Hadiis: Fo sã n maan suguudu, bɩ f rɩgl f tal a yiibã la f zẽk f kãntɩɩs a yiibã

عَنِ الْبَرَاءِ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«إِذَا سَجَدْتَ، فَضَعْ كَفَّيْكَ وَارْفَعْ مِرْفَقَيْكَ».
[صحيح] - [رواه مسلم] - [صحيح مسلم: 494]

Yii a Baraa' nengẽ (Wẽnd yard be a yĩnga) a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) yeelame:
«Fo sã n maan suguudu, bɩ f rɩgl f tal a yiibã la f zẽk f kãntɩɩs a yiibã».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 494]

bilgrã

Nabiyaamã (Wẽnd pʋʋsg la A tɩlgr be a yĩngɑ) vẽneg n wilga nusã halhaal Pʋʋsgã suguudẽ, la rẽnda yaa a sẽn na n modg n taas a tal a yiibã Tẽngã la a tẽeg-ba, tɩ nus-bi wã yaa sẽn moblg taaba n tees kiblã, tɩ kãntɩɩs a yiibã yaa sẽn zẽke n ka sɩɩsd Tẽngã, n welg ne a lʋg a yiibã.

Sẽn be Hɑdiisã yõod-rãmbẽ

1. Wilgdame tɩ yaa tɩlae ne pʋʋsda t'a tik a nusã Tẽngã, la nus-tal a yiibã, b yaa yĩn-wil sẽn be suguudã yĩn-wil a yopoe wã pʋgẽ.
2. Wilgda b sẽn bʋ nonglem tɩ b zẽk kams a yiibã n bas Tẽnga, n paas b sẽn kisg b yiibã gãnegre wala bõnyeesã sẽn tilgd to-to ningã.
3. Sãri wã maaname tɩ b vẽneg yĩn-yẽegr la pãng la yamleoog tũudmã pʋgẽ.
4. Pʋʋsd sã n tik suguudã yĩn-wilã fãa, yĩn-will fãa paamda a hakε tũudmã pʋgẽ.