حدیث: خَيْرُ صُفُوفِ الرِّجَالِ أَوَّلُهَا، وَشَرُّهَا آخِرُهَا، وَخَيْرُ صُفُوفِ النِّسَاءِ آخِرُهَا، وَشَرُّهَا أَوَّلُهَا». "د نارینه وو لپاره غوره صفونه لومړي او بدترین یې وروستي دي او د ښځو لپاره غوره صفونه وروستي او تر ټولو بد یې لومړي صفونه دي
عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«خَيْرُ صُفُوفِ الرِّجَالِ أَوَّلُهَا، وَشَرُّهَا آخِرُهَا، وَخَيْرُ صُفُوفِ النِّسَاءِ آخِرُهَا، وَشَرُّهَا أَوَّلُهَا».
[صحيح] - [رواه مسلم] - [صحيح مسلم: 440]
المزيــد ...
له ابو هریرة رضي الله عنه څخه روایت دی وایې چې رسول الله صلی الله علیه وسلم فرمایلي:
«خَيْرُ صُفُوفِ الرِّجَالِ أَوَّلُهَا، وَشَرُّهَا آخِرُهَا، وَخَيْرُ صُفُوفِ النِّسَاءِ آخِرُهَا، وَشَرُّهَا أَوَّلُهَا».
"د نارینه وو لپاره غوره صفونه لومړي او بدترین یې وروستي دي او د ښځو لپاره غوره صفونه وروستي او تر ټولو بد یې لومړي صفونه دي".
[صحيح] - [مسلم روايت کړی دی] - [صحیح مسلم - 440]
رسول الله صلی الله علیه وسلم فرمایلي دي چې په لمانځه کې د سړیو لپاره تر ټولو غوره او په ثواب کې تر ټولو زیات صفونه لومړني صفونه دي؛ دا له امام سره د هغوی د نږدېوالي، قراءت ته یې د غوږ نیولو او ښځینه وو څخه د لرې والي له امله، او تر ټولو بد، د ثواب او فضیلت له پلوه تر ټولو کم او د اسلامي شریعت له غوښتنې لرې یې وروستي صفونه دي. او د ښځینه وو لپاره تر ټولو غوره صفونه وروستني دي؛ ځکه چې دا د هغوی لپاره ډېر پرده او د نارینه وو سره له اختلاط او د دوی د لېدلو او په فتنه کې له لوېدلو څخه لرې دي، او تر ټولو بد صفونه یې لومړي دي، ځکه چې سړیو ته نږدې او په فتنه کې د لوېدلو لپاره ډېر جوګه دي.
د حديث له ګټو څخه
- طاعت او په لمونځونو کې لومړیو صفونو ته په بیړه کولو ټینګار.
- د ښځو لپاره په جومات کې - له نارینه وو څخه په جلا صفونو کې - لمونځ کول روا دي، خو په پرده او حیا کې.
- که ښځې په جومات کې راغونډې شي، د نارینه وو په څېر به صفونه جوړوي او سره به نه بېلېږي، بلکې په قطار کې به سیده ولاړې وي او تشې به ډکوي لکه د نارینه وو د صفونو په څېر.
- له نارینه وو څخه د ښځو جلا کېدلو ته د شریعت سخته پاملرنه، حتی که د عبادت په ځایونو کې هم وي.
- عملونو ته په لیدو یو پر بل د خلکو غوره والی.
- نووي رحمه الله فرمايي: په ټوليزه توګه د نارينه وو په صفونو کې تر ټولو غوره یې د تل لپاره لومړني دي، او د ښځو صفونه چې دي، نو په حدیث سره مراد: د هغو ښځو صفونه دي چې د سړیو سره لمونځ کوي، او که چېرته یې له سړیو څخه جلا لمونځ کاوه نو بیا هغوی هم د سړیو په څېر دي چې غوره صفونه یې لومړي او بد یې وروستي دي.
- نووي رحمه الله فرمايي: لومړی ستايل شوی صف هغه دی چې په احاديثو کې يې فضيلت او تشويق راغلی، هغه صف دی چې امام پسې وي؛ برابره خبره ده که (پکې ولاړ کس) وختي راغلی وي یا ناوخته او یا دا چې د تختو (پارټیشن) او یا بل څه په واسطه جلا شوی وي.
ډلبندیانې
نور
- حدیث: رسول الله - صلی الله علیه وسلم - ته یو ړوند سړی راغی، ویې وییل : ای د الله رسوله! زه څوک نه لرم چې جومات ته مې راولي، نو له رسول الله - صلی الله علیه وسلم - یې وغوښتل چې په کور کې د لمونځ کولو اجازه ورکړي، نو اجازه یې ورکړه، کله چې بیرته روان شو ورغږ یې کړ او ورته یې وویل: آیا د لمانځه لپاره بلنه (اذان) اورې؟ ویې ویل: هو، ورته یې وویل: نو بلنه قبوله کړه (جومات ته راځه).
- حدیث: صَلَاةُ الرَّجُلِ فِي جَمَاعَةٍ تَزِيدُ عَلَى صَلَاتِهِ فِي بَيْتِهِ وَصَلَاتِهِ فِي سُوقِهِ بِضْعًا وَعِشْرِينَ دَرَجَةً
- حدیث: مَنْ أَكَلَ ثُومًا أَوْ بَصَلًا، فَلْيَعْتَزِلْنَا -أَوْ قَالَ: فَلْيَعْتَزِلْ- مَسْجِدَنَا، وَلْيَقْعُدْ فِي بَيْتِهِ
- حدیث: مَنْ غَدَا إِلَى الْمَسْجِدِ أَوْ رَاحَ أَعَدَّ اللهُ لَهُ فِي الْجَنَّةِ نُزُلًا، كُلَّمَا غَدَا أَوْ رَاحَ». "څوک چې سهار او یا بیګا مهال جومات ته لاړ شي، نو الله تعالی به د هغه لپاره په جنت کې د مېلمستیا ځای چمتو کړي، هر ځل چې دی سهار او یا هم بیګا کوي
- حدیث: په حقیقت کې دا دوه لمونځونه د منافقانو لپاره تر ټولو درانده لمونځونه دي او که تاسو په دې پوهیدلي چې په دې دواړو (لمونځونو) کې څه دي، نو تاسو به ورته راغلي وئ، که څه هم په خاپوړو وای