Hadiis: Wɩɩbd be ne na-kẽsen-kayã sẽn yaa Bugum, yõk-y koomã tɩ ta
عَنْ عَبْدِ اللهِ بْنِ عَمْرٍو رَضيَ اللهُ عنهما قَالَ:
رَجَعْنَا مَعَ رَسُولِ اللهِ صَلَّى اللهُ عَلَيْهِ وَسَلَّمَ مِنْ مَكَّةَ إِلَى الْمَدِينَةِ حَتَّى إِذَا كُنَّا بِمَاءٍ بِالطَّرِيقِ تَعَجَّلَ قَوْمٌ عِنْدَ الْعَصْرِ، فَتَوَضَّؤُوا وَهُمْ عِجَالٌ، فَانْتَهَيْنَا إِلَيْهِمْ وَأَعْقَابُهُمْ تَلُوحُ لَمْ يَمَسَّهَا الْمَاءُ فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «وَيْلٌ لِلْأَعْقَابِ مِنَ النَّارِ أَسْبِغُوا الْوُضُوءَ».
[صحيح] - [متفق عليه] - [صحيح مسلم: 241]
المزيــد ...
Yii a ʿAbdʋllaah ɭbn ʿAmr nengẽ (Wẽnd yard be b yiibã yĩnga) t'a yeelame:
Tõnd lebgame, tõnd la Wẽnd Tẽn-tʋʋmã, (Wẽnd pʋʋsg la A tɩlgr be a yĩnga), n yi Mak n tʋgd Madiina, halɩ tɩ tõnd wa be koom zĩigẽ sẽn be sorã zugu, tɩ neb yãg Laansarã wakato, n yõge tɩ bãmb yaa sẽn yãgde, tɩ tõnd kẽng b nengẽ, tɩ b na-kãsen-kãya yaa sẽn tonde, tɩ koomã ka ta beenẽ ye, tɩ Wẽnd Tẽn-tʋʋm yeele: (Wẽnd pʋʋsg la A tɩlgr be a yĩnga) «Wɩɩbd be ne na-kẽsen-kayã sẽn yaa Bugum, yõk-y koomã tɩ ta».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 241]
Nabiyaamã (Wẽnd pʋʋsg la A tɩlgr be a yĩnga) toga sore, n yi Mak n rabd Madiina t'a Sahaabsã be ne-a, la sorã zugu b yãa koom, tɩ Ṣahaabsã yãg n yõk koom n na n pʋʋs Laansarã, halɩ tɩ b na-kãsen-kãyã f sã n getẽ f nee wadã koomã sẽn ka ta, tɩ Nabiyaamã yeele (Wẽnd pʋʋsg la A tɩlgr be a yĩnga): nang la halkr be ne neb nins sẽn maand koεεga n ka pegsd b na-kãsen-kãyã koomã yõgb sasa, la a sagl-ba tɩ b maan tɩ ta koomã yõgb pidsg pʋgẽ.
Sẽn be Hɑdiisã yõod-rãmbẽ
- Yaa tɩlae tɩ b pek nao a yiibã koomã yõgbẽ, bala sã n rag n mikame tɩ saagrã sakdame, a kõn n dag n pʋlem pʋleng wẽng ne Bugum ned ning sẽn basa na-kãsen-kãyã n ka pek-b ye.
- Yaa tɩlae tɩ b gũbg koomã yõkr yĩn-wilã, la ned ning sẽn basa pεdg bilfu sẽn yaa tɩlae t'a yɩlg-a pu-toog la yam yaal-yaale n ka pεk-a, a Pʋʋsgã ka maneg ye.
- Wilgda zɩt wilgr la a peegr sẽn yaa zu-loεεg n tɩ ta zĩig ningã.
- Bãngd sõmb n kɩɩsa bũmb ning yẽ sẽn ne, sẽn yaa faril-rãmbã la sunn-rãmbã zaεεmsg la b yeebgã, ne na-kẽndr ning sẽn sakde.
- A Mʋhammad ɭshaaƙ Ad-dahlawɩɩ yeelame: koomã yõk tɩ ta wã yaa kõgb a tãabo: farila: yẽ me la fo modg tɩ zĩigã fãa madg vugri, la Sunnah: yẽnda la pek noor a tãabã, la b sẽn bʋ nonglem: yẽnda la woglg zĩigã n lagem ne noor a tãabã.