हदीस: जमातका साथ पढिएको नमाज बजार वा घरमा पढिएको नमाज भन्दा बीस दर्जा बढी हुन्छ
عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«صَلَاةُ الرَّجُلِ فِي جَمَاعَةٍ تَزِيدُ عَلَى صَلَاتِهِ فِي بَيْتِهِ وَصَلَاتِهِ فِي سُوقِهِ بِضْعًا وَعِشْرِينَ دَرَجَةً، وَذَلِكَ أَنَّ أَحَدَهُمْ إِذَا تَوَضَّأَ فَأَحْسَنَ الْوُضُوءَ، ثُمَّ أَتَى الْمَسْجِدَ لَا يَنْهَزُهُ إِلَّا الصَّلَاةُ، لَا يُرِيدُ إِلَّا الصَّلَاةَ، فَلَمْ يَخْطُ خَطْوَةً إِلَّا رُفِعَ لَهُ بِهَا دَرَجَةٌ، وَحُطَّ عَنْهُ بِهَا خَطِيئَةٌ، حَتَّى يَدْخُلَ الْمَسْجِدَ، فَإِذَا دَخَلَ الْمَسْجِدَ كَانَ فِي الصَّلَاةِ مَا كَانَتِ الصَّلَاةُ هِيَ تَحْبِسُهُ، وَالْمَلَائِكَةُ يُصَلُّونَ عَلَى أَحَدِكُمْ مَا دَامَ فِي مَجْلِسِهِ الَّذِي صَلَّى فِيهِ، يَقُولُونَ: اللهُمَّ ارْحَمْهُ، اللهُمَّ اغْفِرْ لَهُ، اللهُمَّ تُبْ عَلَيْهِ، مَا لَمْ يُؤْذِ فِيهِ، مَا لَمْ يُحْدِثْ فِيهِ».
[صحيح] - [متفق عليه] - [صحيح مسلم: 649]
المزيــد ...
अबू-हुरैरह (रजियल्लाहु अन्हु) ले बयान गरेका छन्, रसूल (सल्लल्लाहु अलैहि वसल्लम) ले भन्नुभएको छ :
"जमातका साथ पढिएको नमाज बजार वा घरमा पढिएको नमाज भन्दा बीस दर्जा बढी हुन्छ । तिमीहरूमध्ये जब कसैले वुजू गर्छ अनि राम्रो तरिकाले वुजू गर्छ अनि नमाज पढ्ने मनसायले मस्जिद जान्छ भने मस्जिद नपुगेसम्म उसले चालेको हरेक कदमको बदलामा एक पुण्य पाउँछ र एउटा पाप क्षमा हुन्छ । मस्जिदमा प्रवेश गरिसकेपछि नमाजको लागि पर्खन्छ र जबसम्म ऊ मस्जिदमा हुन्छ, ऊ उपासनामा रहन्छ । तिमीहरूमध्ये यदि कसैले नमाज पढेर आफ्नो ठाउँमा बसिरहन्छ भने जबसम्म उसले कसैलाई चोट पुर्याउँदैन र उसको वुजु टुटेको छैन भने फरिश्ता (स्वर्गदूत) हरूले उसको लागि प्रार्थना गरिरहन्छन् : हे अल्लाह, ऊ माथि दया गर्नुहोस्, हे अल्लाह, उसलाई माफ गर्नुहोस्, हे अल्लाह, उसको पश्चात्ताप स्वीकार गर्नुहोस् ।"
[सही] - [मुत्तफकुन अलैहि] - [सही मुस्लिम - 649]
रसूल (सल्लल्लाहु अलैहि वसल्लम) ले हामीलाई भन्नुभएको छ, यदि एक मुस्लिमले जमातका साथ नमाज पढ्छ भने, त्यो उसको घर वा बजारमा पढिएको नमाज भन्दा बीस गुणा राम्रो हुन्छ । त्यसपछि उहाँले त्यसको कारण बताउनुभयो: यदि कुनै व्यक्तिले वुजू गर्छ र राम्रोसँग वुजू गर्छ अनि नमाज पढ्ने मनसायले मस्जिद जान्छ भने उसले चालेको हरेक कदमप्रति एउटा पुण्य पाउँछ र उसको एउटा पाप मेटाइन्छ । यदि ऊ मस्जिदमा प्रवेश गर्छ र नमाजको लागि जबसम्म पर्खन्छ, उसले नमाजको पुण्य पाउनेछ र नमाज पढेर आफ्नो ठाउँमा जबसम्म बसिरहन्छ, फरिश्ता (स्वर्गदूत) हरूले उसको लागि प्रार्थना गर्छन् : "हे अल्लाह, उसलाई माफ गर्नुहोस्, हे अल्लाह, ऊ माथि कृपा गर्नुहोस्, हे अल्लाह, उसको पश्चात्ताप स्वीकार गर्नुहोस् ।" जबसम्म उसले आफ्नो वुजु तोड्दैन वा मानिसहरू वा स्वर्गदूतहरूलाई हानि पुर्याउने कुनै काम गर्दैन ।
हदीसका केही फाइदाहरू
- आफ्नो घर वा बजारमा एक्लै नमाज पढ्नु जायज हो, तर यदि उसले बिना कुनै जायज बहाना जमात छोड्यो भने ऊ पापको भागिदार बन्छ ।
- मस्जिदमा जमातका साथ नमाज पढ्नु एक्लै पढ्नु भन्दा २५ वा २६ वा २७ दर्जा राम्रो हो ।
- फरिश्ता (स्वर्गदूत) हरूको एक कार्य भनेको मुमिनहरूको लागि दुआ (प्रार्थना) गर्नु हो ।
- वुजू गरेर मस्जिद जाने श्रेष्ठता ।
वर्गीकरण
थप
- हदीस: के तपाईं अजान सुन्नुहुन्छ ?" उनले जवाफ दिए: हो, म सुन्छु, त्यसपछि उहाँले भन्नुभयो: "त्यसो भए तपाईले नमाज पढ्न मस्जिदमा आउनुपर्छ ।
- हदीस: (नमाजमा) पुरुषहरूको सबैभन्दा राम्रो पङ्क्ति (सफ) तिनीहरूको पहिलो पङ्क्ति हो र सबैभन्दा खराब पङ्क्ति तिनीहरूको अन्तिम पङ्क्ति हो । जबकि महिलाहरूको सबैभन्दा राम्रो पङ्क्ति तिनीहरूको अन्तिम पङ्क्ति हो र सबैभन्दा खराब पङ्क्ति तिनीहरूको पहिलो पङ्क्ति हो ।
- हदीस: मुनाफिक (पाखण्डी) हरूका लागि यी दुई नमाजहरू सबैभन्दा कठिन छन् । यदि तिमीहरूलाई यी दुई नमाज को सवाब (पुण्य) थाहा भएको भए तिमीहरूले पक्कै पनि आउने थियौ, यद्यपि घुँडा घस्रेर भए पनि ।