1. Fuula Duraa
  2. Maxxansaawwan
  3. fiqhiifii beekkomsa hundee isaa

Hadiisa Irra caalaan tarree dhiirotaa jalqaba isaati, irra hamaan isaa immoo xumura isaati, irra caalaan tarree dubartootaa xumura isaati, irra hamaan isaa immoo jalqaba isaati

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«خَيْرُ صُفُوفِ الرِّجَالِ أَوَّلُهَا، وَشَرُّهَا آخِرُهَا، وَخَيْرُ صُفُوفِ النِّسَاءِ آخِرُهَا، وَشَرُّهَا أَوَّلُهَا».

Abuu Hurayraa irraa akka odeeffametti -Rabbi isa irraa haa jaallatu- ni jedhe: Ergamaan Rabbii -Rabbiin rahmataa fi nageenya isaan irratti haa buusu- ni jedhani:
«Irra caalaan tarree dhiirotaa jalqaba isaati, irra hamaan isaa immoo xumura isaati, irra caalaan tarree dubartootaa xumura isaati, irra hamaan isaa immoo jalqaba isaati».

sirrii Muslimtu gabaase Sahiiha muslim - 440

Ibsa

Nabiyyiin -Rabbiin rahmataa fi nageenya isaan irratti haa buusu- salaata keessatti irra caalaan saffii dhiiraa, akkasuma mindaa irra hedduu fi sadarkaa irra hedduu kan qabu saffii jalqabaa akka ta'e himani; imaamatti waan dhihaatanii qiraatii isaa waan dhaggeeffatanuu fi dubartoota irraa fagoo waan ta'eef jecha. Irra hamaa fi mindaa fi sadarkaatti irra gadi aanaan isaa akka ilaalcha shari'aatti xumura isaati. Irra caalaan saffii dubartootaa xumura isaati; isaaniif waan irra dhoksaa ta'eef jecha, akkasumas dhiirotaan wolitti makamuu fi isaan ilaaluu irraa irra fagoo waan ta'eef jecha, irra hamaan isaa jalqaba isaati; dhiiratti dhihaachuu fi fitnaaf saaxilamuuf dhihoo waan ta'eef jecha.

bu'aa hadiisichaa irraa

  1. Ibaadaa fi salaataaf saffii jalqabaatiif ariifaachuu irratti dhiirota kakaasuutu keessa jira.
  2. dubartoonni dhiirotaa woliin masjiidatti saffii kophaa ba'e irratti salaatuun eeyyamamaa ta'uu isaa, garuu hagooggatanii sattarataniiti.
  3. dubartooonni yeroo masjiidatti wolitti qabaman, akkuma saffii dhiirotaa addatti saffii godhatu, adda adda ba'anii hin salaatanu, saffii qajeelchanii qaawa duuchuutu isaan irra jiraata, akkuma saffii dhiirotaatti.
  4. shari'aan dubartoonni dhiirota irraa akka fagaatanuuf eeguu jabaa gochuu isaa ibsuutu keessa jira, bakka ibaadaan itti godhamu yoo ta'ellee.
  5. namoonni akkaataa hojii isaaniitiin kan wol caalan ta'uu isaa.
  6. Aalimni islaamaa Nawawiin akkas jedhe: saffiin dhiirotaa akkuma jirutti, yeroo hundaa irra caalaan isaan jalqaba isaati, yeroo hundaa irra hamaan isaa xumura isaati, saffiin dubartootaa immoo hadiisaan kan itti fedhame: saffii dubartoota worra dhiirotaa woliin salaatanuuti, yoo dhiiraan adda ba'anii kan salaatan ta'e immoo isaanis akka dhiirotaati; irra caalaan saffii isaanii jalqaba isaa ta'a akkasuma irra hamaan saffii isaanii xumura isaa ta'a.
  7. Nawawiin itti dabaluun akkas jedhe: saffiin faarfamaan kan hadiisni sadarakaa isaa ibsuu fi itti kakaasuun dhufe inni saffii isa imaamatti aanudha; abbaan isaa dursee yoo dhufes booda hafee yoo dhufes, akkasumas wonti adda baasuu fi kan sana fakkaatan yoo seenes yoo seenuu dhabes tokkuma.

Hiikkaawwan dhiheessuu

52 Afaan
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية