حدیث: لاس پرې کېږي که څوک د دینار څلورمه برخه او یا له دې پورته غلا کړي
عَنْ عَائِشَةَ أُمِّ المؤْمنينَ رَضيَ اللهُ عنها قَالَت: قَالَ النَّبِيُّ صَلَّى اللهُ عَلَيْهِ وَسَلَّمَ:
«تُقْطَعُ اليَدُ فِي رُبُعِ دِينَارٍ فَصَاعِدًا».
[صحيح] - [متفق عليه] - [صحيح البخاري: 6789]
المزيــد ...
د مؤمنانو له مور؛ عائشې رضي الله عنها څخه روایت دی هغې ویلي چې: رسول الله ﷺ فرمایلي:
«لاس پرې کېږي که څوک د دینار څلورمه برخه او یا له دې پورته غلا کړي».
[صحيح] - [متفق علیه دی ( بخاري اومسلم دواړو روایت کړی دی)] - [صحیح بخاري - 6789]
نبي ﷺ څرګنده کړه چې د غل لاس هغه مهال پرې کېږي چې د غلا شوې توکي اندازه د دینار د څلورمې برخې او یا له دې زیاته اندازه وي، چې دا قیمت شاوخوا له ۱.۰۶ ګرامه سروزرو سره برابر دی.
د حديث له ګټو څخه
- غلا د لویو ګناهونو (کبایرو) څخه ده.
- الله سبحانه وتعالى د غلا کوونکي لپاره جزا ټاکلې، چې هغه د لاس پرې کول دي، لکه څنګه چې په قرآن کې راغلي: او د غل سړي او غلې ښځې دواړو لاسونه پرې کړئ، [المائدة سورت: 38آیت ]، چې سنت د دې پرې کول روښانه کړي دي.
- په حدیث کې د «لاس» څخه موخه په بند (مړوند) کې لاس پرې کول دي یعنې د پنجې او مټ تر منځه بند کې.
- د غلا کوونکي د لاس پرې کولو حکمت دا دی چې د خلکو شتمني وساتل شي او نور خلک د تېري کولو او غلا څخه منع شي.
- د دینار وزن یو مثقال سره زر دی، چې اوس مهال د ۲۴ قیراطه طلا د شاوخوا ۴.۲۵ ګرامه سره مساوي کېږي؛ نو د دینار څلورمه برخه څه د پاسه یو ګرام کېږي.