हदीस: के म तिमीहरूले मागेको भन्दा उत्तम कुरा नभनुँ ? जब तिमीहरू आफ्नो ओछ्यानमा जान्छौ, तब सुत्ने बेला ‘सुब्हानल्लाह’ ३३ पटक, ‘अल्हम्दु-लिल्लाह’ ३३ पटक र ‘अल्लाहु-अक्बर’ ३४ पटक भन, यो तिमी दुवैको लागि नोकर भन्दा राम्रो छ ।”

عَنْ عَلِيٍّ رضي الله عنه:
أَنَّ فَاطِمَةَ رَضيَ اللهُ عنْها أَتَتِ النَّبِيَّ صَلَّى اللهُ عَلَيْهِ وَسَلَّمَ تَشْكُو إِلَيْهِ مَا تَلْقَى فِي يَدِهَا مِنَ الرَّحَى، وَبَلَغَهَا أَنَّهُ جَاءَهُ رَقِيقٌ، فَلَمْ تُصَادِفْهُ، فَذَكَرَتْ ذَلِكَ لِعَائِشَةَ، فَلَمَّا جَاءَ أَخْبَرَتْهُ عَائِشَةُ، قَالَ: فَجَاءَنَا وَقَدْ أَخَذْنَا مَضَاجِعَنَا، فَذَهَبْنَا نَقُومُ، فَقَالَ: «عَلَى مَكَانِكُمَا» فَجَاءَ فَقَعَدَ بَيْنِي وَبَيْنَهَا، حَتَّى وَجَدْتُ بَرْدَ قَدَمَيْهِ عَلَى بَطْنِي، فَقَالَ: «أَلاَ أَدُلُّكُمَا عَلَى خَيْرٍ مِمَّا سَأَلْتُمَا؟ إِذَا أَخَذْتُمَا مَضَاجِعَكُمَا -أَوْ أَوَيْتُمَا إِلَى فِرَاشِكُمَا- فَسَبِّحَا ثَلاَثًا وَثَلاَثِينَ، وَاحْمَدَا ثَلاَثًا وَثَلاَثِينَ، وَكَبِّرَا أَرْبَعًا وَثَلاَثِينَ، فَهُوَ خَيْرٌ لَكُمَا مِنْ خَادِمٍ».
[صحيح] - [متفق عليه] - [صحيح البخاري: 5361]

अली (रजियल्लाहु अन्हु) ले बयान गरेका छन्,
फातिमा (रजियल्लाहु अन्हा) ले चक्की (जाँतो) पीस्दा-पीस्दै उनको हातमा उठेको ठेला देखाउन नबी (सल्लल्लाहु अलैहि वसल्लम) कहाँ गइन् । वास्तवमा, उनले त्यहाँ केही दासहरू आएको सूचना पाएकी थिइन् । तर उहाँलाई भेट्न नसकेपछि सबै कुरा आइशा (रदियल्लाहु अन्हा) सित गरेर फर्किन् । जब उहाँ आउनुभयो, तब आइशा (रजियल्लाहु अन्हा) ले उहाँलाई सबै कुरा भनिन् । अली (अल्लाह सल्लल्लाहु अलैहि वसल्लम) ले थप भने: यो सुनेर, उहाँ हाम्रो घर आउनुभयो र त्यतिबेला हामी ओछ्यानमा गइसकेका थियौं । हामी उहाँको लागि उभिन खोज्यौं, तर उहाँले तिमी दुबैजना आ-आफ्नो ठाउँमा बस भन्दै हामी दुवै जनाको बीचमा बस्नुभयो । यहाँसम्म मैले उहाँको दुवै पाइलाको शीतलता आफ्नो पेटमा महसुस गरें । उहाँले भन्नुभयो : “के म तिमीहरूले मागेको भन्दा उत्तम कुरा नभनुँ ? जब तिमीहरू आफ्नो ओछ्यानमा जान्छौ, तब सुत्ने बेला ‘सुब्हानल्लाह’ ३३ पटक, ‘अल्हम्दु-लिल्लाह’ ३३ पटक र ‘अल्लाहु-अक्बर’ ३४ पटक भन, यो तिमी दुवैको लागि नोकर भन्दा राम्रो छ ।”
[सही] - [बुखारीले वर्णन गरेका छन् - मुत्तफकुन अलैहि] - [सही बुखारी - 5361]

व्याख्या

नबी (सल्लल्लाहु अलैहि वसल्लम) की छोरी फातिमा (रजियल्लाहु अन्हा) ले जाँतो (चक्की) पिस्दा-पिस्दै हातमा उठेको ठेलाबारे गुनासो गरिन् । उता रसूल (सल्लल्लाहु अलैहि वसल्लम) कहाँ केही कैदीहरू ल्याइएका थिए । घरको काममा सघाउन एउटा कामदार चाहियो भनेर उनी आफ्नो बुवाकहाँ पुगिन्, तर उहाँ नभएकोले सबै कुरा आइशा (रदियल्लाहु अन्हा) सित गरेर फर्किन् । जब नबी (सल्लल्लाहु अलैहि वसल्लम) आउनुभयो, तब आइशा (रजियल्लाहु अन्हा) ले फातिमा एउटा सेवक माग्न हजुरलाई भेट्न आएकी कुरा भनिन् । यो सुनेर, उहाँ फातिमा र अली (रजियल्लाहु अन्हुमा) को घर आउनुभयो र त्यतिबेला उनीहरू ओछ्यानमा गइसकेका थिए र सुत्ने तयारीमा थिए । उहाँ दुवै जनाको बीचमा बस्नुभयो । यहाँसम्म अली (रजियल्लाहु अन्हुमा) ले उहाँको दुवै पाइलाको शीतलता आफ्नो पेटमा महसुस गरें । उहाँले भन्नुभयो : के म तिमीहरूलाई तिमीहरूले मागेको भन्दा उत्तम कुरा नभनुँ ? तिनीहरूले भने हो, उहाँले भन्नुभयो: राति आफ्नो ओछ्यानमा सुत्ने बेला ‘अल्लाहु-अक्बर’ ३४ पटक, ‘सुब्हानल्लाह’ ३३ पटक, र ‘अल्हम्दु-लिल्लाह’ ३३ पटक भन । यो दुआ तिमीहरुका लागि नोकर भन्दा राम्रो छ ।