Hadiis: Roapã soaf-rãmbã sẽn yɩɩd sõmblem yaa b rẽenemẽ wã, la pagbã soaf-rãmb sẽn yɩɩd sõmblem yaa b baasgẽ wã

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«خَيْرُ صُفُوفِ الرِّجَالِ أَوَّلُهَا، وَشَرُّهَا آخِرُهَا، وَخَيْرُ صُفُوفِ النِّسَاءِ آخِرُهَا، وَشَرُّهَا أَوَّلُهَا».
[صحيح] - [رواه مسلم] - [صحيح مسلم: 440]

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋmã yeelame (Wẽnd pʋʋsg la A tɩlgr be a yĩnga):
«Roapã soaf-rãmbã sẽn yɩɩd sõmblem yaa b rẽenemẽ wã, la pagbã soaf-rãmb sẽn yɩɩd sõmblem yaa b baasgẽ wã»
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 440]

bilgrã

Nabiyaamã kõo kibare (Wẽnd pʋʋsg la A tɩlgr be a yĩnga) tɩ roapã soaf-rãmbã sẽn yɩɩd sõmblem Pʋʋsgẽ wã, la b yel-sõmd sẽn yɩɩde la yɩɩdlem, yaa b rẽenemẽ wã; b sẽn pẽ limaamã yĩnga, la b sẽn wʋmd a karengã, la b sẽn zãr ne pagbã yĩngã, la b (roapã) sẽn yɩɩd wẽnga, la yel-sõmd la yɩɩdlem sẽn yaa bilfu, la sẽn zãr n yɩɩd ne sãri wã baoobo, yaa b yaaolem soafã, La pagbã ruls sẽn yɩɩd sõmblem, yaa b yaoolemã; bala b yaa ludb ne bãmbã, n leb n zãr n yɩɩd ne roapã la b yãabo la b zarbgo, la b sẽn yɩɩd wẽnga yaa b rẽenemã, b sẽn pẽ rapã n leb n kẽesd fitnã wã yĩnga.

Sẽn be Hɑdiisã yõod-rãmbẽ

1. Yaa rapã pirsg tɩ b reng taab n tʋg tũudumẽ wã, la n tʋg ruls (saf) rẽenesẽ wã Pʋʋsgã pʋgẽ.
2. Wilgdame tɩ sakdame tɩ pagbã naag rapã n pʋʋs miisrã pʋga, ruls toor zall pʋgẽ, la yaa sẽn lagem ne ludb la fut yeelg sõma.
3. Pagbã sã n naag taab miisr pʋgẽ, b maanda wala rapã rulsi, b ka welgd b taab ye, pʋs n roga ne bãmba tɩ b gũus rulsã la yẽd vɩtã, wala sẽn be rapã rulsẽ wã.
4. Wilgda lɩslaangã dĩinã sẽn ning a toaag ne pagbã na zãag ne rapã, baa tɩ yaa tũudumã zĩisẽ.
5. Nebã yɩɩg taabã zemsda ne b tʋʋmã.
6. An-Nawawy yeelame: sã n yaa ne raoapã rulsã, b sẽn tigim taaba, b sõmblem sẽn yɩɩd yaa b rẽenbem rãmbã bada, la b wẽng sẽn tʋg n yɩɩd yaa b yaoolem-rãmbã bada, la sã n yaa ne pagbã rulsi b sẽn rat hadiisã pʋgẽ wã: yaa pagbã ruls nins sẽn pʋʋsd n lagem ne rapã, la sã n mikame tɩ b pʋʋsame n welg b mensã, n ka naag ne rapã, rẽnd bãmb me yɩta wala rapã, tɩ b sõmblem sẽn yɩɩda yaa b rẽenemã, la b wẽng sẽn yɩɩda yaa b yaoolemã.
7. A An-Nawawy yeelame: rẽenem ruls nins b sẽn pẽg hadiisã pʋgẽ la b pirs nebã a zugã, yẽnda yaa rulg ning sẽn pʋgda limaamã; zem t'a soabã waa pĩnda maa yaoolem, zem tɩ lals n kẽ a sʋka maa ka kẽ.