ហាទីស្ហ: “វិនាយអន្តរាយដោយភ្លើងនរកសម្រាប់កែងជើងទាំងឡាយដែលលាងមិនបានសព្វ។ ចូរពួកអ្នកយកវូហ្ទុឲ្យបានល្អត្រឹមត្រូវ”។
عَنْ عَبْدِ اللهِ بْنِ عَمْرٍو رَضيَ اللهُ عنهما قَالَ:
رَجَعْنَا مَعَ رَسُولِ اللهِ صَلَّى اللهُ عَلَيْهِ وَسَلَّمَ مِنْ مَكَّةَ إِلَى الْمَدِينَةِ حَتَّى إِذَا كُنَّا بِمَاءٍ بِالطَّرِيقِ تَعَجَّلَ قَوْمٌ عِنْدَ الْعَصْرِ، فَتَوَضَّؤُوا وَهُمْ عِجَالٌ، فَانْتَهَيْنَا إِلَيْهِمْ وَأَعْقَابُهُمْ تَلُوحُ لَمْ يَمَسَّهَا الْمَاءُ فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «وَيْلٌ لِلْأَعْقَابِ مِنَ النَّارِ أَسْبِغُوا الْوُضُوءَ».
[صحيح] - [متفق عليه] - [صحيح مسلم: 241]
المزيــد ...
អំពី អាប់ទុលឡោះ ពិន អាំរ៍ رضي الله عنهما បាននិយាយថា៖
ពួកយើងបានត្រឡប់មកពីក្រុងម៉ាក្កះទៅកាន់ក្រុងម៉ាទីណះជាមួយរ៉ស៊ូលុលឡោះ ﷺ ។ លុះនៅពេលពួកយើងមកដល់កន្លែងមួយដែលមានទឹកនៅតាមផ្លូវ មនុស្សមួយចំនួនបានប្រញាប់ប្រញាល់នៅពេលដល់ពេលសឡាតអាសើរ។ ដូចនេះ ពួកគេក៏បានយកវូហ្ទុយ៉ាងប្រញាប់ប្រញាល់។ នៅពេលពួកយើងទៅដល់ពួកគេ ពួកយើងឃើញកែងជើងរបស់ពួកគេនៅស្ងួត មិនមានត្រូវទឹកឡើយ។ ពេលនោះ រ៉ស៊ូលុលឡោះ ﷺ លោកបានមានប្រសាសន៍ថា៖ “វិនាយអន្តរាយដោយភ្លើងនរកសម្រាប់កែងជើងទាំងឡាយដែលលាងមិនបានសព្វ។ ចូរពួកអ្នកយកវូហ្ទុឲ្យបានល្អត្រឹមត្រូវ”។
[صحيح] - [متفق عليه] - [صحيح مسلم - 241]
ណាពី ﷺ និងសហាហ្ពាត់របស់លោកបានធ្វើដំណើរពីក្រុងម៉ាក្កះទៅកាន់ក្រុងម៉ាទីណះ។ នៅតាមផ្លូវ ពួកគេបានឃើញទឹកមួយកន្លែង។ ពេលនោះ មានសហាហ្ពាត់មួយចំនួនបានប្រញាប់ប្រញាល់យកវូហ្ទុដើម្បីសឡាតអាសើរ រហូតដល់ជើងរបស់ពួកគេស្ងួតមិនបានលាងសម្អាតនឹងទឹកឡើយ។ ពេលនោះ ណាពី ﷺ លោកបានមានប្រសាសន៍ថា ទណ្ឌកម្ម និងភាពវិនាសអន្តរាយក្នុងឋាននរកចំពោះអ្នកដែលធ្វេសប្រហែសមិនបានលាងកែងជើងរបស់ខ្លួនឲ្យសព្វល្អពេលយកវូហ្ទុ ហើយលោកបានបង្គាប់ប្រើពួកគេឲ្យយកវូហ្ទុឲ្យបានពេញលេញ។
មេរៀនដែលទាញបានពីហាទីស្ហ
- ចាំបាច់ត្រូវលាងជើងទាំងពីរក្នុងពេលយកវូហ្ទុ ព្រោះថាប្រសិនបើគេអនុញ្ញាតឲ្យជូតនោះ ច្បាស់ជាមិនមានការព្រមានដោយភ្លើងនរកចំពោះអ្នកដែលមិនបានលាងកែងជើងនោះឡើយ។
- ចាំបាច់ត្រូវលាងអវយវៈដែលត្រូវយកវូហ្ទុឲ្យបានសព្វល្អ ហើយពិតណាស់ ជនណាដែលទុកផ្នែកតូចមួយដែលចាំបាច់ត្រូវលាងដោយចេតនា និងធ្វេសប្រហែសនោះ ការសឡាតរបស់គេមិនត្រឹមត្រូវឡើយ។
- សារៈសំខាន់នៃការបង្រៀននិងណែនាំដល់អ្នកដែលមិនដឹង។
- អ្នកដែលមានចំណេះដឹងត្រូវបដិសេធចំពោះប្រការអាក្រក់ដែលខ្លួនបានឃើញ ដូចជាការធ្វេសប្រហែសចំពោះប្រការដែលជាកាតព្វកិច្ច និងប្រការស៊ូណិតផ្សេងៗដោយវិធីសាស្រ្តសមស្រប។
- មូហាំម៉ាត់ អ៊ីស្ហាក អាត់ហ្ទាសឡើវី បាននិយាយថា៖ ការយកវូហ្ទុបានល្អត្រឹមត្រូវមានបីប្រភេទ៖ ជាប្រការចាំបាច់(វ៉ាជិប)៖ លាងកន្លែងដែលត្រូវលាងឲ្យបានសព្វល្អចំនួនមួយដង។ ជាប្រការគួរគប្បី(ស៊ូណិត) គឺការលាងបីដង។ ជាប្រការដែលគេជំរុញ(មូស្តាហាប់)៖ លាងឲ្យហួសកន្លែងដែលត្រូវលាង រួមជាមួយនឹងលាងវាចំនួនបីដង។
បញ្ជីទាំងអស់
បន្ថែមទៀត
- ហាទីស្ហ: “អល់ឡោះជាម្ចាស់មិនទទួលយកការសឡាតរបស់នរណាម្នាក់ក្នុងចំណោមពួកអ្នកឡើយនៅពេលដែលគេមានហាហ្ទាស(គ្មានភាពជ្រះស្អាត) រហូតទាល់តែគេយកវូហ្ទុ”។
- ហាទីស្ហ: “នៅពេលដែលនរណាម្នាក់ក្នុងចំណោមពួកអ្នកយកវូហ្ទុ ចូរឲ្យគេដាក់ទឹកក្នុងច្រមុះ រួចញើសវាចេញមកវិញ។ ហើយជនណាដែលសម្អាតបន្ទាប់ពីបន្ទោបង់រួចដោយការកិត ចូរឲ្យគេធ្វើវាក្នុងចំនួនសេស
- ហាទីស្ហ: “នៅពេលដែលខ្ញុំបម្រើអល់ឡោះដែលជាអ្នកអ៊ីស្លាម(ឬអ្នកមានជំនឿ)យកវូហ្ទុដោយគេបានលាងមុខរបស់ខ្លួន រាល់បាបកម្មនានាដែលគេបានមើលនឹងភ្នែករបស់គេនឹងហូរចេញពីមុខរបស់គេជាមួយទឹក(ឬជាមួយនឹងតំណក់ទឹកចុងក្រោយ)។