حدیث: سِبَابُ المُسْلِمِ فُسُوقٌ، وَقِتَالُهُ كُفْرٌ». "مسلمان ته کنځل کول فسق دی، او له هغه سره جنګ کول کفر دی
عَنْ عَبْدِ اللَّهِ بنِ مَسْعُودٍ رضي الله عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«سِبَابُ المُسْلِمِ فُسُوقٌ، وَقِتَالُهُ كُفْرٌ».
[صحيح] - [متفق عليه] - [صحيح البخاري: 48]
المزيــد ...
له عبدالله بن مسعود رضی الله عنه څخه روایت دی چې رسول الله صلی الله علیه وسلم وفرمایل:
«سِبَابُ المُسْلِمِ فُسُوقٌ، وَقِتَالُهُ كُفْرٌ».
"مسلمان ته کنځل کول فسق دی، او له هغه سره جنګ کول کفر دی".
[صحيح] - [متفق علیه دی ( بخاري اومسلم دواړو روایت کړی دی)] - [صحیح بخاري - 48]
رسول الله صلی الله علیه وسلم مسلمان له دې منع کړی چې خپل مسلمان ورور ته سپکې سپورې ووایي او دا یو ډول فسق او د الله جل جلاله او د هغه د رسول صلی الله علیه وسلم له اطاعت څخه وتل دي، او مسلمان ورور سره جګړه کول یو ډول کفري عمل دی، خو کوچنی کفر دی (چې مرتکب یې د اسلام له دایرې څخه نه وځي).
د حديث له ګټو څخه
- د مسلمان د عزت او وینې درناوی ساتل فرض دي.
- په ناحقه مسلمان ته سپکاوی کول لوی (خطرناک) برخلیک لري، څوک چې په ناحقه سپکې سپورې وایي هغه فاسق دی.
- مسلمان ته سپکې سپورې ویل او ورسره جګړه کول ایمان کموي او کمزوری کوي.
- ځینې کړنې کفر بلل کیږي؛ که څه هم هغه لوی کفر ته ونه رسیږي چې انسان پرې د اسلام له دین څخه وځي.
- د اهل سنت په اند دلته له کفر څخه مراد هغه کوچنی کفر دی چې له مخې یې څوک له دين څخه نه وځي. ځکه چې الله تعالی مومنان د جګړې او لانجې په حالت کې هم یو د بل ایماني ورونه بللي، الله تعالی فرمایلي دي: (وَإِنْ طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا) یعنې: او كه په مومنانو كې دوه ډلې په خپل مینځ كې جنګ شروع كړي، نو تاسو د دغو دواړو په مینځ كې سوله وكړئ. د الله تعالی تر دې وینا پورې: ( إِنَّمَا الْمُؤْمِنُونَ إِخْوَةٌ). یعنې: (بېشكه هم دا خبره ده چې مومنان خو سره وروڼه دي).
ډلبندیانې
نور
- حدیث: آیا تاسو له تر ټولو غټو ګناهونو خبر نه کړم؟
- حدیث: له اوو هلاکوونکو ګناهونو څخه ځان وساتئ، دوی وويل: يا رسول الله هغه کوم دي؟ هغه وفرمايل: له الله سره شرک كول، جادوګري، د هغه نفس وژل چې له حق پرته یې الله وژل حرام كړي دي، سود خوړل، د يتيم مال خوړل، - په جهاد کې - د جنګ له میدان څخه شاتګ، او پر پاکو، بې خبره او مؤمنو بیبیانو د زنا تور پورې کول.
- حدیث: پنځه ګوني لمونځونه، یوه جمعه تر بلې او یو رمضان تر بل پورې هغه ګناهونه بخښي چې د دوی تر منځه شوي وي پدې شرط چې له کبیره ګناهونو ځان وساتل شي.
- حدیث: ځینې خلک د الله په مال کې په ناحقه ناوړه لګښت کوي، نو د قیامت په ورځ د دوی لپاره اور (دوزخ) دی.
- حدیث: له ګمان څخه ځان وساتئ، ځکه ګمان تر ټولو دروغجنه وینا ده.
- حدیث: مړو ته ښکنځل مه کوئ؛ ځکه هغوی هغه څه ته وروسېدل چې وړاندې یې لیږلې و.
- حدیث: د مسلمان لپاره روا نه دي چې خپل ورور له دریو شپو څخه زیات پریږدي، کله چې دوی سره مخ کیږي: نو دا ترې مخ اړوي، او هغه هم ترې مخ اړوي، او په دې دواړو کې غوره هغه څوک دی چې په سلام پیل وکړي.