Hədis: “Heyz səni saxladığı müddətcə gözlə, sonra yuyun”
عَنْ عَائِشَةَ أُمِّ المُؤْمِنينَ رَضي الله عنها أَنَّهَا قَالَتْ:
إِنَّ أُمَّ حَبِيبَةَ بِنْتَ جَحْشٍ الَّتِي كَانَتْ تَحْتَ عَبْدِ الرَّحْمَنِ بْنِ عَوْفٍ شَكَتْ إِلَى رَسُولِ اللهِ صلى الله عليه وسلم الدَّمَ، فَقَالَ لَهَا: «امْكُثِي قَدْرَ مَا كَانَتْ تَحْبِسُكِ حَيْضَتُكِ، ثُمَّ اغْتَسِلِي». فَكَانَتْ تَغْتَسِلُ عِنْدَ كُلِّ صَلَاةٍ.
[صحيح] - [رواه مسلم] - [صحيح مسلم: 334]
المزيــد ...
Möminlərin anası Aişədən (Allah ondan razı olsun) belə söylədiyi rəvayət edilir:
Abdurrahmən ibn Avfın zövcəsi olan Ummu Həbibə bint Cəhş qan haqqında Allah Rəsuluna (Allahın salavatı və salamı onun üzərinə olsun) şikayət etdi (bu barədə soruşdu). Allah Rəsulu (Allahın salavatı və salamı onun üzərinə olsun) isə: “Heyz səni saxladığı müddətcə gözlə, sonra yuyun” dedi. O, isə hər namaz üçün qüsl alardı.
[Səhih] - [Muslim rəvayət etdi] - [Sahihu Muslim - 334]
Qadın səhabələrdən biri Peyğəmbərə (Allahın salavatı və salamı onun üzərinə olsun) daima baş verən qanaxması olduğundan şikayət etdi. Buna görə də normal olmayan bu hal baş verməzdən əvvəl heyzin onu namazdan uzaqlaşdırdığı müddətcə namazı dayandırmağı, sonra yuyunmağı və namaz qılmağı ona əmr etdi. O qadın hər namaz üçün könüllü olaraq qüsl alardı.
Hədisin faydalarından
- İstihazə: Heyzin adətən olduğu günlərdən sonra qadından qanın gəlməsinin davam etməsidir.
- İstihazə olan qadın, istihazə olmamışdan öncə heyz olduğu günlərin sayı qədər özünü heyzli hesab etməlidir.
- Əgər adəti üzrə olan günlərinin sayı keçibsə, - istihazə qanı olsa da belə - heyzdən təmizlənmiş sayılır və heyzdən təmizləndiyi üçün qüsl alır.
- İstihazəli qadının hər namaz üçün qüsl alması vacib deyil. Çünki bu qadın sahabənin-Ummu Həbibənin (Allah ondan razı olsun) qüsl alması onun ictihadı idi və əgər bu vacib olsa idi, Allahın Rəsulu (Allahın salavatı və salamı onun üzərinə olsun) bunu ona izah edərdi.
- İstihazəli qadın hər namaz üçün dəstəmaz almalıdır. Çünki bu vəziyyət davamlıdır, dayanmır. Sidiyini saxlaya bilməyən və ya davamlı qaz çıxma kimi hədəsi daim olan kəslər də bu qadın kimidir.
- Dində müşkül olan (bilinməyən) şeyləri alimlərdən soruşmaq lazımdır. Necə ki, bu qadın sahabə Peyğəmbərə (Allahın salavatı və salamı onun üzərinə olsun) şikayət edərək, onun başına gəlmiş çoxlu qanaxma haqqında soruşdu.