فەرموودە: فاتیمەی کچی ئەبی حوبەیش پرسیاری لە پێغەمبەر -صلى اللە علیە وسلم- کرد، و ووتی: تووشی حەیز (سووڕی مانگانە) دەبم لە جگە لە کاتی عادەتی ئاسایی خۆم، ئایا واز لە نوێژ کردن بهێنم؟ فەرمووی: نەخێر، ئەوە تەنها دەمارێکە خوێنی لێوە دەردەچێت، بەڵام بە گوێرەی ڕۆژەکانی عادەتت واز لە نوێژکردن بهێنە، وپاشان خۆت بشۆ ونوێژ بکە

عن عائشة رضي الله عنها : ((أَنَّ فَاطِمَةَ بِنْتَ أَبِي حُبَيْشٍ: سَأَلَتِ النَّبِيَّ صلى الله عليه وسلم فَقَالَتْ: إنِّي أُسْتَحَاضُ فَلا أَطْهُرُ، أَفَأَدَعُ الصَّلاةَ؟ قَالَ: لا، إنَّ ذَلِكَ عِرْقٌ، وَلَكِنْ دَعِي الصَّلاةَ قَدْرَ الأَيَّامِ الَّتِي كُنْتِ تَحِيضِينَ فِيهَا، ثُمَّ اغْتَسِلِي وَصَلِّي)). وَفِي رِوَايَةٍ ((وَلَيْسَت بِالحَيضَة، فَإِذَا أَقْبَلَت الحَيْضَة: فَاتْرُكِي الصَّلاة فِيهَا، فَإِذَا ذَهَبَ قَدْرُهَا فَاغْسِلِي عَنْك الدَّمَ وَصَلِّي)).
[صحيح] - [متفق عليه]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

عائیشە -ڕەزای خوای لێبێت- دەڵێت: «فاتیمەی کچی ئەبی حوبەیش پرسیاری لە پێغەمبەر -صلى اللە علیە وسلم- کرد، و ووتی: تووشی حەیز (سووڕی مانگانە) دەبم لە جگە لە کاتی عادەتی ئاسایی خۆم، ئایا واز لە نوێژ کردن بهێنم؟ پێغەمبەر -صلى اللە علیە وسلم- فەرمووی: «نەخێر، ئەوە تەنها دەمارێکە خوێنی لێوە دەردەچێت، بەڵام بە گوێرەی ڕۆژەکانی عادەتت واز لە نوێژکردن بهێنە، وپاشان خۆت بشۆ ونوێژ بکە». ولە ریوایەتێکی تردا، پێغەمبەر -صلى اللە علیە وسلم- پێی فەرموو: «ئەوە حەیز (سووڕی مانگانە) نییە، ئەگەر تووشی حەیز بوویت ئەوا واز لە نوێژکردن بهێنە، ئەگەر ماوەی دیاریکراوی ئەو عادەیە تەواو بوو ئەوا لاشەت بشۆ لە خوێنەکە ونوێژ بکە».
صەحیحە - بوخاری و موسلیم هاوڕان لەسەری

شیکردنەوە

فاتیمەی کچی ئەبی حوبەیش -ڕەزای خوای لێبێت- باسی ئەوە دەکات بۆ پێغەمبەر -صلى اللە علیە وسلم- کە لە پاش سووڕی مانگانە تووشی خوێنێک دەبێت (دم الإستحاضة)، وخوێنەکە نابڕێتەوە، پرسیاری کرد ئایا بە هۆی ئەوەوە واز لە نوێژکردن بهێنێت؟ پێغەمبەر -صلى اللە علیە وسلم- پێی فەرموو: واز لە نوێژکردن مەهێنە؛ چونکە ئەو خوێنەی بەهۆیەوە واز لە نوێژکردن دەهێندرێت تەنها خوێنی حەیزە (خوێنی سووڕی مانگانەیە). وئەم خوێنەی کە تووشت دەبێت خوێنی سووڕی مانگانە نییە، بەڵکو خوێنی دەمارێکە کە لێوەی دەردەچێت. ئەگەر مەسەلەکە بەو شێوەیە بێت کە باستکرد کە خوێن دەربچێت لە کاتی سووڕی مانگانە ولە پاش سووڕی مانگانەش، ئەوا تەنها لە ماوەی سووڕی مانگانە واز لە نوێژکردن بهێنە کە ئەویش دیاریکراوە بە چەند ڕۆژێک. ئەگەر ماوەی سووڕی مانگانە تەواو بوو، ئەوا خۆت بشۆ وخوێنەکە بشۆ وپاشان نوێژ بکە، ئەگەر ئەو جۆرە خوێنەی (الإستحاضة)یش بەردەوام بێت بەڵام دەبێت بۆ هەموو نوێژێک تارات بکات وئەو شوێنە پاک بکاتەوە ودەستنوێژ بگرێت.