Hadiis: Tɩ ad Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) a yãa ned sẽn pʋʋs a yembre, safã (rulgã) poorẽ, t'a sagl-a t'a lebg n yɩlm a Pʋʋsgã

عَنْ وَابِصَةَ رضي الله عنه:
أَنَّ رَسُولَ اللهِ صَلَّى اللهُ عَلَيْهِ وَسَلَّمَ رَأَى رَجُلًا صَلَّى وَحْدَهُ خَلْفَ الصَّفِّ، فَأَمَرَهُ أَنْ يُعِيدَ صَلَاتَهُ.
[حسن] - [رواه أبو داود والترمذي وابن ماجه وأحمد] - [مسند أحمد: 18000]

Yii a Waabiṣah nengẽ (Wẽnd yard be a yĩnga):
Tɩ ad Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) a yãa ned sẽn pʋʋs a yembre, safã (rulgã) poorẽ, t'a sagl-a t'a lebg n yɩlm a Pʋʋsgã.
[Hasanʋn (be neere)] - [A Abʋʋ Daawʋʋd la a At-tirmiiziy la a ɭbn Maaǧa la a Ahmad n togs-a] - [Musnad Ahmad - 18000]

bilgrã

Nabiyaamã (Wẽnd pʋʋsg la A tɩlgr be a yĩngɑ) yãa ned sẽn pʋʋs a yembr safã poorẽ, t'a yεεl-a t'a lebg n yɩlm a Pʋʋsgã, bala a Pʋʋsgã ka maneg halhaal-kãng pʋgẽ ye.

Sẽn be Hɑdiisã yõod-rãmbẽ

1. Hadiisã pirsdame tɩ b yãg n tʋg n paam zamã wã Pʋʋsgo, la lʋɩ taoor safã, la b ra pʋʋs saf-rãmbã poorẽ yembr ye, sẽn na yɩl n ra wa sãam a Pʋʋsgã.
2. A ɭbn Hagar yeelame (Wẽnd na yols-a): ned sã n sɩng Pʋʋsg t'a yaa a yembre, saf-rãmbã poorẽ, rẽ poorẽ t'a kẽ safã pʋgẽ, taoor t'a na n ka roog rukuuẽ wã, ka tɩlae ne-a t'a yɩlm Pʋʋsg ye, wala sẽn be a Abɩɩ Bakrah hadiisã sẽn gom n gũbgã, sã n ka rẽ yaa tɩlae ne-a t'a yɩlme.