Hadiis: Yãmb sã n na n pʋʋse, bɩ y tẽeg y saf-rãmbã tɩrga, rẽ poorẽ bɩ y yãk y ned tɩ yɩ limaam, a sã n yeele: Allaahʋ Akbarʋ

عَنْ ‌حِطَّانَ بْنِ عَبْدِ اللهِ الرَّقَاشِيِّ قَالَ: صَلَّيْتُ مَعَ ‌أَبِي مُوسَى الْأَشْعَرِيِّ صَلَاةً، فَلَمَّا كَانَ عِنْدَ الْقَعْدَةِ قَالَ رَجُلٌ مِنَ الْقَوْمِ: أُقِرَّتِ الصَّلَاةُ بِالْبِرِّ وَالزَّكَاةِ، قَالَ: فَلَمَّا قَضَى أَبُو مُوسَى الصَّلَاةَ وَسَلَّمَ انْصَرَفَ فَقَالَ: أَيُّكُمُ الْقَائِلُ كَلِمَةَ كَذَا وَكَذَا؟ قَالَ: فَأَرَمَّ الْقَوْمُ، ثُمَّ قَالَ: أَيُّكُمُ الْقَائِلُ كَلِمَةَ كَذَا وَكَذَا؟ فَأَرَمَّ الْقَوْمُ، فَقَالَ: لَعَلَّكَ يَا حِطَّانُ قُلْتَهَا؟ قَالَ: مَا قُلْتُهَا، وَلَقَدْ رَهِبْتُ أَنْ تَبْكَعَنِي بِهَا، فَقَالَ رَجُلٌ مِنَ الْقَوْمِ: أَنَا قُلْتُهَا، وَلَمْ أُرِدْ بِهَا إِلَّا الْخَيْرَ، فَقَالَ أَبُو مُوسَى: أَمَا تَعْلَمُونَ كَيْفَ تَقُولُونَ فِي صَلَاتِكُمْ؟ إِنَّ رَسُولَ اللهِ صَلَّى اللهُ عَلَيْهِ وَسَلَّمَ خَطَبَنَا فَبَيَّنَ لَنَا سُنَّتَنَا وَعَلَّمَنَا صَلَاتَنَا، فَقَالَ:
«إِذَا صَلَّيْتُمْ فَأَقِيمُوا صُفُوفَكُمْ، ثُمَّ لِيَؤُمَّكُمْ أَحَدُكُمْ فَإِذَا كَبَّرَ فَكَبِّرُوا، وَإِذْ قَالَ: {غَيْرِ الْمَغْضُوبِ عَلَيْهِمْ وَلا الضَّالِّينَ} [الفاتحة: 7]، فَقُولُوا: آمِينَ، يُجِبْكُمُ اللهُ، فَإِذَا كَبَّرَ وَرَكَعَ فَكَبِّرُوا وَارْكَعُوا، فَإِنَّ الْإِمَامَ يَرْكَعُ قَبْلَكُمْ، وَيَرْفَعُ قَبْلَكُمْ»، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «فَتِلْكَ بِتِلْكَ، وَإِذَا قَالَ: سَمِعَ اللهُ لِمَنْ حَمِدَهُ، فَقُولُوا: اللَّهُمَّ رَبَّنَا لَكَ الْحَمْدُ، يَسْمَعِ اللهُ لَكُمْ، فَإِنَّ اللهَ تَبَارَكَ وَتَعَالَى قَالَ عَلَى لِسَانِ نَبِيِّهِ صَلَّى اللهُ عَلَيْهِ وَسَلَّمَ: سَمِعَ اللهُ لِمَنْ حَمِدَهُ، وَإِذَا كَبَّرَ وَسَجَدَ فَكَبِّرُوا وَاسْجُدُوا، فَإِنَّ الْإِمَامَ يَسْجُدُ قَبْلَكُمْ وَيَرْفَعُ قَبْلَكُمْ»، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «فَتِلْكَ بِتِلْكَ، وَإِذَا كَانَ عِنْدَ الْقَعْدَةِ فَلْيَكُنْ مِنْ أَوَّلِ قَوْلِ أَحَدِكُمُ: التَّحِيَّاتُ الطَّيِّبَاتُ الصَّلَوَاتُ لِلهِ، السَّلَامُ عَلَيْكَ أَيُّهَا النَّبِيُّ وَرَحْمَةُ اللهِ وَبَرَكَاتُهُ، السَّلَامُ عَلَيْنَا وَعَلَى عِبَادِ اللهِ الصَّالِحِينَ، أَشْهَدُ أَنْ لَا إِلَهَ إِلَّا اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ».
[صحيح] - [رواه مسلم] - [صحيح مسلم: 404]

Yii a Hɩttaan ɭbn Abdʋllaah Arraƙaasy nengẽ, a yeelame: mam pʋʋsɑ ne a Abʋʋ Muusa Al-as'ary Pʋʋsg ninga, lɑ a sẽn wa n be zĩndigã zĩigẽ wã, n na n maan sahdã, la ned sẽn zĩnd nebã sʋka n yeele: " b tõka Pʋʋsgã ne manegr la Zaka Alkʋrãanã pʋgẽ". La a Abʋʋ Muusa sẽn wa n sε Pʋʋsgã n ning sallemã, a wẽnegame n yeele: " yaa ãna la sẽn yeel gomdã woto la woto wã?" Tɩ nebã sĩnda. T'a leb n yeele: " yaa ãna la sẽn yeel gomdã woto la woto wã?" Tɩ nebã le sĩndi. T'a Abʋʋ Muusa yeele: " Tõeeme tɩ yaa foom la sẽn yeelã Hɩttaane". T'a Hɩttaan yeele:" mam ka yεεl-a ye, la mam ra yεεsdame tɩ fo na n rɩk-a lame n rolg maam". Tɩ ned zĩnd nebã sʋk n yeele:" yaa maam la sẽn yeel-a wã, la mam rag n ka rate rẽnda neer bala". T'a Abʋʋ Muusa yeele: "Yãmb ka mi bũmb ning yãmb sẽn yet Pʋʋsgã pʋgẽ laa? Ad Wẽnd Tẽn-tʋʋmã -Wẽnd pʋʋsg la A tɩlgr be a yĩnga- a goma ne tõndo, n vẽneg tõnd d na-kẽndrã n kõ-da la a wilg tõnd d Pʋʋsgã, n yeele:
" Yãmb sã n na n pʋʋse, bɩ y tẽeg y saf-rãmbã tɩrga, rẽ poorẽ bɩ y yãk y ned tɩ yɩ limaam, a sã n yeele: Allaahʋ Akbarʋ" bɩ yãmb me yeele: " Allahʋ akbarʋ". A sã n yeele: {Sɩrɑɑtɑll-lɑzɩɩnɑ an-amtɑ alɑyhim gɑyril-mɑgdʋʋbi alɑyhim wɑlɑ-ddoɑɑllɩɩn (lɑ pɑ Nɑsɑr-dãmbɑ lɑ Yɑhuud-rãmbɑ sor ye)} [Sʋʋratʋ Al-faaatɩha : 7], bɩ y yeel: "Aamiina". Tɩ Wẽnd reegda y yĩnga. A sã n yeele Allaahʋ Akbarʋ n maan Ruku, bɩ yãmb me yeel Allaah akbarʋ n maan Ruku wã. Bala limaaamã a rengda yãmb n zõondẽ, la a leb n reng yãmb n rooge, tɩ Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeele: rẽnd wãnde yaa wa wãnde". la a sã n yeele: «Samiʿa Allah lɩman hamɩdah», bɩ y yeele: " Allahumma Rabbanaa wa lakal-hamdʋ, tɩ Wẽnd wʋmda y yĩnga. Bala Wẽnde, A Naam yɩlgame n zẽke, A yeelame, sẽn tũ ne A Nabiyaamã zelemde, -Wẽnd pʋʋsg la A tɩlgr be a yĩnga-: «Samiʿa Allah lɩman hamɩdah» (Wẽnd wʋma ned ning sẽn pẽg-A, la a sã yeel Allaahʋ Akbarʋ n maan Suguudu, bɩ yãmb me yeel Allaahʋ akbarʋ n maan Suguudu, bala limaamã a rengda yãmb n sulgi la a reng yãmb n rooge, tɩ Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeele: " rẽnd zĩ-kãngã maanegã yãmb me maanda maaan-kãngã", la a sã n be zĩndigẽ wã bɩ yãmb rẽenem koεεg yɩ: Attahɩ yaatʋ, aṭṭaybaatʋ, aṣṣalawaatʋ lillaahʋ, Assalaamu Alayka Ayyʋhannabiyyʋ wa rahmatʋllaah wabarakaatʋhʋʋ, Assalaamʋ ʿAlaynaa, wa ʿalaa ʿɩbaadɩllaah Aṣṣaalɩhɩɩna, Ašhadʋ an laa'ɩlaaha ɩllallaah, wa Ašhadʋ Anna Mohammadan ʿAbdʋhʋʋ Warasʋʋlʋhʋʋ, (m maanda kaseto tɩ soab sẽn na n tũ n tɩlg ka be tɩ sã n ka Wẽnde, la m maanda kaset t'a Mohammad yaa Wẽnd yɑmbɑ lɑ A Tẽn-tʋʋma)".
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 404]

bilgrã

Sahaabga a Abʋʋ Muusa Al-as'ary -Wẽnd yard be a yĩnga- a pʋʋsa Pʋʋsg ninga, a sẽn wa n be zĩndigã zĩigẽ wã ,b sẽn maandẽ sahdã, la ned sẽn zĩnd poorẽ wã n yeele: "b tõka Pʋʋsgã ne manegr la Zak Alkʋrãanã pʋgẽ". La a Abʋʋ Muusa sẽn wa n sε Pʋʋsgã, a togl pʋʋsbã n sok-ba: " yaa ãna la sẽn yeel tɩ b tõka Pʋʋsgã ne manegr la Zak Alkʋrãanã pʋgẽ wã؟! Tɩ nebã sĩnda, ned baa a yembr ka gom ye, t'a leb n yɩlem sokrã, rẽnd ned baa a yembr sẽn ka loekã, la a Abʋʋ Muusa sẽn yeele: " Tõeeme tɩ yaa foom la sẽn yeelã a Hɩttaane". Bala a yaa a pẽt-n-taaga la a tõk-n-taaga, rẽnd a Abʋʋ Muusa rõdb pa namsd-a ye, la yaa sẽn na yɩl tɩ ned ning sẽn maanã hakɩɩkã sak n reeg a zugẽ tɩ yaa yẽ, rẽnd a Hɩttaan kɩɩsame t'a ka yeel ye, la a yeele: " la mam ra yεεsdame tɩ fo na n sãbsa maam n tẽed tɩ yaa maam n yeele. Tɩ ned zĩnd nebã sʋk n yeele:" yaa maam la sẽn yeel-a wã, la mam rag n ka rate rẽnda neer bala". T'a Abʋʋ Muusa yeele, n na n wilg-ba: "Yãmb ka mi bũmb ning yãmb sẽn yet Pʋʋsgã pʋgẽ laa?" Wãnde yaa b halhaalã kɩɩsgo, n neẽ tɩ woto rag n ka sõmb n yɩ ye, rẽ poorẽ t'a Muusa togs-ba tɩ Nabiyaamã -Wẽnd pʋʋsg la A tɩlgr be a yĩnga- a goma ne bãmbã raar a yembre, n vẽneg n wilg bãmbã b sãri wã la a karem bãmbã b Pʋʋsgã sẽn yet to-to, n yeele, Wẽnd pʋʋsg la A tɩlgr be a yĩnga:
"Yãmb sã n na n pʋʋse, bɩ y tẽeg y saf-rãmbã tɩrga, rẽ poorẽ bɩ ned zĩnd yãmb sʋkã n pʋʋs-ya, rẽnd limaamã sã n yeele: Allaahʋ Akbarʋ, ningɑ sẽn kẽed Pʋʋsgã ne-ɑ wã" , bɩ yãmb me yeele: " Allahʋ akbarʋ" wala a sẽn yetã. A sã n karem Alhamdã n wa tãag: {Gɑyril-mɑgdʋʋbi alɑyhim wɑlɑ-ddoɑɑllɩɩn} [Sʋʋratʋ Al-faaatɩha : 7], bɩ y yeel: "Aamiin". rẽnd yãmb sã n maan woto, Wẽnd reegda y kosgã la y tũudmã. A sã n yeele Allaahʋ Akbarʋ n maan Ruku, yãmb me yeel Allaah akbarʋ n maan Ruku wã. Bala limaaamã a rengda yãmb n zõonde, la a leb n reng yãmb n rooge, bɩ y ra yãg ye, bala wakat ning limmamã sẽn reng yãmb n maan Ruku wã, yɑoogdɑ yãmbɑ tɩ y pɑɑm n yaoolg Ruuku wã, a sẽn roogã poorẽ bilfu, rẽnd reng-kãngɑ rolb lɑ yɑool-kãngã, tɩ yãmb Ruku wã woglem lebg wala yẽ Ruku wã woglem. La limaamã sã n yeele: «Samiʿa Allah lɩman hamɩdah», bɩ y yeele: "Allahumma Rabbanaa wa lakal-hamdʋ". Rẽnd pʋʋsdbã sã n yeel woto, ad Wẽnde, A Naam yɩlgame, A wʋmda b kosgã la b koεεgã. Bala Wẽnde, A Naam yɩlgame n zẽke, A yeelame, sẽn tũ ne A Nabiyaamã zelemde: «Samiʿa Allah lɩman hamɩdah» (Wẽnd wʋma ned ning sẽn pẽg-A, la limaamã sã n yeel Allaahʋ Akbarʋ n maan Suguudu, bɩ sẽn be-b poorẽ wã me yeel Allaahʋ akbarʋ n maan Suguudu, bala limaamã a rengda bãmb n sulgi la a reng bãmb n rooge, rẽnd zĩ-kãngã maanegã bãmb me maanda maaan-kãngã, tɩ limaamã suguudã woglemã me yɩ wala maa'muun-rãmbã suguudã woglem, rẽnd a sã n wa be zĩndigẽ wã, n na n maan sahdã, bɩ pʋʋsdã rẽenem koεεg yɩ: Attahɩ yaatʋ, aṭṭaybaatʋ, aṣṣalawaatʋ lillaahɩ, Assalaamu Alayka Ayyʋhannabiiyʋ wa rahmatʋllaah wabarakaatʋhʋʋ, Assalaamʋ ʿAlaynaa, wa ʿalaa ʿɩbaadɩllaah Aṣṣaalɩhɩɩna, Ašhadʋ an laa'ɩlaaha ɩllallaah, wa Ašhadʋ Anna Mohammadan ʿAbdʋhʋʋ Warasʋʋlʋhʋʋ, ( Pʋʋs-rãmb sẽn yaa yɩlgemd be ne Wẽnde, rẽnd Naamã la Kelgã la Zɩslemã, fãa sõmba ne Wẽnd A Yembre, woto bala Pʋʋs-rãmb a nu wã gilli, yaa Wẽnd A Ye yĩnga. Bɩ y kos laafɩ n yi zang la boogr la sãang fãa, ad tõnd welga d Nabiyaamã a Mohammad -Wẽnd pʋʋsg la A tɩlgr be a yĩnga- ne pʋʋsg la tɩlgre, rẽ poorẽ tɩ d pʋʋs d mense, rẽ poorẽ tɩ d pʋʋs Wẽnd yemb sõmbsã, sẽn yasb ne bũmb ning sẽn yaa tɩlae n zao b zugã, sẽn yaa Wẽnd hakε-rãmbã, la A yembsã hakε-rãmbã, rẽ poorẽ, d manda kaseto tɩ soab sẽn na n tũ n tɩlg ka be tɩ sã n ka Wẽnde, la m maanda kaset t'a Mohammad yaa Wẽnd yamba la A Tẽn-tʋʋma.