Hədis: Sizi istədiyinizdən daha xeyirli bir şeyə yönəldimmi?Yatağınıza uzandıqda otuz üç dəfə "subhənallah", otuz üç dəfə "əlhəmdu lilləh", otuz dörd dəfə "Allahu Əkbər" söyləyin və bu sizin üçün xidmətçidən daha xeyirlidir

عَنْ عَلِيٍّ رضي الله عنه:
أَنَّ فَاطِمَةَ رَضيَ اللهُ عنْها أَتَتِ النَّبِيَّ صَلَّى اللهُ عَلَيْهِ وَسَلَّمَ تَشْكُو إِلَيْهِ مَا تَلْقَى فِي يَدِهَا مِنَ الرَّحَى، وَبَلَغَهَا أَنَّهُ جَاءَهُ رَقِيقٌ، فَلَمْ تُصَادِفْهُ، فَذَكَرَتْ ذَلِكَ لِعَائِشَةَ، فَلَمَّا جَاءَ أَخْبَرَتْهُ عَائِشَةُ، قَالَ: فَجَاءَنَا وَقَدْ أَخَذْنَا مَضَاجِعَنَا، فَذَهَبْنَا نَقُومُ، فَقَالَ: «عَلَى مَكَانِكُمَا» فَجَاءَ فَقَعَدَ بَيْنِي وَبَيْنَهَا، حَتَّى وَجَدْتُ بَرْدَ قَدَمَيْهِ عَلَى بَطْنِي، فَقَالَ: «أَلاَ أَدُلُّكُمَا عَلَى خَيْرٍ مِمَّا سَأَلْتُمَا؟ إِذَا أَخَذْتُمَا مَضَاجِعَكُمَا -أَوْ أَوَيْتُمَا إِلَى فِرَاشِكُمَا- فَسَبِّحَا ثَلاَثًا وَثَلاَثِينَ، وَاحْمَدَا ثَلاَثًا وَثَلاَثِينَ، وَكَبِّرَا أَرْبَعًا وَثَلاَثِينَ، فَهُوَ خَيْرٌ لَكُمَا مِنْ خَادِمٍ».
[صحيح] - [متفق عليه] - [صحيح البخاري: 5361]

Əlidən (Allah ondan razı olsun) belə rəvayət edilir:
Fatimə (Allah ondan razı olsun) Peyğəmbərin (Allahın salavatı və salamı onun üzərinə olsun) yanına gəldi və dəyirman daşından əlinə düşmüş izdən şikayətləndi və Peyğəmbərin (Allahın salavatı və salamı onun üzərinə olsun) yanına bir qulun gəldiyi xəbəri ona çatmışdı. Lakin Fatimə Peyğəmbəri (Allahın salavatı və salamı onun üzərinə olsun) tapmadı və bunu Aişəyə söylədi. Peyğəmbər (Allahın salavatı və salamı onun üzərinə olsun) gəldikdə Aişə bunu ona xəbər verdi. (Əli) dedi: Biz çarpayımıza uzanmışdıq ki, o, yanımıza gəldi, biz ayağa qalxmaq istədikdə, O, “Yerinizdə oturun” dedi və gəlib aramızda əyləşdi, hətta mən onun ayaqlarının soyuqluğunu qarnımda hiss etdim. O, dedi: Sizi istədiyinizdən daha xeyirli bir şeyə yönəldimmi?Yatağınıza uzandıqda otuz üç dəfə "subhənallah", otuz üç dəfə "əlhəmdu lilləh", otuz dörd dəfə "Allahu Əkbər" söyləyin və bu sizin üçün xidmətçidən daha xeyirlidir."
[Səhih] - [Müttəfəqun aleyhi(əl-Buxari və Musliminsəhih gördüyü hədislər)] - [Sahihul-Buxari - 5361]

Şərh (izah)

Peyğəmbərin (Allahın salavatı və salamı onun üzərinə olsun) qızı Fatimə (Allah ondan razı olsun) dəyirman daşının üyütməyə görə əlində buraxdığı izdən şikayətləndi, ona görə də Peyğəmbərin (Allahın salavatı və salamı onun üzərinə olsun) yanına əsir gəldikdə, ev işlərini görməsi üçün bu əsiri xidmətçi olaraq istəmək üçün onun yanına getdi. Lakin onu evində tapmadı və Aişəni (Allah ondan razı olsun) gördü və bu barədə ona danışdı. Peyğəmbər (Allahın salavatı və salamı onun üzərinə olsun) gələndə, Aişə Fatimənin (Allah onların hər ikisindən razı olsun) onun yanına ondan bir qulluqçu istəmək üçün gəldiyini xəbər verdi. Sonra Peyğəmbər (Allahın salavatı və salamı onun üzərinə olsun) Fatimə və Əli (Allah onların hər ikisindən razı olsun) yatmağa hazırlaşarkən onların evinə gəldi və onların arasında əyləşdi, hətta Əli (Allah ondan razı olsun) Peyğəmbərin (Allahın salavatı və salamı onun üzərinə olsun) ayaqlarının soyuqluğunu qarnında hiss etdi. Peyğəmbər (Allahın salavatı və salamı onun üzərinə olsun) dedi: Sizə verməyimi istədiyiniz xidmətçidən daha xeyirli olanını sizə öyrədimmi? Onlar: Bəli dedilər və o, (Allahın salavatı və salamı onun üzərinə olsun) dedi: Gecə yatmaq üçün yerinizə uzananda otuz dörd dəfə “Allahu Əkbər” deyərək təkbir gətirin, Otuz üç dəfə “subhənallah" deyərək Allahı təqdis edin, Və otuz üç dəfə “əlhəmdu lilləh" deyərək Allaha həmd edin; Bu zikr sizin üçün xidmətçidən daha xeyirlidir.

Hədisin faydalarından

1. Bu mübarək zikri davamlı etməyin müstəhəbliyi, belə ki, rəvayət olunur ki, Əli (Allah ondan razı olsun) bu peyğəmbərlik vəsiyyətini, Siffin gecəsində belə tərk etməmişdir.
2. Bu zikr yalnız gecə yatmazdan əvvəl deyilir və Müslimdə bu hədisin ləfzi Muaz bin Şubədən nəql edilən rəvayətdə bu cürdür: “ Gecə yatağınıza uzandıqda”.
3. Müsəlman gecənin əvvəlində bu zikri unudub, sonra gecənin sonunda xatırlayarsa, onu söyləməyinin eybi yoxdur; çünki hədisin ravisi Əli (Allah ondan razı olsun) deyir ki, O, Siffin gecəsi, gecənin əvvəlində bu zikri söyləməyi unutdu, daha sonra sübhdən qabaq xatırladı və dedi.
4. Əl-Mühəlləb demişdir: “Hədisdə işarə vardır ki, insan axirəti dünyadan üstün tutduğu kimi, əgər gücləri çatarsa, ailə üzvlərini də buna təşviq etməlidir".
5. İbn Həcər əl-Əsqaləni demişdir: “Kim bu zikri deməkdə davamlı olarsa, çox iş ona zərər verməz və yorulsa belə, bu ona çətin gəlməz.
6. Əl-Ayni demişdir: (Hədisdə bu zikrin) daha xeyirli olması cəhəti ya bu zikrin axirətlə bağlı olması və xidmətçinin isə dünya həyatıyla əlaqəli olmasıdır və axirət daha xeyirli və davamlıdır, ya da onun istədiyi işdə bu zikrlər səbəbiylə xidmətçinin qadir olduğu gücdən artıq iş görmək gücü qazanmasına görədir.