Hadith: “Ny fon’ny zanak’i Adama dia eo anelanelan’ny rantsan-tànan’Ilay Mpamindra fo, toy ny fo iray, ary ataony amin’izay tiany hatao izany.”

عَن عَبْدِ اللهِ بْنِ عَمْرِو بْنِ الْعَاصِ رضي الله عنهما أَنَّهُ سَمِعَ رَسُولَ اللهِ صَلَّى اللهُ عَلَيْهِ وَسَلَّمَ، يَقُولُ:
«إِنَّ قُلُوبَ بَنِي آدَمَ كُلَّهَا بَيْنَ إِصْبَعَيْنِ مِنْ أَصَابِعِ الرَّحْمَنِ، كَقَلْبٍ وَاحِدٍ، يُصَرِّفُهُ حَيْثُ يَشَاءُ» ثُمَّ قَالَ رَسُولُ اللهِ صَلَّى اللهُ عَلَيْهِ وَسَلَّمَ: «اللهُمَّ مُصَرِّفَ الْقُلُوبِ صَرِّفْ قُلُوبَنَا عَلَى طَاعَتِكَ».
[صحيح] - [رواه مسلم] - [صحيح مسلم: 2654]

Tatitra azo avy amin'i Abdillah ibn 'Amr ibn Al-'às (R.A) niteny : Izaho naheno an'ilay Irak'Allah niteny hoe :
“Ny fon’ny zanak’i Adama dia eo anelanelan’ny rantsan-tànan’Ilay Mpamindra fo, toy ny fo iray, ary ataony amin’izay tiany hatao izany.” Avy eo niteny i Mpaminany (S.A.W) manao hoe : “Tompo Allah ô! Ianao no Mpamadibadika ny fo, ka apetraho eo amin'ny fankatoavana anao ny fonay".
[Mari-pototra] - [Notantaraiin'i Moslim] - [Sahìh Moslim - 2654]

Ny fanazavana

Ny Mpaminany (S.A.W) dia nampahafantatra fa ny fon’ny zanak’i Adama rehetra dia eo anelanelan’ny rantsantanan’Ilay Mpamindra fo ary toy ny fo iray. Ataony amin’izay tiany anaovana azy; Raha sitrany dia apetrany amin’ny fahamarinana izany, ary raha sitrany, dia ataony hiala amin’ny fahamarinana, ary ny famadiany azy ao amin’ny fo rehetra dia tahaka ny fitondran-tenan’ny olona iray, ary Allah Tsitoha tsy mibahana azy amin’ny raharaha iray aorian’izany. Avy eo dia nanao Douan i Mpaminany (S.A.W) manao hoe : Allah ô, Ianao no Mpamadibadika ny fo indraindray mankany amin'ny fankatoavana ary indraindray any amin'ny fahotana, indraindray amin’ny fahatsiarovana ary indraindray amin’ny tsy fitandremana. Ka atsatohy ao anaty fankatovana anao ny fonay.

Lesona azo avy amin'ny Hadith

1. Porofon’ny anjara, ary Allah no mitantana ny fon’ny mpanompony araka ny anjara izay efa nosoratany ho azy ireo.
2. Ny mpino silamo dia tsy maintsy mangataka mandrakariva amin'ny Tompony mba tsy hivadika amin'ny fahamarinana sy ny fitarihana.
3. Ny fahatahorana an’I Allah sy ny firaiketam-po Aminy irery ihany, tsy misy mpiara-miasa.
4. Hoy i Al-Ajri : Ny olon’ny fahamarinana dia mamaritra an’I Allah ilay Tsitoha amin’izay nambarany ny Tenany, amin’izay namaritan’ny irak’Allah azy, ary amin’izay nambaran’ny mpanaradia azy ireo, ary izany no foto-pampianaran’ny manam-pahaizana izay mpanaraka sy tsy namorona zava-baovao. vita. Ny Sonnit dia manamafy amin'I Allah izay nohamafisiny momba ny tenany amin'ny anarana sy ny toetra tsy misy fanodinkodinana, fanakorontanana, fanamafisana na fanehoana, ary mandà amin'I Allah izay nolaviny avy Aminy, ary mangina amin'izay tsy lavina no tsy voamarina, niteny I Allah manao hoe: (Tsy misy mitovy Aminy, ary Izy no Mandre sy Mahita ny zava-drehetra).