Hədis: “Kişilər üçün səflərin ən xeyirlisi birincisi, ən pisi sonuncusudur, qadınlar üçün isə səflərin ən xeyirlisi sonuncusu, ən pisi isə birincisidir.”

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«خَيْرُ صُفُوفِ الرِّجَالِ أَوَّلُهَا، وَشَرُّهَا آخِرُهَا، وَخَيْرُ صُفُوفِ النِّسَاءِ آخِرُهَا، وَشَرُّهَا أَوَّلُهَا».
[صحيح] - [رواه مسلم] - [صحيح مسلم: 440]

Əbu Hureyradan– radiyallahu anhu – rəvayət edilir ki, o, belə söyləmişdir: Allahın Rəsulu (Allahın salavatı və salamı onun üzərinə olsun) buyurdu:
“Kişilər üçün səflərin ən xeyirlisi birincisi, ən pisi sonuncusudur, qadınlar üçün isə səflərin ən xeyirlisi sonuncusu, ən pisi isə birincisidir.”
[Səhih] - [Muslim rəvayət etdi] - [Sahihu Muslim - 440]

Şərh (izah)

Peyğəmbər (Allahın salavatı və salamı onun üzərinə olsun) xəbər vermişdir ki, imama yaxın olduqlarına, onun qiraətinə qulaq asdıqlarına və qadınlardan uzaq olduqlarına görə kişilər üçün namazda ən xeyirli, ən savablı və fəzilətli səff birincisidir. Onun ən pisi, savab və fəzilət baxımından ən az olanı və İslam şəriətinin tələb etdiyindən ən uzaq olanı sonuncusudur. Qadınlar üçün səflərin ən xeyirlisi sonuncusudur; Çünki bu, onlar üçün daha gizlidir və kişilərə qarışmaqdan, onları görməkdən və onlara fitnə olmaqdan daha uzaqdır, səflərin ən pisi isə kişilərə yaxınlığı və finəyə məruz qalması səbəbindən birincisidir;

Hədisin faydalarından

1. Kişiləri itaətə tələsməyə və namazda ilk səflərdə olmağa həvəsləndirmək.
2. Qadınların məsciddə kişilərlə birlikdə, ayrı-ayrı cərgələrdə namaz qılması icazəlidir, lakin örtünmək və həyalı olmaq şərti ilə.
3. Qadınlar məscidə toplaşdıqları zaman, onlar da, kişilər kimi səflər təşkil edirlər və ayrılmırlar, əksinə, kişilərin səflərində olduğu kimi sıx birləşib, boşluqları doldurmalıdırlar.
4. Qadınları hətta ibadət yerlərində belə kişilərdən uzaq durmağa təşviq etməkdə şəriətin şiddətli hərisliyini bəyan etmək.
5. İnsanlar əməllərinə görə bir-birlərindən üstün olurlar.
6. Ən-Nəvəvi demişdir: “Kişilərin səflərinə gəlincə, onlar ümumi qayda üzərədir, onların həmişə ən xeyirlisi birincisi, ən pisi isə həmişə sonuncusudur, lakin qadınların səflərinə gəlincə, hədisdə nəzərdə tutulan: kişilərlə birlikdə namaz qılan qadınların səfləridir, lakin kişilərlə deyil, onlardan ayrı qıldıqda isə onlar da kişilər kimidirlər; onların səflərinin ən xeyirlisi birincisi, ən pisi isə sonuncusudur.
7. Ən-Nəvəvi demişdir: “ Hədislərdə fəziləti və təşviqi varid olmuş, təriflənən ilk sıra imamın arxasındakı səfdir; o səfdə duranın tez və ya gec gəlməsinin, o səffin bölünüb-bölünməməsinin fərqi yoxdur".