Pagpapanibago: Kapag pumunta kayo sa higaan ninyo o kapag kinuha ninyo ang tulugan ninyo, magsabi kayo ng Allāhu akbar (Si Allāh ay pinakadakila) nang tatlumpu't tatlo, magsabi kayo ng Subhān -llāh (Napakamaluwalhati ni Allāh) nang tatlumpu't tatlo, at magsabi kayo ng Al-ḥamdu lillāh (Ang papuri ay ukol kay Allāh) nang tatlumpu't tatlo.

عن علي بن أبي طالب رضي الله عنه أن رسول الله صلى الله عليه وسلم قال له ولفاطمة: «إذَا أَوَيْتُمَا إِلَى فِرَاشِكُمَا -أَوْ إِذَا أَخَذْتُمَا مَضَاجِعَكُمَا- فَكَبِّرا ثَلاَثًا وَثَلاثِينَ، وَسَبِّحَا ثَلاثًا وَثَلاثِينَ، واحْمِدا ثَلاثًا وَثَلاثِينَ» وفي روايةٍ: التَّسْبيحُ أرْبعًا وثلاثينَ، وفي روايةٍ: التَّكْبِيرُ أرْبعًا وَثَلاَثينَ.
[صحيح] - [متفق عليه. أما رواية أن التسبيح أربع وثلاثون فراوها البخاري]

Ayon kay `Alīy bin Abī Ṭālib, malugod si Allāh sa kanya: Ang Sugo ni Allāh, pagpalain siya ni Allāh at pangalagaan, ay nagsabi sa kanya at kay Fāṭimah: "Kapag pumunta kayo sa higaan ninyo o kapag kinuha ninyo ang tulugan ninyo, magsabi kayo ng Allāhu akbar (Si Allāh ay pinakadakila) nang tatlumpu't tatlo, magsabi kayo ng Subhān -llāh (Napakamaluwalhati ni Allāh) nang tatlumpu't tatlo, at magsabi kayo ng Al-ḥamdu lillāh (Ang papuri ay ukol kay Allāh) nang tatlumpu't tatlo." Sa isang sanaysay: "Ang pagsabi ng Subhān -llāh (Napakamaluwalhati ni Allāh) ay tatlumpu't apat." Sa isang pang sanaysay: "Ang pagsabi ng Allāhu akbar (Si Allāh ay pinakadakila) ay tatlumpu't apat."
Tumpak. - Isinaysay ito ni Imām Al-Bukhārīy.

Ang pagpapaliwanag

Idinaing ni Fāṭimah sa Propeta, pagpalain siya ni Allāh at pangalagaan, ang hirap na dinaranas niya sa gilingan. Humiling siya sa ama niya ng isang katulong. Nagsabi ang Propeta, pagpalain siya ni Allāh at pangalagaan: "Hindi ko ba kayo gagabayan sa higit na mabuti kaysa sa katulong?" Pagkatapos ay pinatnubayan niya silang dalawa sa dhikr na ito na kapag sila ay pumunta sa higaan nila at kinuha ang tulugan nila, magsasabi sila ng Subhān -llāh (Napakamaluwalhati ni Allāh) nang tatlumpu't tatlo, magsasabi sila ng Al-ḥamdu lillāh (Ang papuri ay ukol kay Allāh) nang tatlumpu't tatlo, at magsasabi sila ng Allāhu akbar (Si Allāh ay pinakadakila) nang tatlumpu't apat. Pagkatapos ay nagsabi ang Propeta, ang pagpapala at ang pangangalaga ay sumakanya: "ito ay higit na mabuti para sa inyong dalawa kaysa sa katulong." Alinsunod dito, sunnah para sa tao, kapag kinuha niya ang tulugan niya upang matulog, na magsabi ng Subhāna -llāh (Napakamaluwalhati ni Allāh) nang tatlumpu't tatlo, magsabi ng Al-ḥamdu lillāh (Ang papuri ay ukol kay Allāh) nang tatlumpu't tatlo, at magsabi ng Allāhu akbar (Si Allāh ay pinakadakila) nang tatlumpu't apat. Ito ay isandaang ulit. Tunay na ito ay kabilang sa nakatutulong sa tao sa pagtugon sa mga pangangailangan niya; at siya rin, kapag natulog, ay natutulog sa pag-alaala kay Allāh, kamahal-mahalan Siya at kapita-pitagan.