فەرموودە: -نوێژ مەکە و- چاوەڕێ بکە هەتا ماوەى ئاسایی سووڕی مانگانەکەت تەواو دەبێت، پاشان خۆت بشۆ
عَنْ عَائِشَةَ أُمِّ المُؤْمِنينَ رَضي الله عنها أَنَّهَا قَالَتْ:
إِنَّ أُمَّ حَبِيبَةَ بِنْتَ جَحْشٍ الَّتِي كَانَتْ تَحْتَ عَبْدِ الرَّحْمَنِ بْنِ عَوْفٍ شَكَتْ إِلَى رَسُولِ اللهِ صلى الله عليه وسلم الدَّمَ، فَقَالَ لَهَا: «امْكُثِي قَدْرَ مَا كَانَتْ تَحْبِسُكِ حَيْضَتُكِ، ثُمَّ اغْتَسِلِي». فَكَانَتْ تَغْتَسِلُ عِنْدَ كُلِّ صَلَاةٍ.
[صحيح] - [رواه مسلم] - [صحيح مسلم: 334]
المزيــد ...
لە عائیشەوە (دایكی ئیمانداران) -ڕەزای خوای لێبێت- دەڵێت:
ئوم حەبیبەی كچی جەحش كە خێزانی عبد الرحمن كوڕی عەوف بوو؛ سكاڵای بۆ لای پێغەمبەر -صلى اللە علیە وسلم- هێنا سەبارەت بە بەردەوامی خوێن دەرچون، ئەویش -صلى اللە علیە وسلم- فەرمووی: «-نوێژ مەکە و- چاوەڕێ بکە هەتا ماوەى ئاسایی سووڕی مانگانەکەت تەواو دەبێت، پاشان خۆت بشۆ»، عائیشە دەڵێت: بۆیە بۆ هەموو نوێژێک خۆی دەشۆرد.
[صەحیحە] - [موسلیم گێڕاویەتیەوە] - [صحيح مسلم - 334]
یەكێك لە هاوەڵان لە ئافرەتان سكاڵای بۆ لای پێغەمبەر -صلى اللە علیە وسلم- هێنا سەبارەت بە خوێن دابەزینی بەردەوام لێی (ئەو خوێنەى لە پاش تەواوبوونی ماوەی سووڕی مانگانەوە دەردەچێت)، پێغەمبەر -صلى اللە علیە وسلم- فەرمانی پێكرد بەوەی نوێژ نەكات هێندەی ماوەى ئاسایی سووڕی مانگانە ؛ پێش تووشبوون بە ئەم حاڵەتە، پاشان خۆی بشوات ونوێژ بكات، بۆیە ئەویش بۆ هەموو نوێژێک خۆی دەشۆرد.
لە سوودەکانی فەرموودەکە
- ئیستیحازە: ئەو حاڵەتەیە كە خوێن لە دامێنی ئافرەت دەردەچێت لەپاش تەواوبوونی ماوەی سووڕی مانگانەی ئاسایی.
- ئەو ئافرەتەى تووشی ئیستیحازە بووە ؛ دەبێت وا دابنێت لە سووڕی مانگانەیە بە پێی ئەو ڕۆژانەى تووشی سووڕی مانگانەی ئاسایی دەبوو، پێش ئەوەى تووشی ئەم ئیستیحازەیە بێت.
- ئەگەر ڕۆژانی سووڕی مانگانەی حاڵەتی ئاسایی تێپەڕ بوو، ئەوا وا دادەنرێت کە پاکبووەتەوە لە سووڕی مانگانە -ئەگەرچیش خوێنی ئیستیحازەی لەگەڵدا بێت- بۆیە خۆی دەشوات لە سووڕی مانگانەکە، وپاکبووەتەوە لە سووڕی مانگانە.
- ئافرەتێک تووشی ئیستیحازە هاتبێت خۆشۆردنی لەسەر واجب نییە؛ خۆشۆردنی ئوم حەبیبە -ڕەزاى خواى لێبێت- بە ئیجتیهادی خۆی بوو، ئەگەر واجب بووایە ئەوا پێغەمبەری خودا -صلى اللە علیە وسلم- بۆی ڕوونی دەکردەوە.
- ئەو ئافرەتەى تووشی ئیستیحازە بووە دەبێت بۆ هەموو نوێژێک دەستنوێژ نوێ بکاتەوە؛ چونکە ئەمە بەردەوامە وناپچڕێت، وبەهەمان شێوەیە ئەگەر کەسێک تووشی شتێکی بەردەوام بێت وەکو میزە چرکێ وبا دەرچوون بە بەردەوامی.
- گرنگی پرسیارکردن لە زانایانی شەریعەت لەو شتانەى مرۆڤ لێی تێناگات وپرسیارە لای لە بابەتەکانى ئاین، چونکە ئەم ئافرەتە هات بۆ لای پێغەمبەر -صلى اللە علیە وسلم- وپرسیاری ئەم خوێنە زۆرەى کرد کە تووشی بووە.
پۆلێنکردنەکان
زیاتر
- فەرموودە: فاتیمەی کچی ئەبی حوبەیش پرسیاری لە پێغەمبەر -صلى اللە علیە وسلم- کرد، و ووتی: تووشی حەیز (سووڕی مانگانە) دەبم لە جگە لە کاتی عادەتی ئاسایی خۆم، ئایا واز لە نوێژ کردن بهێنم؟ فەرمووی: نەخێر، ئەوە تەنها دەمارێکە خوێنی لێوە دەردەچێت، بەڵام بە گوێرەی ڕۆژەکانی عادەتت واز لە نوێژکردن بهێنە، وپاشان خۆت بشۆ ونوێژ بکە
- فەرموودە: هەرکەسێک بە ستەم بستێک زەوی داگیر بکات؛ ملی تەوق دەکرێت بە حەوت چینی ناخی زەویدا
- فەرموودە: دەستوورمان وابوو لە پاش پاکبوونەوە لە بێنوێژی: لێڵاو وزەرداومان بە هیچ دانەدەنا
- فەرموودە: ئوم حەبیبە بۆ ماوەى حەوت ساڵ تووشی ئیستیحازە بوو، وسەبارەت بەمە پرسیاری لە پێغەمبەر -صلى اللە علیە وسلم- کرد؟ ئەویش فەرمانی پێیکرد کە خۆی بشوات
- فەرموودە: بۆچی ئافرەتی حەیزدار ڕۆژوو دەگرێتەوە، بەڵام نوێژە فەوتاوەکان ئەنجام ناداتەوە؟ ئەویش ووتی: ئایا تۆ حەروریت؟ ووتی: من حەروری نیم، بەڵام پرسیار دەکەم، لە وەڵامدا ووتی: تووشی ئەوە دەبووین، بۆیە فەرمانمان پێدەکرا کە ڕۆژوو بگرینەوە، بەڵام فەرمانمان پێنەدەکرا کە نوێژ فەوتاوەکان ئەنجام بدەینەوە
- فەرموودە: پێغەمبەری خودا -صلى اللە علیە وسلم- لە باوەشم پاڵی دەدایەوە، وقورئانی دەخوێند لەکاتێکدا حەیزدار بووم
- فەرموودە: دەیکڕێنیت، پاشان بەدەستت لەگەڵ ئاوەکە دەیشۆیت، وئاوی پێدا دەکەیت، ونوێژی پێوە دەکەیت