Ab Adiis: xoli doomi Aadama yépp ñoo ngi ci diggante ñaari baaraam ci baaraami Yàlla miy Yërëmaakoon bi, mel ni benn xol, mu koy wëlbati jëme fu ko soob

عَن عَبْدِ اللهِ بْنِ عَمْرِو بْنِ الْعَاصِ رضي الله عنهما أَنَّهُ سَمِعَ رَسُولَ اللهِ صَلَّى اللهُ عَلَيْهِ وَسَلَّمَ، يَقُولُ:
«إِنَّ قُلُوبَ بَنِي آدَمَ كُلَّهَا بَيْنَ إِصْبَعَيْنِ مِنْ أَصَابِعِ الرَّحْمَنِ، كَقَلْبٍ وَاحِدٍ، يُصَرِّفُهُ حَيْثُ يَشَاءُ» ثُمَّ قَالَ رَسُولُ اللهِ صَلَّى اللهُ عَلَيْهِ وَسَلَّمَ: «اللهُمَّ مُصَرِّفَ الْقُلُوبِ صَرِّفْ قُلُوبَنَا عَلَى طَاعَتِكَ».
[صحيح] - [رواه مسلم] - [صحيح مسلم: 2654]

Jële nañu ci Abdullah Ibn Amr Ibnul Haas -yal na leen Yàlla dollee gërëm- mu dégg Yonnente Yàlla bi -yal na ko Yàlla dolli xéewal ak mucc- muy wax ne:
"xoli doomi Aadama yépp ñoo ngi ci diggante ñaari baaraam ci baaraami Yàlla miy Yërëmaakoon bi, mel ni benn xol, mu koy wëlbati jëme fu ko soob" topp Yonnente Yàlla bi yal na ko Yàlla dolli xéewal ak mucc daal di wax ne: "yaw sama Boroom Aji-Wëlbati xol yi jëmaleel sunu xol yi ci topp la".
[Wér na] - [Muslim soloo na ko] - [Téere Muslim bi gën a wér - 2654]

Leeral

Yonnente bi yal na ko Yàlla dolli xéewal ak mucc day xamle ne xoli doomi Aadama yépp ñoo ngi ci diggante ñaari baaraam ci baaraami Yàlla miy Aji-Yërëme mel ni benn xol, mu koy jëmale fu ko soob; bu ko soobee mu jubal ko ci dëgg, bu ko soobee mu jengal ko wolif dëgg ga, te ag wëlbateem ci xol yépp day mel ni wëlbati benn xol, benn mbir su ko soxlaal moom Aji-Sell wolif beneen mbir, topp Yonnente bi yal na ko Yàlla dolli xéewal ak mucc daal di ñaan, wax ne: yaw sama Boroom miy Aji-Wëlbati xol yi leeg-leeg mu jëm ci ag topp, leeg-leeg mu jëm ci ag moy, leeg-leeg ci sikar leeg-leeg ci càggante, jëmaleel sunu xol yi ci topp la.

Bokk na ci njariñi Adiis bi

1. Saxal dogal yi, ak ne Yàlla mooy jëmale xoli jaamam yi ci kem dogal ya mu bind ci ñoom.
2. Jaadu na ci jullit bi mu sax ci ñaan Boroomam ag sax ci dëgg ak njub.
3. Ragal Yàlla ak aju ci Moom dong amul bokkaale.
4. Al-Aajurrii nee na: (ñoñ-dëgg ñi dañuy melal Yàlla mu màgg mi ci li mu melale boppam moom Aji-Màgg ji, ak ci li ko Yonnenteem bi yal na ko Yàlla dolli xéewal ak mucc melale, ak li ko Sahaaba yi yal na leen Yàlla dollee gërëm melale, lii mooy yoonu woroom xam-xam yiy topp te sosuñu.) Waa sunna dañuy saxalal Yàlla li mu saxalal boppam ci ay tur ak i melo ci lu dul soppi du caagine neenal, ci lu dul melale du caagine it niróole, ñuy dàq ci Yàlla li mu dàqal boppam, di noppi ci loo xam ne dàq gi ak saxal gi dara rotu ci, Yàlla mu kawe mi nee na: (dara melul ni moom te mooy Aji-Dégg ji di Aji-Gis ji).