Hadiis: Sãnem ne sãnem, la wanzur ne wanzuri, la Bʋrr ne Bʋrri la saʿɩɩr ne saʿɩɩr la tamarʋ ne tamarʋ, la yamsem ne yamsem, (tekdame) yembr fãa ne a to, tɩ zems taaba, kõ la reege, nug ne nugu, la kõb-kãensã sã n yõsa taaba, tɩ y na n koos ne taaba, bɩ y koos wala y sẽn tʋll to-to ninga, tɩ sã n yaa nug ne nugu, (kõ la reege)

عَنْ عُبَادَةَ بْنِ الصَّامِتِ رَضيَ اللهُ عنهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«الذَّهَبُ بِالذَّهَبِ، وَالْفِضَّةُ بِالْفِضَّةِ، وَالْبُرُّ بِالْبُرِّ، وَالشَّعِيرُ بِالشَّعِيرِ، وَالتَّمْرُ بِالتَّمْرِ، وَالْمِلْحُ بِالْمِلْحِ، مِثْلًا بِمِثْلٍ، سَوَاءً بِسَوَاءٍ، يَدًا بِيَدٍ، فَإِذَا اخْتَلَفَتْ هَذِهِ الْأَصْنَافُ، فَبِيعُوا كَيْفَ شِئْتُمْ، إِذَا كَانَ يَدًا بِيَدٍ».
[صحيح] - [رواه مسلم] - [صحيح مسلم: 1587]

Yii a ʿƲbaadat ɭbn Ṣaamit nengẽ, (Wẽnd yard be a yĩnga) tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) a yeelame:
«Sãnem ne sãnem, la wanzur ne wanzuri, la Bʋrr ne Bʋrri la saʿɩɩr ne saʿɩɩr la tamarʋ ne tamarʋ, la yamsem ne yamsem, (tekdame) yembr fãa ne a to, tɩ zems taaba, kõ la reege, nug ne nugu, la kõb-kãensã sã n yõsa taaba, tɩ y na n koos ne taaba, bɩ y koos wala y sẽn tʋll to-to ninga, tɩ sã n yaa nug ne nugu, (kõ la reege)».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 1587]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) vẽnegdame n wilgdẽ, koosmã na-kẽndr sẽn manegã, yεl a yoob nins rɩbaag sẽn kẽed b pʋgẽ wã, bãmb me la: sãnem, la wanzuri, la Bʋrre, la saʿɩɩr, la tamarʋ, la yamsem. Rẽnd sã n mikame tɩ yaa buud a yembre la na n tek ne taaba, wala koos sãnem ne sãnem, la wanzur ne wanzuri...yaa tɩlae tɩ sart a yiib zĩndi: Rẽenemã: yaa b zɩslemã yɩ yembre b peesgẽ wã, tɩ sã n yaa bũmb sẽn peesde, wala sãnem la wanzuri, maa b yɩ yembr vũgbẽ wã tɩ sã n yaa bũmb sẽn vũgdi, wala bʋrr la sa'ɩɩrã (ki buudu) la tamarʋ la yamsem. Yiib soaba: yaa tɩ koaasda reeg ligdã tɩ raadã reeg bũmbã, la woto yaa koosmã gãnegr zĩigẽ. Rẽnd kõb-kãensã sã n yõs taaba, wala rɩk sãnem n koos ne wanzuri, la rɩk tamarʋ n koos ne bʋrr bilgri, wakat-kãnga koosmã sakdame ne sart a yembre, yẽ yaa koaasã reeg a ligdã tɩ raadã reeg a bũmbã (lɑogã) gãgbã zĩigẽ, sã n ka rẽ (kũunã maa reegrã sã n yaoole) koosmã ka manegd ye, b lʋɩɩ rɩbaag sẽn yaa haraamã pʋgẽ koaasdã la raadã fãa yaa yembr yel-kãngã pʋgẽ.

Sẽn be Hɑdiisã yõod-rãmbẽ

1. A sẽn vẽneg n wilgd arzεgs nins rɩbaagã sẽn kẽed b pʋgẽ wã, la koosg sẽn yɩt to-to b pʋgẽ.
2. Yaa b sẽn gɩdg tɩ b ra koos rɩbaag koosem.
3. Ligd vãtã tara sãnemã la wanzurã bʋʋdo, sẽn kẽed ne rɩbaagã wεεngẽ.
4. Yεl a yoob nins rɩbaagã sẽn kẽedã, b raab la b koosem halhaal-rãmba: 1-Yaa b sẽn na rɩk bũmb ning rɩbaagã sẽn kẽedã n koos ne bũmb rɩbaag sẽn kẽede, tɩ b yaa kõb-yεnga, wala sãnem ne sãnem la tamarʋ ne tamarʋ...rẽnd sart a yiib la b ning-yã sẽn na yɩl tɩ koos-kãngã manege: yaa b yɩ yembr zɩslemẽ wã la vũgbẽ wã, la reegrã la kũunã yɩ zĩig a yembre koosmã loeesẽ. 2-Yaa b sẽn na koos bũmb ning rɩbaag sẽn kẽed a pʋgẽ ne bũmb a to rɩbaag sẽn kẽed a pʋgẽ, la a kõbgã yõsa taaba la Rɩbqqgã sababã yaa a yembre, wala sãnem ne wanzuri, la bʋrr ne sa'ɩɩr (ki-buudu), wakat-kãngã yaa kõ la reeg zĩig a yembrã la b maan sarte, la a zemes taab zɩslemẽ wã la vũgbẽ wã ka naag ye. 3-Yaa b sẽn na koos bũmb rɩbaag sẽn kẽed a pʋgẽ ne bũmb a to rɩbaag sẽn kẽede, la a yaa kõbg a to, sẽn lagem ne rẽ rɩbaagã sabab yõsa taaba, rẽnd wakat-kãngã sart ka be ye, ka kõ la reega sarto, la zemes taabã me ye, wala rɩk sãnem n koos ne tamarʋ.
5. Yεl nins rɩbaag sẽn ka kẽedã b koosg la b raabo, maa tɩ b yiibã yembr rɩbaag kẽedame tɩ to wã rɩbaag ka kẽed ye; sart ka be beenẽ, ka kõ la reeg zĩig pʋgẽ, ka baood tɩ b yɩ yembre, wala sẽn na n rɩk zĩiga n koos ne sãnem.