Hadiis: A sʋɩtãan loeta yãmb ned fãa kãarẽ, a sã n gõe, loees a tãabo, a yembr fãa wẽedɑ yʋn-wok fo zug, n yeele bɩ f gãande

عَنْ أَبِي هُرَيْرَةَ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«يَعْقِدُ الشَّيْطَانُ عَلَى قَافِيَةِ رَأْسِ أَحَدِكُمْ إِذَا هُوَ نَامَ ثَلاَثَ عُقَدٍ يَضْرِبُ كُلَّ عُقْدَةٍ عَلَيْكَ لَيْلٌ طَوِيلٌ، فَارْقُدْ، فَإِنِ اسْتَيْقَظَ فَذَكَرَ اللَّهَ، انْحَلَّتْ عُقْدَةٌ، فَإِنْ تَوَضَّأَ انْحَلَّتْ عُقْدَةٌ، فَإِنْ صَلَّى انْحَلَّتْ عُقْدَةٌ، فَأَصْبَحَ نَشِيطًا طَيِّبَ النَّفْسِ، وَإِلَّا أَصْبَحَ خَبِيثَ النَّفْسِ كَسْلاَنَ».
[صحيح] - [متفق عليه] - [صحيح البخاري: 1142]

Yii a Abɩɩ Hʋrayrat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame:
«A sʋɩtãan loeta yãmb ned fãa kãarẽ, a sã n gõe, loees a tãabo, a yembr fãa wẽedɑ yʋn-wok fo zug, n yeele bɩ f gãande, la a sã n nek n tẽeg Wẽnd yʋʋrã, la loεεg a yembr sẽn lokde, la a sã n yõk koom la loεεg a yembr sẽn lokde, la a sã n pʋʋse, la loεεg a yembr sẽn lokde, t'a lebg yĩn-yẽesg soaba, t'a mengã tar laafɩ, lɑ sã n ka yɩ woto a nekda yibeoogo t'a mengã yaa gõo, n yaa kʋɩɩma».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 1142]

bilgrã

Nabiyaamã kõta kibare (Wẽnd pʋʋsg la A tɩlgr be a yĩngɑ) a sʋɩtãan halhaalã la a maoorã ne ninsaal ning sẽn rat n yik n maan yʋng Pʋʋsgã, maa Fagir Pʋʋsgã.
Rẽnd sɩd-kõt sã n kẽng a gõeemẽ wã, la sʋɩtãanã sẽn loet a kãarẽ wã, loees a tãabo.
Tɩ sɩd-kõtã sã n neke la a tẽeg Wẽnd yʋʋrã, (A Naam zẽk yã), la a ka sak a sʋɩtãan yuus-yuusã; loεεgã lodgdame.
La a sã n yõk koom la loεεg a yembr sẽn lokde. La a sã n yõk koom la loεεg a yembr sẽn lokde.
La a sã n yik n pʋʋse, la loεεg a tãab soabã sẽn lokde, t'a lebg yĩn-yẽesg soaba, t'a mengã tar laafɩ, a sũurã sẽn noome ne Wẽnd sẽn sõng-a ne yel-sõmd la yaafgo, n lagem ne a sʋɩtãan loeesã sẽn lodgã, la a yĩngã sẽn yẽesã. Sã n ka yɩ woto a nekda yibeoogo t'a mengã yaa bãada, t'a sũurã sãame, tɩ kʋɩɩng tar-a t'a ka tõe n maan tʋʋm sõma la manegr ye, tɩ b loe-a ne a sʋɩtãan wĩy, t'a zãag n yi Ar-rahmaan Naab pẽnegre.

Sẽn be Hɑdiisã yõod-rãmbẽ

1. Sʋɩtãanã modgda raar fãa, n rɩkd sor buud fãa ninsaal sẽn beẽ, n na n gɩdg yẽ ne Wẽnd tũudmã sʋka (A Naam yɩ wagell n zẽke), la yamb ka tar põsg zĩiga n yi sʋɩtãanã rẽnda ne Wẽnd sõngr kosgo, (A Naam yɩ wagell n zẽke) la a rɩk gũubã sabab-rãmbã.
2. Wẽnd yʋʋrã tẽegr la A tũudmã, a wata ne yĩn-yẽegr mengẽ wã, la yãoogã yalgre, la a rigd kʋɩɩngo la yĩn-kiiri, la a loogd ne keelem lɑ kisgri; bala a rigda sʋɩtãanã, la wãnde yaa a yuus-yuusã sãndɑ.
3. Sɩd-kõt noogd ɑ sũuri tɩ Wẽnd sã n mɑɑn-ɑ segl-sõngo, (A Naam yɩ wagelle) t'a yik ne A tũudmã, la a sũurã sãamdɑme t'a sã n kʋʋg koεεg n ka ta yɩɩdlemã la pidbã dargε-rãmbã.
4. Yam yaal-yaal la kʋɩɩng maanego, n bas tũudmã, yẽnda yaa a sʋɩtãan tʋʋmde la a faas teedo.
5. Yel-kãensã b tãabã -Wẽnd yʋʋrã tẽegre, la koom yõgbo, la Pʋʋsgo, b rigda sʋɩtãanã.
6. Sʋɩtãanã sẽn na n welg n loe a kãarẽ wã, bala a yaa pãngã zĩiga, la pãngã tʋʋmd zĩigã, rẽnd b sã n loe beenẽ, a paamda zĩig n tõog ninsaal mengã la a lob-a gõeem.
7. A ɭbn Hagar Al-Asƙalaany yeelame: a sẽn yeel tɩ yʋngo, a gomdã pʋgẽ wã: "f tara yʋn-woko", a vẽenegã rat n yeelame, t'a welga gõe-kãngã ne yʋngã.
8. A ɭbn Hagar Al-ʿasƙalaany yeelame: b ka welg tẽegr (doaagã kɑrengo) ne bũmb tɩ yaa tɩlae tɩ yɩ yẽ, t'a taabã ka tõe n leds a zĩigã ye, la ad bũmb ning fãa b sẽn tõe n tẽeg Wẽnd ne-A sekdame, la kẽeda a pʋgẽ, Alkʋrãanã karengo, la Nabiyaamã hadiis-rãmb karengo, la maan soagl ne dĩinã bãngr karengo, la sẽn yɩɩd yaa Nabiyaamã sẽn yeelã, (Wẽnd pʋʋsg la A tɩlgr be a yĩngɑ): yaa ãna la b pengd yʋngo, t'a yeele: (Laa ɩlaaha ɩlla Allaahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩrʋn, wal hamdu lillaah, wa sʋbhaanallaah, wa laa'ɩlaaha ɩllallaah, wa Allaah akbarʋ, walaa hawla wala ƙʋwwata ɩllaa bɩllaahɩ= Soab ka be tɩ sã n pa Wẽnd A Yembr ye, A pa tar lagm-n-taag ye, Naam yaa Yẽ n so, Pẽgr be ne Yẽ, Yẽnda me n leb n tõe bũmbã fãa, pẽgr be ne Wẽnde, yɩlgem be ne Wẽnde, soab zẽng ka be rẽnda Wẽnde, la Wẽnd n yɩɩd bedrem, la sɩlem kɑ be, pãng me kɑ be, sã n pɑ ne Wẽnde, rẽ poorẽ t'a yeele: "Allahʋmma agfɩrlɩɩ= m Soabã yaaf-ma" maa a sã n kose, Wẽnd reegda a kosgã, la a sã n yõk koom, Wẽnd reegda a Pʋʋsgã) Al-bʋhaarɩ n togs-a.