu caalchisuun isa irratti dirqama ta'a, Hadiisicha kana keessatti Nabiyyiin -nagaa fi rahmanni irra haa jiraatu- du'uu isaanitiin duratti guyyaa sadi'iin sana jechuun isaanii mirkanaa'eera.