حدیث: څوک چې زما څخه نورو ته یو حدیث بیانوي او داسې معلومېږي چې هغه دروغ دی، نو هغه انسان له درواغجنو څخه یو دی
عَنْ سَمُرَةَ بْنِ جُنْدَبٍ وَالْمُغِيرَةِ بْنِ شُعْبَةَ رضي الله عنهما قَالَا: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«مَنْ حَدَّثَ عَنِّي بِحَدِيثٍ يُرَى أَنَّهُ كَذِبٌ، فَهُوَ أَحَدُ الْكَاذِبِينَ».
[صحيح] - [رواه مسلم في مقدمته]
المزيــد ...
له سمرة بن جندب او مغیرة بن شعبة رضي الله عنهما څخه روایت دی، دوی دواړه وایي چې رسول الله صلی الله علیه وسلم فرمایلي:
«څوک چې زما څخه نورو ته یو حدیث بیانوي او داسې معلومېږي چې هغه دروغ دی، نو هغه انسان له درواغجنو څخه یو دی».
[صحيح دی] - [مسلم په خپلې مقدمې کې روایت کړی دی] - [صحيح مسلم]
رسول الله صلی الله علیه وسلم خبر ورکوي چې څوک له هغه څخه یو حدیث نقلوي او هغه پدې پوهیږي، یا ګمان کوي او یا یې غالب ګمان دا وي چې دا په رسول الله صلی الله علیه وسلم دروغ دي؛ نو څوک یې چې روایتوي د هغه چا سره په درواغو کې شریک دی چې لومړی یې پدې حدیث پیل کړی دی.
د حديث له ګټو څخه
- له رسول الله صلى الله عليه وسلم څخه د روایت شوو حدیثونو پر تاييد ټینګار، او له روايتولو څخه مخکې ترې ځان ډاډمنول.
- د درواغو د صفت اطلاق پر هر هغه چا کیږي چې دروغ یې جوړ کړي وي او پر هغه چا چې د خلکو تر منځه یې وړي راوړي او خپروي.
- د موضوعي حدیث روایتول د هغه چا لپاره حرام دي چې پوه شي دا حدیث موضوعي دی او یا یې غالب ګمان دا وي چې موضوعي دی، خو که دا کار له موضوعي حدیث څخه د یرولو په خاطر وي نو باک نه کوي.
ډلبندیانې
نور
- حدیث: آیا تاسو له تر ټولو غټو ګناهونو خبر نه کړم؟
- حدیث: له اوو هلاکوونکو ګناهونو څخه ځان وساتئ، دوی وويل: يا رسول الله هغه کوم دي؟ هغه وفرمايل: له الله سره شرک كول، جادوګري، د هغه نفس وژل چې له حق پرته یې الله وژل حرام كړي دي، سود خوړل، د يتيم مال خوړل، - په جهاد کې - د جنګ له میدان څخه شاتګ، او پر پاکو، بې خبره او مؤمنو بیبیانو د زنا تور پورې کول.
- حدیث: پنځه ګوني لمونځونه، یوه جمعه تر بلې او یو رمضان تر بل پورې هغه ګناهونه بخښي چې د دوی تر منځه شوي وي پدې شرط چې له کبیره ګناهونو ځان وساتل شي.
- حدیث: له ماڅخه یې خلکو ته ورسوئ اګر که یو آیت هم وي، او له بني اسرائیلو حکایت وکړئ پدې کې کوم حرج نشته، او څوک چې په قصدي توګه پر ما دروغ ووايي، هغه دې په اور کې د ځان لپاره ځاى ونیسي.
- حدیث: ځینې خلک د الله په مال کې په ناحقه ناوړه لګښت کوي، نو د قیامت په ورځ د دوی لپاره اور (دوزخ) دی.
- حدیث: له ګمان څخه ځان وساتئ، ځکه ګمان تر ټولو دروغجنه وینا ده.
- حدیث: مړو ته ښکنځل مه کوئ؛ ځکه هغوی هغه څه ته وروسېدل چې وړاندې یې لیږلې و.