Hadiis: Sẽn be na-kugã tẽngrã, sẽn yaa fusẽka, yaa Bugum pʋgẽ

عَنْ أَبِي هُرَيْرَةَ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«مَا أَسْفَلَ مِنَ الكَعْبَيْنِ مِنَ الإِزَارِ فَفِي النَّارِ».
[صحيح] - [رواه البخاري] - [صحيح البخاري: 5787]

Yii a Abɩɩ Hʋrayrat nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩnga) a yeelame:
«Sẽn be na-kugã tẽngrã, sẽn yaa fusẽka, yaa Bugum pʋgẽ».
[Naṣʋn Ṣahɩɩhʋn (Gom-sikdem sẽn manege)] - [A Al-Bʋẖaariy n togs-a] - [Ṣahɩɩh Al-Bʋẖaary - 5787]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) bugsa rapã tɩ b ra wa tʋg n sik b teedã ye, yẽ yaa bũmb fãa sẽn lut tẽngrã, zem tɩ yaa fuugu, maa pãntãlõ, maa zẽng sẽn ka rẽnda, ra wa tʋg n lud na-kugã tẽngr ye, la bũmb ning sẽn tʋg n lud na-kugã tẽngrã, yẽ bee Bugmẽ, tɩ yaa sẽn na n sɩbg-a a tʋʋmdã yĩnga.

Sẽn be Hɑdiisã yõod-rãmbẽ

1. Hadiisã wilgdame tɩ gɩdgame tɩ b ra woglg fuug t'a wa tʋg n be na-kugã tẽngr ye, sã n yaa ne rapã, la b wilgdame tɩ yaa zũnuub bedre.
2. A ɭbn Hagar (Wẽnd na yols-a) a yeelame: la b tũusame n yiis fuugã sikrẽ wã, sẽn wa n yaa soɑb fãa, ned ning sẽn wa n tʋg n sika fuugã tɩ yaa daruure (pakre), wala ned ning sãmpogr sẽn na n be a na-kugẽ wã, tɩ zõosã namsd-a, bilgr buudu, t'a sã n ka lud-a ne fuugã, t'a sã n ka tar a zẽngã.
3. Bʋ-kãngã welga ne rapã, bala pagbã b sagla bãmba tɩ b tak b futã n sig na-kugã tẽngre, tɩ woglemã ta kãntɩɩga.