ഹദീസ്: ഒരു ദീനാറിൻ്റെ നാലിലൊന്ന് മുതൽ മുകളിലേക്ക് മോഷ്ടിച്ചാൽ കൈ മുറിക്കേണ്ടതാണ്
عَنْ عَائِشَةَ أُمِّ المؤْمنينَ رَضيَ اللهُ عنها قَالَت: قَالَ النَّبِيُّ صَلَّى اللهُ عَلَيْهِ وَسَلَّمَ:
«تُقْطَعُ اليَدُ فِي رُبُعِ دِينَارٍ فَصَاعِدًا».
[صحيح] - [متفق عليه] - [صحيح البخاري: 6789]
المزيــد ...
ആഇശ -رَضِيَ اللَّهُ عَنْهَا- നിവേദനം: നബി -ﷺ- പറഞ്ഞു:
"ഒരു ദീനാറിൻ്റെ നാലിലൊന്ന് മുതൽ മുകളിലേക്ക് മോഷ്ടിച്ചാൽ കൈ മുറിക്കേണ്ടതാണ്."
[സ്വഹീഹ്] - [ബുഖാരിയും മുസ്ലിമും ഉദ്ധരിച്ചത്] - [صحيح البخاري - 6789]
ഒരു ദീനാർ സ്വർണ്ണത്തിൻ്റെ നാലിലൊന്നോ അതിൽ കൂടുതലോ ഒരാൾ മോഷ്ടിച്ചാൽ, മോഷ്ടാവിൻ്റെ കൈ ഛേദിക്കുക എന്ന നിയമം അയാളുടെ കാര്യത്തിൽ നടപ്പിലാക്കാം എന്ന് നബി (ﷺ) വിശദീകരിക്കുന്നു. 1.06 ഗ്രാം സ്വർണ്ണത്തിൻ്റെ മൂല്യത്തിന് തുല്യമായ വസ്തുക്കൾ ഈ പറഞ്ഞതിൽ ഉൾപ്പെടും.
ഹദീഥിൻ്റെ പാഠങ്ങളിൽ നിന്ന്
- വൻപാപങ്ങളിൽ പെട്ട തിന്മയാണ് മോഷണം.
- മോഷ്ടാവിൻ്റെ ശിക്ഷ അല്ലാഹു വ്യക്തമായി നിർണ്ണയിച്ചിരിക്കുന്നു; അവൻ്റെ കൈ ഛേദിക്കപ്പെടണം എന്നതാണത്. അല്ലാഹു പറയുന്നു: "മോഷ്ടാവായ പുരുഷൻ്റെയും സ്ത്രീയുടെയും കൈകൾ നിങ്ങൾ ഛേദിക്കുക." (മാഇദഃ: 38) ഈ വിധി നടപ്പിലാക്കേണ്ടതിൻ്റെ നിബന്ധനകൾ നബി (ﷺ) യുടെ ഹദീഥുകളിലാണ് വിവരിക്കപ്പെട്ടിട്ടുള്ളത്.
- കൈത്തണ്ടയും കൈപ്പത്തിയും ചേരുന്ന സന്ധിയിൽ വെട്ടിക്കൊണ്ട്, കൈപ്പത്തിയാണ് വെട്ടിനീക്കേണ്ടത്. കൈ എന്നത് കൊണ്ട് ഹദീഥിൽ ഉദ്ദേശിക്കുന്നത് അതാണ്.
- മോഷ്ടാവിൻ്റെ കൈ ഛേദിക്കുന്നതിൻ്റെ പിന്നിലെ യുക്തി ജനങ്ങളുടെ സമ്പത്ത് സംരക്ഷിക്കുക എന്നതും, സമാനമായ അതിക്രമങ്ങൾക്ക് മുതിരാൻ തുനിയുന്നവരെ ഭയപ്പെടുത്തുക എന്നതുമാണ്.
- ദീനാർ എന്നത് (നബി (ﷺ) യുടെ കാലഘട്ടത്തിൽ) ഒരു മിഥ്ഖാൽ സ്വർണ്ണമാണ്. ഇക്കാലഘട്ടത്തിൽ 4.25 ഗ്രാം (24 കാരറ്റ്) സ്വർണ്ണത്തിന് തുല്യമാണത്. ദീനാറിൻ്റെ നാലിലൊന്ന് എന്നാൽ ഒരു ഗ്രാമിനേക്കാൾ കുറച്ച് അധികമാണ് വരിക.
കൂടുതൽ
- ഹദീസ്: മൂന്ന് ദിർഹം വിലയുള്ള ഒരു പരിച മോഷ്ടിച്ചതിന് നബി (ﷺ) ഒരാളുടെ കൈ വെട്ടുകയെന്ന ശിക്ഷ നടപ്പിലാകുകയുണ്ടായി.
- ഹദീസ്: ആരെങ്കിലും ഒരു ശിക്ഷാർഹമായ തിന്മ പ്രവർത്തിക്കുകയും അതിനുള്ള ശിക്ഷ ഇഹലോകത്ത് നിന്ന് അവന് നേരത്തെ നൽകപ്പെടുകയും ചെയ്താൽ തൻ്റെ അടിമയുടെ ശിക്ഷ പരലോകത്തും ആവർത്തിക്കുക എന്നത് നീതിമാനായ അല്ലാഹുവിൽ നിന്നുണ്ടാവുകയില്ല
- ഹദീസ്: മഖ്സും ഗോത്രക്കാരിയായ മോഷ്ടിച്ച പെണ്ണിൻറെ കാര്യം ഖുറൈശികൾക്ക് പ്രയാസമുണ്ടാക്കി.