Hadiis: Ned ning sẽn rɩ gεbã maa lay bɩ a ra kolg tõnd ye -maa a yeelame: bɩ a ra kolg d miisrã, la a zĩnd a zakẽ

عَنْ جَابِرِ بْنِ عَبْدِ اللَّهِ رضي الله عنهما أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«مَنْ أَكَلَ ثُومًا أَوْ بَصَلًا، فَلْيَعْتَزِلْنَا -أَوْ قَالَ: فَلْيَعْتَزِلْ- مَسْجِدَنَا، وَلْيَقْعُدْ فِي بَيْتِهِ»، وَأَنَّ النَّبِيَّ صَلَّى اللهُ عَلَيْهِ وَسَلَّمَ أُتِيَ بِقِدْرٍ فِيهِ خَضِرَاتٌ مِنْ بُقُولٍ، فَوَجَدَ لَهَا رِيحًا، فَسَأَلَ فَأُخْبِرَ بِمَا فِيهَا مِنَ البُقُولِ، فَقَالَ قَرِّبُوهَا إِلَى بَعْضِ أَصْحَابِهِ كَانَ مَعَهُ، فَلَمَّا رَآهُ كَرِهَ أَكْلَهَا، قَالَ: «كُلْ فَإِنِّي أُنَاجِي مَنْ لاَ تُنَاجِي». ولِمُسْلِمٍ عَنْ جَابِرِ بْنِ عَبْدِ اللهِ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «مَنْ أَكَلَ مِنْ هَذِهِ الْبَقْلَةِ، الثُّومِ - وقَالَ مَرَّةً: مَنْ أَكَلَ الْبَصَلَ وَالثُّومَ وَالْكُرَّاثَ فَلَا يَقْرَبَنَّ مَسْجِدَنَا، فَإِنَّ الْمَلَائِكَةَ تَتَأَذَّى مِمَّا يَتَأَذَّى مِنْهُ بَنُو آدَمَ».
[صحيح] - [متفق عليه] - [صحيح البخاري: 855]

Yii a Gεεbr ɭbn ʿAbdʋllaah nengẽ, (Wẽnd yard be b yiibã yĩnga), tɩ Nabiyaamã, (Wẽnd pʋʋsg la A tɩlgr be a yĩnga), yeelame:
«Ned ning sẽn rɩ gεbã maa lay bɩ a ra kolg tõnd ye -maa a yeelame: bɩ a ra kolg d miisrã, la a zĩnd a zakẽ». Ad Nabiyaamã (Wẽnd pʋʋsg la A tɩlgr be a yĩngɑ) b waa ne rʋk a nengẽ, tɩ zẽ-biis sẽn yaa maas be beenẽ, t'ɑ wʋm yũug a pʋgẽ wã, t'a sok tɩ b togs-a zẽ-biis nins sẽn be beenẽ wã, la a yeele: tɩ b kolg-a a sahaabsã sãndã sẽn da be a nengẽ, la Nabiyaamã sẽn wa n yãnd tɩ b kisga a rɩɩbã, a yeelame: «Rɩ-y ad mam sõsda ne yãmb sẽn pa sõsd ne».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 855]

bilgrã

Nabiyaamã gɩdgame (Wẽnd pʋʋsg la A tɩlgr be a yĩngɑ) tɩ b wãb lay maa gεba la b wat miisrẽ wã, sẽn na yɩl n ra nams a ma-biisi, neb nins sẽn wat zamã wã Pʋʋsgã ne a b yũugã, la yẽnda yaa gɩdgr sẽn pa tɩlae tɩ b ra wa miisrẽ wã ye, la b ka gɩdgd tɩ b ra rɩ b yiibã ye, bala b yaa halaale, la sɩd la hakɩɩka, b waa (Wẽnd pʋʋsg la A tɩlgr be a yĩngɑ) nengẽ, ne rʋk zẽ-bi-maas sẽn be a pʋgẽ, la a sẽn wa n yõbs a yũuga tɩ b togs-a bũmb ninga sẽn be a pʋgẽ wã, a ka rɩ ye, la a kolg-a-la ne a sahaabsã sãndã tɩ b rɩ-a, tɩ yẽndã me kisg n nɑ n rɩ-a tɩ yaa Nabiyaamã togsgo, la Nabiyaamã (Wẽnd pʋʋsg la A tɩlgr be a yĩngɑ) sẽn yãnd-a, a yeelame: rɩ, tɩ ad mam sõsda ne malεgsã Wahɩ wã yĩngɑ.
La Nabiyaamã kõo kibare (Wẽnd pʋʋsg la A tɩlgr be a yĩngɑ) tɩ ad malεgsã namsda ne yũ-yooko, wala nebã sẽn namsd ne-a wã.

Sẽn be Hɑdiisã yõod-rãmbẽ

1. Wilgdame tɩ gɩdgame tɩ ned ning sẽn wãba lay maa gεba maa gεba-vãtã, t'a wa miisã wã.
2. Bũmb ning fãa sẽn tar yũ-yook, sẽn namsd pʋʋsdba, a lɑgemda bõn-kãensã, wala sɩgaare, la taba la sẽn wõnd rẽnda.
3. Gɩdgdrã sabab yaa yũugã, rẽnd yũugã sã n sε, sẽn tũ ne rʋgb wʋsgo, maa sẽn wõnd rẽnda, kisgrã me sεtame.
4. Wilgdame tɩ kisgame tɩ b wãb yεl-kãensã, ne ned ning sẽn sõmb n wa Pʋʋsg miisr pʋga, sẽn na yɩlẽ tɩ zãmã wã ra põsg-a miisrẽ wã ye. Tɩ sã n mikame t'a ka rɩ-a ne sɩlem bʋɩl yĩnga tɩ waoongã rok a zug ye, wakat kãnga lebgda haraam.
5. Nabiyaamã (Wẽnd pʋʋsg la A tɩlgr be a yĩngɑ) gɩdg a meng n yi lay wã wãbr la sẽn wõnd rẽnda, ka a haramgã yĩng ye, la ad yaa a sẽn sõsd ne a Gibriilã yĩngã (Tɩlgr be a yĩnga).
6. Wilgda Nabiyaamã sẽn yaa karen-saam sõngã (Wẽnd pʋʋsg la A tɩlgr be a yĩngɑ) zĩig ning a sẽn vẽnegd bʋʋdã la a sababã; sẽn na yɩlẽ t'a sẽn gomd ne a soabã sũur yõgne, a sẽn bãng yam bedr ning sẽn be a pʋgẽ wã.
7. A Al-ƙaady yeelame: la bãngdbã maana makr ne yãwã tigim-taab n pʋʋs sẽn ka miisr pʋgẽ, wala tigri la kũum Pʋʋsgo la sẽn wõnd rẽnda, sẽn yaa tũud-rãmbã tigisgã, la yaa wato la bãngrã tigingã la waliimã-rãmbã la sẽn wõnd rẽnda. La sã n yaa raasã la sẽn wõnd rẽnda ka naag ye.
8. Bãngdbã yeelame: la hadiis-kãngã pʋgẽ, daliil n be beenẽ n wilgd lay wãbd la sẽn wõnd rẽnda, t'a ra kẽ miisrẽ ye -baa tɩ miisrã yaa vɩʋʋgo- bala a yaa malεgs zĩndg zĩiga, la hadiisã sẽn gũbgã yĩnga.