Hadith: “នៅពេលដែលខ្ញុំបម្រើអល់ឡោះដែលជាអ្នកអ៊ីស្លាម(ឬអ្នកមានជំនឿ)យកវូហ្ទុដោយគេបានលាងមុខរបស់ខ្លួន រាល់បាបកម្មនានាដែលគេបានមើលនឹងភ្នែករបស់គេនឹងហូរចេញពីមុខរបស់គេជាមួយទឹក(ឬជាមួយនឹងតំណក់ទឹកចុងក្រោយ)។

عَنْ أَبِي هُرَيْرَةَ رَضيَ اللهُ عنهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«إِذَا تَوَضَّأَ الْعَبْدُ الْمُسْلِمُ -أَوِ الْمُؤْمِنُ- فَغَسَلَ وَجْهَهُ خَرَجَ مِنْ وَجْهِهِ كُلُّ خَطِيئَةٍ نَظَرَ إِلَيْهَا بِعَيْنَيْهِ مَعَ الْمَاءِ -أَوْ مَعَ آخِرِ قَطْرِ الْمَاءِ-، فَإِذَا غَسَلَ يَدَيْهِ خَرَجَ مِنْ يَدَيْهِ كُلُّ خَطِيئَةٍ كَانَ بَطَشَتْهَا يَدَاهُ مَعَ الْمَاءِ -أَوْ مَعَ آخِرِ قَطْرِ الْمَاءِ-، فَإِذَا غَسَلَ رِجْلَيْهِ خَرَجَتْ كُلُّ خَطِيئَةٍ مَشَتْهَا رِجْلَاهُ مَعَ الْمَاءِ -أَوْ مَعَ آخِرِ قَطْرِ الْمَاءِ- حَتَّى يَخْرُجَ نَقِيًّا مِنَ الذُّنُوبِ».
[صحيح] - [رواه مسلم] - [صحيح مسلم: 244]

អំពី អាពូហ៊ូរ៉យរ៉ោះ رضي الله عنه ពិតណាស់ រ៉ស៊ូលុលឡោះ ﷺ លោកបានមានប្រសាសន៍ថា៖
“នៅពេលដែលខ្ញុំបម្រើអល់ឡោះដែលជាអ្នកអ៊ីស្លាម(ឬអ្នកមានជំនឿ)យកវូហ្ទុដោយគេបានលាងមុខរបស់ខ្លួន រាល់បាបកម្មនានាដែលគេបានមើលនឹងភ្នែករបស់គេនឹងហូរចេញពីមុខរបស់គេជាមួយទឹក(ឬជាមួយនឹងតំណក់ទឹកចុងក្រោយ)។ នៅពេលដែលគេលាងដៃទាំងពីររបស់ខ្លួន រាល់បាបកម្មនានាដែលដៃទាំងពីររបស់គេបានកាន់នឹងហូរចេញពីដៃទាំងពីររបស់គេជាមួយទឹក(ឬជាមួយតំណក់ទឹកចុងក្រោយ)។ នៅពេលដែលគេលាងជើងទាំងពីររបស់ខ្លួន រាល់បាបកម្មនានាដែលជើងទាំងពីររបស់គេបានដើរទៅធ្វើនោះនឹងហូរចេញពីជើងទាំងពីររបស់គេជាមួយទឹក(ឬជាមួយតំណក់ទឹកចុងក្រោយ) រហូតដល់គេចេញពីវូហ្ទុមកដោយជ្រះស្អាតពីបាបកម្មទាំងឡាយ”។
[صحيح] - [رواه مسلم] - [صحيح مسلم - 244]

Explanation

ណាពី ﷺ លោកបានបញ្ជាក់ថា នៅពេលអ្នកអ៊ីស្លាម ឬអ្នកមានជំនឿយកវូហ្ទុ នៅពេលដែលគេលាងមុខរបស់គេក្នុងពេលយកវូហ្ទុនោះ រាល់បាបកម្មតូចៗទាំងឡាយដែលគេបានមើលដោយភ្នែកទាំងគូរបស់គេនឹងហូរចេញមកជាមួយនឹងទឹកដែលធ្លាក់ចេញក្រោយការលាង ឬជាមួយនឹងតំណក់ទឹកចុងក្រោយ។ នៅពេលដែលគេលាងដៃទាំងពីររបស់ខ្លួន រាល់បាបកម្មតូចៗទាំងឡាយដែលដៃទាំងពីររបស់គេបានកាន់នឹងហូរចេញពីដៃទាំងពីររបស់គេជាមួយទឹក ឬជាមួយតំណក់ទឹកចុងក្រោយ។ ហើយនៅពេលដែលគេលាងជើងទាំងពីររបស់ខ្លួន រាល់បាបកម្មតូចៗទាំងឡាយដែលជើងទាំងពីររបស់គេបានដើរទៅធ្វើនោះនឹងហូរចេញពីជើងទាំងពីររបស់គេជាមួយទឹក ឬជាមួយតំណក់ទឹកចុងក្រោយ រហូតដល់ពេលដែលគេបញ្ចប់ការយកវូហ្ទុ រូបគេនឹងចេញមកដោយភាពជ្រះស្អាតពីបាបកម្មតូចៗទាំងឡាយ។

Benefits from the Hadith

1. ឧត្តមភាពនៃការថែរក្សាលើការយកវូហ្ទុ ហើយពិតណាស់ វាជម្រុះចោលនូវបាបកម្មទាំងឡាយ។
2. ក្នុងចំណោមការចង្អុលបង្ហាញរបស់ណាពី ﷺ គឺលោកលើកទឹកចិត្តមនុស្សឱ្យគោរពប្រតិបត្តិ និងគោរពសក្ការៈដោយរំលឹកពីផលបុណ្យនៃទង្វើនោះ។
3. រាល់សរីរាង្គនីមួយៗរបស់មនុស្ស គឺធ្លាក់ក្នុងអំពើបាបមួយចំនួន។ ដូច្នេះ បាបកម្មទាំងឡាយ គឺវាតោងជាប់នឹងសរីរាង្គនីមួយៗដែលបានប្រព្រឹត្តអំពើបាប ហើយវានឹងហូរចេញឬជ្រុះចេញពីសរីរាង្គនីមួយៗដែលបានសារភាពកំហុស(តាវហ្ពាត់)។
4. ការយកវូហ្ទុ គឺជាការជម្រះសម្អាតរូបីតាមរយៈការលាងសម្អាតអវយវៈដែលត្រូវយកវូហ្ទុ និងជាការជម្រះសម្អាតអរូបីតាមរយៈការជម្រះសម្អាតនូវបាបកម្មដែលបានប្រព្រឹត្តដោយអវយវៈទាំងនោះ។