فەرموودە: ئهڤه ڕهههكه، بهلكی تو ب قهدهر وان ڕۆژێن ته بهری نوكه ب دهمێ زڤڕۆكا ههیڤانه (حهیز) دگرتن نڤێژێ بهێله، پاشی سهرێ خۆ بشۆ و نڤێژا خۆ بكه))
عَنْ عَائِشَةَ أُمِّ المؤمنين رضي الله عنها أَنَّ فَاطِمَةَ بِنْتَ أَبِي حُبَيْشٍ سَأَلَتِ النَّبِيَّ صَلَّى اللهُ عَلَيْهِ وَسَلَّمَ قَالَتْ:
إِنِّي أُسْتَحَاضُ فَلاَ أَطْهُرُ، أَفَأَدَعُ الصَّلاَةَ؟ فَقَالَ: «لَا، إِنَّ ذَلِكِ عِرْقٌ، وَلَكِنْ دَعِي الصَّلاَةَ قَدْرَ الأَيَّامِ الَّتِي كُنْتِ تَحِيضِينَ فِيهَا، ثُمَّ اغْتَسِلِي وَصَلِّي».
[صحيح] - [متفق عليه] - [صحيح البخاري: 325]
المزيــد ...
عائیشایا دایكا باوهرداران (خودێ ژێ ڕازی بیت) دبێژیت: فاتیمایا كچا ئهبو حوبهیشی پرسیار ژ پێغهمبهری (صهلات و سهلامێن خودێ ل سهر بن) كر و گۆت:
ئهز تووشی زڤڕۆكا ههیڤانه دبم و ئهز پاقژ نابم (خوینا من ڕاناوهستیت)، ئهرێ ئهز نڤێژێ بهێلم؟ گۆت: ((نهخێر، ئهڤه ڕهههكه، بهلكی تو ب قهدهر وان ڕۆژێن ته بهری نوكه ب دهمێ زڤڕۆكا ههیڤانه (حهیز) دگرتن نڤێژێ بهێله، پاشی سهرێ خۆ بشۆ و نڤێژا خۆ بكه)).
[صحيح] - [متفق عليه] - [صحيح البخاري - 325]
فاتیمایا كچا ئهبو حوبهیشی پرسیار ژ پێغهمبهری (صهلات و سهلامێن خودێ ل سهر بن) كر و گۆت: خوینا من ڕاناوهستیت ههتا د غهیری وهختێ زڤڕۆكا ههیڤانه ژیدا، ئهرێ حوكمێ وێ وهكی حوكمێ زڤڕۆكا ههیڤانهیه دا ئهز نڤێژێ بهێلم؟ پێغهمبهری (صهلات و سهلامێن خودێ ل سهر بن) گۆتێ: ئهو خوینا ئیستیحازێیه، و خوینهكا نهخۆشییه ژ پهقین و پڕچیانا ڕهههكێ د ناڤ ڕهحمیدا پهیدا دبیت و نه خوینا زڤڕۆكا ههیڤانهیه. ڤێجا ئهگهر دهمێ زڤڕۆكا ته یا ههیڤانه هات یا تو بهری نوكه پێ فێربووی و ته تێدا زڤڕۆكا ههیڤا دگرت، بهری تو تووشی خوینا ئیستیحازێ ببی، د وى دهمیدا تو نڤێژ و ڕۆژییان و ئهو تشتێن ل سهر وێ ژنا دكهڤیته د زڤڕۆكا ههیڤانهدا د حهرامن ئهنجام نهده. ههر گاڤا ئهو دهمه ب دویماهیك هات، ئهڤه تو ژ زڤڕۆكا ههیڤانه پاقژ بووی، ڤێجا جهێ خوینێ پاقژ بكه و پاشی ههمی لهشێ خۆ ب تهمامی بشۆ بۆ پاقژبوونا ژ بێدهستنڤێژییا مهزن و پاشی نڤێژا خۆ بكه.
لە سوودەکانی فەرموودەکە
- فهربوونا خۆشویشتنێ (غوسلێ) ل سهر ژنێ، دهمێ ڕۆژێن زڤڕۆكا وێ یا ههیڤانه ب دویماهیك دهێن.
- فهربوونا نڤێژێ ل سهر وێ ژنا تووشی خوینا (ئیستیحازێ) بووی.
- حهیز: خوینهكا سرۆشتییه، ڕهحم ب ڕێكا عهورهتێ ژنێن بالغ دهنێریت و د هندهك ڕۆژێن دیاركریدا تووشی وێ دبیت.
- ئیستیحازە: هاتنا خوینێیە د دەمەکێ نەدیاردا (نە د دەمێ خوینا هەیڤانە یان یا زارۆکبوونێدا)، کو ژ جهەکێ نێزیکی ڕەحمی دهێت نەکو ژ بنێ ڕەحمی.
- جوداهی د ناڤبهرا خوینا زڤڕۆكا ههیڤانه (حهیزێ) و خوینا ئیستیحازێدا: خوینا زڤڕۆكا ههیڤانه خوینهكا ڕهش و تیره و بێهنهكا پیس ژێ دهێت، بهلێ خوینا ئیستیحازێ خوینهكا سۆر و رونه و بێهنا پیس ژێ ناهێت.