হাদীছ: পুৰুষসকলৰ বাবে সৰ্বোত্তম শাৰী হৈছে প্ৰথম শাৰী, আৰু বেয়া শাৰী হৈছে একেবাৰে শেষৰ শাৰী। আনহীতে নাৰীসকলৰ ক্ষেত্ৰত সৰ্বোত্তম শাৰী হৈছে একেবাৰে শেষৰ শাৰী, আৰু বেয়া শাৰী হৈছে প্ৰথম শাৰী।
عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«خَيْرُ صُفُوفِ الرِّجَالِ أَوَّلُهَا، وَشَرُّهَا آخِرُهَا، وَخَيْرُ صُفُوفِ النِّسَاءِ آخِرُهَا، وَشَرُّهَا أَوَّلُهَا».
[صحيح] - [رواه مسلم] - [صحيح مسلم: 440]
المزيــد ...
আবু হুৰাইৰাহ ৰাদ্বিয়াল্লাহু আনহুৰ পৰা বৰ্ণিত, তেওঁ কৈছেঃ ৰাছুলুল্লাহ চাল্লাল্লাহু আলাইহি অছাল্লামে কৈছেঃ
"পুৰুষসকলৰ বাবে সৰ্বোত্তম শাৰী হৈছে প্ৰথম শাৰী, আৰু বেয়া শাৰী হৈছে একেবাৰে শেষৰ শাৰী। আনহীতে নাৰীসকলৰ ক্ষেত্ৰত সৰ্বোত্তম শাৰী হৈছে একেবাৰে শেষৰ শাৰী, আৰু বেয়া শাৰী হৈছে প্ৰথম শাৰী।"
[ছহীহ] - [(মুছলিম)] - [ছহীহ মুছলিম - 440]
হাদীছটোত নবী চাল্লাল্লাহু আলাইহি অছাল্লামে জনাইছে যে, নামাজত পুৰুষসকলৰ বাবে ছোৱাব আৰু ফজিলতৰ ক্ষেত্ৰত সৰ্বোত্তম শাৰী হৈছে প্ৰথম শাৰী। কাৰণ এই শাৰী হৈছে ইমামৰ নিকটৱৰ্তী তথা তেওঁৰ কিৰাআত স্পষ্টভাৱে শুনিব পৰা শাৰী, লগতে এইটো হৈছে নাৰীসকলৰ পৰা দূৰৈত অৱস্থিত শাৰী। আনহাতে চৰীয়তৰ উদ্দেশ্যৰ পৰা দূৰৈত আৰু ছোৱাব তথা ফজিলতৰ ফালৰ পৰা নিম্নমানৰ শাৰী হৈছে শেষৰ শাৰী। পক্ষান্তৰে নাৰীসকলৰ বাবে উত্তম শাৰী হৈছে শেষৰ শাৰী। কাৰণ এইটো হৈছে তেওঁলোকৰ বাবে অধিক পৰ্দা। এইটো হৈছে পুৰুষসকলৰ পৰা দূৰত তথা সিহঁতক দেখাৰ পৰা আৰু সিহঁতৰ ফিতনাত পতিত হোৱাৰ পৰা সুৰক্ষিত শাৰী। আনহাতে নাৰীসকলৰ বাবে প্ৰথম শাৰী হৈছে বেয়া শাৰী, কাৰণ এইটো পুৰুষসকলৰ ওচৰত থাকে আৰু ফিতনা হোৱাৰ আশংকা থাকে।
হাদীছৰ পৰা সংগৃহীত উপকাৰিতাসমূহ
- পুৰুষসকলক নেক কাম কৰাৰ ক্ষেত্ৰত আগভাগ ল'বলৈ আৰু নামাজত প্ৰথম শাৰীত অৱস্থান কৰিবলৈ উৎসাহিত কৰা হৈছে।
- পুৰুষৰ সমান্তৰালকৈ নাৰীসকলেও মছজিদত পৃথক শাৰীত থিয় হৈ নামাজ পঢ়িব পাৰে। কিন্তু শালীনতা আৰু উভয়ৰ মাজত পৰ্দা থকাটো অনিবাৰ্য।
- নাৰীসকলে যেতিয়া মছজিদত যাব, তেতিয়া তেওঁলোকেও পুৰুষসকলৰ দৰেই শাৰী শাৰীকৈ থিয় হ'ব। শাৰীৰ মাজত যাতে কোনো খালী ঠাই নাথাকে, বৰং খালী ঠাই পূৰ কৰি, ইজনে সিজনৰ সৈতে মিলি থিয় হ'ব লাগে। যিদৰে পুৰুষসকলে থিয় হয়।
- নাৰীসকলক পুৰুষসকলৰ পৰা আঁতৰত ৰাখিবলৈ চৰীয়তে বিশেষভাৱে গুৰুত্ব প্ৰদান কৰি উৎসাহিত কৰিছে, আনকি ইবাদতৰ ঠাইতো।
- আমল অনুসৰি মানুহৰ মৰ্যাদাও বেলেগ বেলেগ।
- নাৱাৱী ৰাহিমাহুল্লাহে কৈছেঃ পুৰুষসকলৰ শাৰীৰ বিষয়ে দিয়া নিৰ্দেশনা সদায় প্ৰযোজ্য, তেওঁলোকৰ বাবে প্ৰথমশাৰী সদায় উত্তম, আৰু শেষৰ শাৰী নিম্ন শ্ৰেণীৰ। আনহাতে হাদীছটোত নাৰীসকলৰ শাৰী সম্পৰ্কে যিটো কথা কোৱা হৈছে সেইটো কেৱল সেই সময়ত, যেতিয়া সিহঁতে পুৰুষসকলৰ সৈতে নামাজ পঢ়ে। পক্ষান্তৰে সিহঁতে যদি পৃথকভাৱে নামাজ পঢ়ে তেন্তে সেই ক্ষেত্ৰত পুৰুষসকলৰ দৰেই প্ৰথম শাৰী হৈছে উত্তম শাৰী আৰু বেয়া শাৰী হৈছে শেষৰ শাৰী।
- হাদীছত প্ৰথম শাৰীৰ ফজিলতৰ সৈতে যি প্ৰশংসা কৰা হৈছে তথা উৎসাহিত কৰা হৈছে, সেইটো হৈছে ইমামৰ একেবাৰে নিকটৱৰ্তী শাৰী। প্ৰথম শাৰীত থিয় হোৱা ব্যক্তিজন আগত আহক বা পিছত। অথবা বেলেগ আন কোনো উপায়ে আহক।
শ্ৰেণীবিন্যাসসমূহ
অধিক
- হাদীছ: এজন অন্ধ লোকে নবী চাল্লাল্লাহু আলাইহি অছাল্লামৰ ওচৰত আহি নিবেদন কৰিলে যে, ‘হে আল্লাহৰ ৰাছুল! মোক মছজিদত লৈ আনিব পৰা কোনো মানুহ নাই।’ এতেকে সেই ব্যক্তিয়ে নিজৰ ঘৰত চালাত আদায় কৰিবলৈ আল্লাহৰ ৰাছুল চাল্লাল্লাহু আলাইহি অছাল্লামৰ ওচৰত অনুমতি বিচাৰিলে। ফলত তেখেতেও তেওঁক অনুমতি প্ৰদান কৰিলে। কিন্তু যেতিয়া তেওঁ উভতি যাবলৈ ধৰিলে, তেতিয়া তেখেতে তেওঁক মাতি ক’লে, ‘‘তুমি আজান শুনা পোৱানে?’’ তেওঁ ক’লে, ‘হয়, শুনা পাওঁ।’ তেখেতে ক’লে, ‘‘তেনেহ’লে তুমি সঁহাৰি দিয়া।’’ [অর্থাৎ মছজিদলৈ আহি চালাত আদায় কৰা।]
- হাদীছ: বজাৰত বা ঘৰত অকলশৰীয়াকৈ পঢ়া নামাজৰ তুলনাত জামাতত আদায় কৰা নামাজৰ ছোৱাব বিছতকৈও অধিক গুণ বেছি।
- হাদীছ: যিয়ে (কেঁচা) নহৰু অথবা (কেঁচা) পিঁয়াজ খাইছে, সি যেন আমাৰ পৰা আঁতৰি থাকে, - অথবা তেখেতে কৈছিলঃ আমাৰ মছজিদৰ পৰা যেন আঁতৰি থাকে আৰু নিজৰ ঘৰতে যেন অৱস্থান কৰে।
- হাদীছ: যি ব্যক্তিয়ে পুৱা-গধূলি মছজিদলৈ যায় আৰু যিমানবাৰ যায়, সিমান বাৰেই আল্লাহে তেওঁৰ বাবে জান্নাতত আপ্যায়ন সামগ্ৰী প্ৰস্তুত কৰে।
- হাদীছ: এই দুটা নামাজ মুনাফিকসকলৰ বাবে খুবেই কঠিন। যদি সিহঁতে জানিলেহেঁতেন যে ইয়াত কিমান ছোৱাব আছে তেন্তে সিহঁত নিশ্চয় আহিলহেঁতেন, আনকি আঁঠু আৰু হাতৰ ওপৰত ভৰ কৰি চোঁচৰি আহিব লগা হ'লেও আহিলহেঁতেন।